Cithakan:Gapura:Geografi/Artikel pinilih
Republik Demokratik Federal Ethiopia (Ityop'iya, basa Amhara ኢትዮጵያ) kuwi sawijining negara kang dumunung ing Afrika.
Ethiopia ndarbèni sajarah kang paling jangkep minangka negara mardika ing bawana kasebut. Minangka negara paling tuwa ing donya, kawasan Etiopia uga minangka salah siji panggonan peradaban kang paling wiwitan ing donya. Pamaréntahan Etiopia pisanan diwangun udakara taun 980 SM lan nampa agama Kristen ing abad ka-4 M. Negara iki cukup unik yèn dibandingaké karo negara-negara Afrika liyané amarga ora naté dijajah wektu jamané Parebutan Afrika, lan terus mardika nganti taun 1936, nalika pasukan Italia nguwasani negara mau. Pasukan-pasukan Britania Raya lan Ethiopia ngalahaké tentara Italia taun 1941, lan Ethiopia ngéntukaké kadhaulatané manèh sawisé nanda tangani Prajanjèn Britania-Ethiopia ing Desember 1944. Ethiopia biyèn naté dijenengké Abisinia.
Wektu iki, Etiopia minangka negara awangun republik lan mèlu aktif jroning aktivitas-aktivitas kerjasama internasional. Ibukuthané, Addis Ababa minangka pusat administrasi Uni Afrika (AU).
Ethiopia isih nganggo kalendher Julian saéngga negara iki arep mbuka rangkaian perayaan nyambut milenium katelu adhedhasar penanggalan kalendher kasebut. Negara ing Sungu Afrika iki migunakakén kalender Julian kang kèri watara 7 tahun dibandingaké karo kalendher Gregorian kang luwih umum dipigunakaké ing donya[1]. Tutugé