Big Ben

Saka Wikipédia Jawa, bauwarna mardika basa Jawa
Big Ben London
Big Ben ing mangsa wengi

Big Ben inggih punika lonceng ageng ing menara jam ing Gedhung Parlemen ing Westminster, London. Asma punika ugi dipun-ginakaken kanggé ngurujuk menara punika piyambak. Menara jam dumunung ing sisih lèr Pura Westminster ing Central London ingkang dipunyasa taun 1859.

Menara punika dipuntepang kanthi asma Big Ben amargi minangka sebatan kanggé lonceng ingkang paling ageng ing menara jam ingkang sadèrèngipun dipunsebat Bell Ageng. Menara punika nginggilipun 96 mèter lan kirang langkung wonten 400 jangkah ing nginggilipun. Wewangunan punika boten kanggé turis mancanagara. Namung warga Inggris ingkang gadhah idin kanggé minggahi Big Ben. Westminster Bridge inggih punika papan ingkang saé kanggé mundhut gambar lan Parliament Square.[1]

Struktur Big Ben[besut | besut sumber]

Pura Westminster lan Big Ben saking wétan laut, saking Kreteg Westminster

Menara punika dipunyasa kanggé péranganing pangyasanipun pura énggal déning Charles Barry, sasampunipun Pura Westminster ingkang kebesmèn ing tanggal 22 Oktober 1834. Menara ingkang nginggilipun 96.3 mèter dipunbiyangu kanthi gaya Gothik Victoria. 61 mèter ing ngandhap jam dipundamel saking bata ingkang dipunlapisi sèla, sanèsipun punika nginggilipun menara saking ragangan wesi ingkang dipundamel saking wesi leleh. Menara punika dipunyasa ing nginggilipun lemah 15 mèter ping 15 mèter, pondasinipun saking beton kandelipun 3 mèter. Sedaya sisih jam nginggilipun 55 mèter

Ngajeng Jam[besut | besut sumber]

Ngajeng Big Ben

Jam punika dipundesain déning pangacara lan horologis Edmund Beckett Denison, lan George Airy, inggih punika Astronom Karajaan. Jam punika dipundamel Edward John Dent, ingkang rampung ing taun 1854. Nanging taksih dèrèng rampung ngantos taun 1859. Nalika Blitz London, Pura Westminster dipunbom déning Jerman,ing tanggal 10 Mèi 1941, bom dadosaken kalih saking sekawan ngajeng jam rusak lan nginggilipun menara sarta ngrusaka papan dewan rakyat. Arsitek Sir Giles Gilbert Scott ingkang dandosi papan punika.

Karusakan ing Big Ben[besut | besut sumber]

Kerusakan ing Big Ben inggih punika:

  1. Taun Anyar 1962: salju lan es ingkang nutupi lengen panjang jam dadosaken jam boten saged mubeng, dadosaken bandul medal saking papanipun.
  2. Agustus 1976: Karusakaan ingkang paling ageng. Bagean saking bell rusak amargi lo am ingkang sampun dangu. Big Ben boten saged dipungunaaken 9 sasi lan 26 dinten – jam. Ing pungkasan mati malih ing tanggal 9 Mèi 1977.
  3. 30 April 1997: mati.
  4. Tiga minggu salajengipun: rusak malih.
  5. Jumat, 27 Mèi 2005: jam mati ing 10:07 wengi wekdal punika, manawi mati amargi mangsa panas (temperatur ing London wekdal punika ngantos 31.8 °C (90 °F). Jam punika pungkasanipun saged urip malih, nanging mati malih ing 10:20 wengi wekdal punika lan mati ngantos 90 menit ngantos saged urip malih.[2]

Cathetan suku[besut | besut sumber]

  1. www.tourist-information-uk.com Archived 2012-02-11 at the Wayback Machine.(dipuntingali tanggal 22 September 2011)
  2. selebonline.com(dipuntingali tanggal 22 September 2011)