Bintang Garuda

Bintang Garuda

Bintang Garuda (basa Sansekerta: garuda ateges smanuk garuda ingkang minangka tungganganipun déwa Wisnu) inggih punika salah satunggaling wujud bintang tandha kaurmatan saking penghargaan tugas-tugas ingkang sampun dipuntindakaken ing akasa ingkang sampun dipuntindakaken déning Tentara Nasional Indonésia Angkatan Udara Républik Indonésia ingkang sampun nindakaken tugasipun saking taun 1945 ngantos pungkasaning taun 1949.

Bintang Garuda inggih punika bintang kanthi lapis tiga ingkang dipundamel saking logam wernanipun prunggu kanthi wonten lambangipun Angkatan Udara Republik Indonésia kanthi seratan Swa Bhuwana Paksa (swa ateges mandhiri; bhuwana ateges papan dumunung, dunya; paksa ateges suwiwi).

Wujudipun Bintang

Bintang Garuda wujudipun inggih kados ingkang dipungambaraken ing gambar utawi lukisan ing nginggil, inggih punika satunggaling bintang kanthi gadhah tigang lapis ingkang dipundamel saking logam warna prunggu kanthi gadhah garis tengahipun 48 mm.

• Lapisan ingkang sepisanan inggih punika minangka dhasar wujudipun bintang kanthi gadhah sudhut ageng lan alit cacahipun sedasa kanthi saben pucukipun sudhut ingkang ageng wonten satunggaling bunderan alit.
• Lapisan kaping kalih inggih wujudipun bunder kanthi garis tengahipun 25 mm lan wonten seratan 1945 Garuda 1949.
• Lapisan ingkang kaping tiga inggih awujud lukisan lambang Angkatan Udara Republik Indonesia kanthi serata "Swa Bhuwana Paksa" ingkang kapérang saking satunggal manuk gurda ingkang ngepakaken suwiwinipun sak inggil-inggilipun, 5 pucuk anak panah ingkang dipungenggem kanthi keker déning cakaripun gurda, satunggaling perisai kanthi lukisan kapuloan Indonésia wondéné ing papan punika manuk gurda saged madeg; geni ingkang murubipun ageng sanget ingkang ngiteri perisai punika, satunggaling karangan manggar ingkang ngiteri gurdanipun, lan sedayanipun cacahipun 17 iji.

Déné ing sisih wingkingipun bintang mau wonten seratan "Republik Indonesia". Pita saking bintang Gurda punika gadhah ukuran ambanipun 35 mm, lan dawanipun 52 mm, kanthi warna dhasaripun biru tuwa kanthi satunggal strip tegak wernanipun pérak lan ing tengah-tengahipun ambanipun 8 mm lan ing tengah-tengahipun pita dipuntemplekaken satunggaling tandha ingkang wujudipun montor mabur alit lan dipundamel saking logam wernanipun prunggu.