Congrock 17
Congrock 17 ya iku kelompok musik saka Semarang, Jawa Tengah, Indonesia kang nggabungake unsur keroncong karo rock. Congrock 17 ngadeg 23 Maret 1983. Salah sijiné tokoh ing kelompok musik iki yakuwi Marco Marnadi, seniman saka Slawi. Congrock 17 naté nampa kesempatan main dipirsani Présidhèn Susilo Bambang Yudhoyono nalika rapat terbatas karo para mantri babagan bioenergi, ing Hotel MesaStilla, Magelang.[1][2][3]
Riwayat[besut | besut sumber]
Sajatiné, aran "Congrock" ora kewetu saka para punggawane, nanging saka pamirsa nalika mirsani pagelarane, sing ujare "Keronconge ngerock". Marco lan sakanca-kanca pancen nggabungake rong unsur (genre) musik ya iku keroncong lan rock ana ing saben pagelarane. Iku mau dadi wujud kebebasan berekspresi tanpa diwatesi sapérangan patokan-patokan utawa patron. Ngerock ing kéné dudu ateges ngetoke suara kaya musik rock nganggo piranti elektrick, nangin ana pérangan sing unik ing babagan wirama, wiraga, lan ora lali rada nglebokke lelucon.
Wiwitane, Congrock 17 durung bisa ditampa ing masarakat musik amarga akèh sing nganggep nyalahi pakem keroncong klasik. Pakem kuwi, kaya déné cacahé piranti musik sing kudu dimainke pitu. Kurang utawa punjul kuwi, durung pantes diarani keroncong. Nanging suwé-suwé masarakat pamireng keroncong padha seneng. Saiki, anggota Congrock 17 duwé anggota cacahé 15 juru main, kanti nambah piranti kaya déné brass, saksofon,terompet, trombone, drum, lan keyboard.
Laire Congrock 17 ora diselaki ndadèkaké inspirasi laire sakperangan turunan saka musik keroncong kaya déné keroncong jazz (congjazz), kerondong dangdut (congdut), uga keroncong goyang (congyang). Mula saka kuwi, Komite Musik Dewan Kesenian, sigra, nganakake ajang apresiasi "Warung Keroncong". Warung Keroncong sing dianakake saben dina Rebo bengi ing Taman Budaya Raden Saleh Semarang, iku wujudé kaya warung, panggonan kanggo kumpul wong-wong, ngobrol ngalor-ngidul, santai sinambi ngrongokke musik keroncong. Saliane tampil ing Indonesia, Congrock 17 kadangkala uga diundang ana ing mancanegara kaya déné Malaysia lan mèlu sakperangan festival keroncong internasional.
Punggawa[besut | besut sumber]
- Marco Marnadi (vokal)
- Yanto (melodi)
- Anang (bas)
- Hendi (keyboard)
- Veri (drum)
- Yono (okulele/cuk-cak)
- Tono (okulele/cuk-cak)
- Darmaji (cello)
- Andre (piyul)
- Rifai (flood)
- Dodo (saksofon)
- Rudi (vokal)
- Kunto (vokal)
- Andri (vokal)
- Eva (vokal)
Rujukan[besut | besut sumber]
- ↑ Nasional Kompas: Congrock Kebebasan dalam Berkesenian, dideleng 6 Maret 2017
- ↑ Metro Semarang: Congrock 1 kolaborasi keroncong dengan dan rock dengan sentuhan modern Archived 2017-03-23 at the Wayback Machine., dideleng 6 Maret 2017
- ↑ Suara Merdeka: Pertemuan Losari Hasilkan Aksi Pengembangan Bioenergi, dideleng 6 Maret 2017
| Artikel iki minangka artikel rintisan. Kowé bisa ngéwangi Wikipédia ngembangaké. |