Biologi seganten

Saka Wikipédia, bauwarna bébas basa Jawa
(Dilih saka Biologi kelautan)
biologi seganten

Biologi seganten inggih punika salah satunggaling elmi ingkang ngrembag babagan pagesangan makhluk urip ing laut (makhluk urip saha interaksinipun wonten ing lingkunganipun). Kathah perkawis ingkang njalari tiyang kedah sinau biologi laut amargi laut punika nyamektakaken sumber panganan, obat, bahan dhasar, rekreasi, lan pariwisata. Biologi kalautan punika nyangkup skala ingkang ageng saking makhluk gesang ingkang mikro kados ta plankton lan fitoplankton ngantos kéwan- kéwan ingkang ageng kados ta paus. Sanajan ta laut punika wewengkonipun ingkang 71% wonten ing raining planet bumi, amargi jeronipun laut sakitering 300 langkung ageng saking volumenipun ingkang dipundadosaken papan dumunungipun manungsa. Tiyang ingkang sinau kanthi tumemen bab bilogi kalautan punika dipunsebat ahli biologi kalautan ingkang nyinaoni bab tanduran, kewan, lan organisme sanèsipun saking lautan wiwit saking mamalia laut ingkang ageng ngantos plankton mikroskopis.[1]

Lebeting laut[besut | besut sumber]

Ing salebeting laut punika ugi kados dene dharatan, ingkang ugi dipundadosaken papan dumunungipun biota laut kados ta tanduran, kewan- kewan, lan ugi mikroorganisme ingkang urip. Biota laut punika dumunung wonten ing meh sadaya bageyan laut, wiwit saking pasisir, raining laut ngantos ing dhasaring laut ingkang paling lebet. Kawontenanipun biota laut punika sanget narik kawigatosanipun manungsa, boten namung amargi pagesanganipun ingkang rahasia sanget nanging ugi amargi biota laut ngewrat mupangat ingkagn ageng kangge pagesanganipun manungsa. Elmu bab biota kalautan punika ngrembaka cepet sanget kangge mbikak rahasiya pagesanganipun maneka warna jinising biota laut ingkang cacahipun jinisipun ageng sanget lan maneka warna jinisipun ugi inggil sanget. Inggiling ragam jinis biota ing laut namung saged dipuntandhingi déning ragam biota hutan hujan tropik ing dharat. Boten kirang saking 833 jinising tanduran laut (alga, lamun, lan mangrove), 910 jinis karang (Coeleterata), 850 jinis sepon (porivera), 2500 jinis kerang lan keong (mollusca), 1502 jinis urang lan yuyu (Crustacea), 754 jinis kewan kanthi kulit duri (Echinodermata), 2000 jinis iwan (Pisces), 148 jinis manuk laut (Aves) lan 30 jinis kewan menyusui (Mamalia), dipunmangertosi dumunung gesang wonten ing laut. Kejawi saking punika, ugi kecathet wonten pitung jinis penyu lan tigang jinis baya (Reptilia) ugi ingkang gesang ing laut.[2]

Cathetan suku[besut | besut sumber]

  1. ^ (id)Ahli biologi kelautan (dipunundhuh tanggal 8 Pebruari 2013)
  2. ^ (id)BIOLOGI LAUT (dipunundhuh tanggal 8 Pebruari 2013)
Sumber artikel punika saking kaca situs web: "https://jv.wikipedia.org/w/index.php?title=Biologi_seganten&oldid=1014450"