Bintang Kartika Eka Paksi

Saka Wikipédia Jawa, bauwarna mardika basa Jawa
Bintang Bintang Jasa Utama

Bintang Kartika Eka Paksi (basa Sansekerta: peksi (manuk) gagah tanpa tandhing; kartika ateges bintang utawa bintang; eka ateges satunggal; paksi ateges sewiwi, manuk) inggih punika salah satunggaling wujud bintang tandha kaurmatan ingkang dipunwedalaken lan dipunparingaken déning Tentara Nasional Indonesia Angkatan Darat Republik Indonesia kanggé anggota korpsipun ing babagan militèr ingkang sampun ngetingalaken kaprigelanipun, kawicaksananipun, lan ugi jasa-jasa ingkang sanget luar biyasa ingkang sampun nglangkungi tugas kuwajibanipun tanpa ngrugekaken tugasipun ingkang baku.[1]

Bintang Kartika Eka Paksi inggih punika minangka bintang TNI Angkatan Darat ingkang kapérang saking tigang kelas, inggih punika:[2]

  1. Bintang Kartika Eka Paksi Utama
  2. Bintang Kartika Eka Paksi Pratama
  3. Bintang Kartika Eka Paksi Nararya

Wujudipun Bintang[besut | besut sumber]

Bintang Kartika Eka Paksi dipundamel saking logam, ingkang awujud satunggaling bintang kanthi gadhah sudut cacahipun 17 kanthi garis tengahipun 55 mm kanggé Bintang Kartika Eka Paksi Utama lan kanthi garis tengah 45 mm kanggé Bintang Katika Eka Paksi Pratama lan Bintang Kartika Eka Paksi Nararya. Ing sak ngajengipun rai bintang mau dipungambaraken satunggaling bintang kanthi gadhah sudut 7 lan wonten gambar lambang Angkatan Darat Kartika Eka Paksi; rerangkening kapuk ingkang cacahipun 8 iji lan sak lèr pari ingkang cacahipun 45 iji kanthi gadhah amba 6 mm ingkang ngiteri bintang kanthi sudut 7 mau ingkang dipunrangké saking ngandhap dhateng manginggil. Déne pangkalipun tangkenipun kapuk lan pari sami nggathuk dados satunggal ing sisih ngandhap, lan pucukipun tangkénipun kepanggih ing pucukipun bintang sisih nginggil. Bintang Kartika Eka Paksi mau dipungantung wonten ing gathukan inggih punika wonten ing gambar 5 iji kembang mlathi ingkang gadhah ron cacahipun 10, minangka ingkang saged ngaitaken bintang wonten ing pita kalung lan pita gantung. Bintang Kartika Eka Paksi Utama wernanipun emas sadaya kejawi bintang kanthi sudhut 7 wernanipun pérak lan dipunsukani satunggaling patra ingkang wujud lan wernanipun sami, kanthi ukuranipun ingkang langkung ageng inggih kanthi garis tengah 75 mm. Bintang Kartika Eka Paksi Pratama, bintang kanthi sudhut pitula saha gambar lambang Kartika Eka Paksi wernanipun emas déné rerangkening kapuk lan padi saha bintang sudhut 7 mau wernanipun pérak. Bintang Kartika Eka Paksi Nararya, wernanipun pérak sadaya kejawi lambang Kartika Eka Paksi wernanipun emas. Ing sisih wingkingipun bintang dipungambaraken seratan Republik Indonesia. Pita harian saking bintang kartika Eka Paksi wernanipun sami kaliyan pita mau ing nginggil kanthi ukuran dawanipun 35 mm lan ambanipun 10 mm.

Cathetan suku[besut | besut sumber]

  1. Bintang Kartia Eka Paksi
  2. BINTANG KARTIKA EKA PAKCI(dipunundhuh tanggal 8 Maret 2013)