Blog

Saka Wikipédia Jawa, bauwarna mardika basa Jawa
Jump to navigation Jump to search
blog saking wordpress

Blog cekakan saka tembung "web blog" iku wangun aplikasi web kang wujud tulisan-tulisan (kang diamot minangka posting) ing sawijining kaca web umum[1]. Tulisan-tulisan iki kerep diamot sajeroning urutan kuwalik (isi paling anyar dumunung ana ing nduwur), sanadyan ora kabèh mangkono[1]. Situs web kaya iki racaké bisa diaksès déning kabèh panganggo internèt miturut topik lan angkah saka panganggo blog mau.[2]

Sajarah[besut | besut sumber]

Istilah "web blog" pisanan digunakaké déning Jorn Barger (Dhésèmber 1997).[2]Jorn Barger nggunakaké istilah blog kanggo nyebutake kelompok website pribadi kang di update terus utawa kontinyu lan isiné link marang website liya kang dianggep apik dibarengi komentar-komentare dhéwé.[2] Roger Yim, kolumnis saka San Fransisco Gate ngandaraké yèn blog iku persilangan saka diary wong lan pratélan link ing internet.[2] Scott Rosenberg ing kolomé kang ana ing majalah online Salon (Mèi, 1999) nyimpulké yèn blog iku ana ing batesan website kang luwih ana nyawané tinimbang mung kumpulan link, nanging kurang instropektif tinimbang diary kang disimpen ing internét.[2] Blog kaping pisan ya iku kaca Whats New ing browser Mosaic kang digawé déning Marc Andersen taun 1993.[2] Mosaic ya iku browser kaping pisan sadurungé ana Internet Eksploler lan Netscape.[2] Januari 1994, Justin Hallwiwit websité pribadine, Justin Home Page kang banjur diowah dadi Links from the Underground kang kena karan blogsaiki.[2] Blog duwé fungsi akèh, saka dadi cathetan saben dina (buku harian), médhia publikasi ing kampanye pulitik, tekan program-program médhia lan perusahaan-perusahaan.[3] Sapérangan blog dikelola déning penulis tunggal, lan sapérangan liyané dikelola déning penulis kelompok.[3] Akèh weblog kang duwé fasilitas interaksi karo pengunjung liyané, kaya ta nggunakaké buku tamu lan kolom komentar kang bisa ditulis déning tamu blogger, nanging ana uga blog kang sipaté non-interaktif.[3] Situs-situs web kang siji lan sijiné ana kaitane iku krana weblog, utawa kumpulan weblog utawa kang asring karan blogosphere.[3] Yèn kumpulan gelombang aktivitas, informasi lan opini kang gedhé banget bola-bali metu kanggo pirang-pirang objek utawa kontroversial banget kadadéan ing blogosphere, mula iku asring karan blogstrom utawa badai blog.[3]

Komunitas Blogger[besut | besut sumber]

Komunitas blogger ya iku komunitas kang awujud saka para blogger kang padha daerahé, padha kampusé, padha hobiné lan sakpiturute.[4] Blogger-blogger kang kagabung ing komunitas-komunitas blogger racaké asring nganakaké kegiyatan bareng-bareng kaya ta kopi darat.[2]

Jinis-jinising Blog[besut | besut sumber]

Jinis-jinising blog ya iku:[5]

  • Blog Pulitik: ngemot warta-warta pulitik, aktivis, lan kabèh persoalan blog.
  • Blog Pribadi: uga karan buku harian (diary) online kang isiné pengalaman pribadi,
  • Blog Riset: blog kang bahas persoalan akademis kaya ta riset paling anyar.
  • Blog Bertopik: blog kang bahasé fokus ing basan mirunggan.
  • Blog Keséhatan: blog kang bahasé luwih spesifik ing masalah keséhatan.
  • Blog Sastra: kondhang litblog (Literaly blog)
  • Blog Agama: Blog kang bahasé bab agama.
  • Blog Pendidikan: racaké ditulis guru lan wong-wong kang makarya ing pendidikan.
  • Blog Bisnis: digunakaké para pebisnis kanggo promosi.
  • Blog Hukum: isiné masalah-masalah hukum uga karan blawgs (Blog laws)
  • Blog Media: fokus ing basan ora konsistene médhia massa. Lumrahé kanggo koran lan jaringan televisi.

Cathetan suku[besut | besut sumber]

  1. a b hakimtea.com
  2. a b c d e f g h i Purna Mulyanto, Asep. 2009.Go Blog.Bandung:Oase Media
  3. a b c d e hakimtea.com
  4. www.alamathur.com
  5. www.andisakab.com

Pranala njaba[besut | besut sumber]