Bintang Bhayangkara

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Bintang Bhayangkara

Bintang Bhayangkara (basa Sansekerta: bhayangkara ateges sereng, hebat; satunggaling nama wadyabala pengawal élit saking kraton Majapait) inggih punika salah satunggaling wujud bintang tandha kaurmatan ingkang dipunwedalaken lan dipunparingaken déning Kapolisian Negara Républik Indonésia kanggé anggota kapolisen ing babagan militèr ingkang sampun ngetingalaken kaprigelanipun, kawicaksananipun, lan ugi jasa-jasa ingkang sanget luar biyasa ingkang sampun nglangkungi tugas kuwajibanipun tanpa ngrugèkaken tugasipun ingkang baku.

Bintang Bhayangkara inggih punika minangka bintang TNI Angkatan Udara ingkang kapérang saking tigang kelas, inggih punika:[1]

  1. Bintang Bhayangkara Utama[2]
  2. Bintang Bhayangkara Pratama
  3. Bintang Bhayangkara Nararya

Wujudipun Bintang[besut | besut sumber]

Bintang Bhayangkara wujudipun inggih kados ingkang dipungambaraken ing gambar, inggih punika satunggaling bintang hias ingkang gadhah sudhut gangsal kanthi garis tengahipun 45mm, lan ing rai ngajengipun wonten satunggaling perisai Kapolisèn. Bintang Bhayangkara Utama ugi dipunsukani Patra ingkang wujud lan kombinasi wernanipun sami kaliyan lintangipun, kanthi ukuran gari tengahipun 75 mm. Bintang Bhayangkara Utama gadhah bintang lan rerenggan sinar-sinar ingkang dipundamel saking logam werni emas, déné bunderanipun ingkang kapérang saking pari lan kapuk, pita kanthi seratan Bhyangkara lan wonten tigang bintang alit saha perisai lambang Kapolisen lan dipundamel saking logam werni pérak . Bintang Bhayangkara Pratama gadhah bintang lan rerenggan sinar-sinar ingkang dipundamel saking logam werni pérak , déné bunderanipun ingkang kapérang saking pari lan kapuk, pita kanthi seratan Bhyangkara lan wonten tigang bintang alit saha perisai lambang Kapolisen lan dipundamel saking logam werni emas. Bintang Bhayangkara Nararya dipundamel saking logam wernanipun pérak. Ing sisih wingkingipun bintang wonten seratan Republik Indonesia. Pita kanggé Bintang Bhayangkara Utama wujud pita kalung déné kanggé Bintang Bhayangkara Pratama lan Bintang Bhayangkara Nararya wujud pita gantung, ingkang gadhah warna dhasar cemeng lan gadhah 6 lajur kanthi warna kuning kanggé Bintang Bhayangkara Utama, 5 lajur wernanipun kuning kanggé Bintang Bhayangkara Pratama lan 4 lajur kanthi warna kuning kanggé Bintang Bhayangkara Nararya. Pita kalung mau ukuran ambanipun 35 mm, déné pita gantungipun gadhah amba 35 mm lan dawanipun 40 mm. Pita harian saking bintang Bhyangkara wernanipun sami kaliyan pita iingkang sampun kasebutaken ing nginggil kanthi ukuran dawanipun 35 mm lan ambanipun 10 mm.

Cathetan suku[besut | besut sumber]

  1. BINTANG BHAYANGKARA(dipunundhuh tanggal 9 Maret 2013)
  2. Bintang Bhayangkara Utama