Berlin Kulon

Saka Wikipédia Jawa, bauwarna mardika basa Jawa
Kacamatan ing Berlin Kulon

Berlin Kulon iku jenengé tlatah kulon kutha Berlin saka taun 1949 nganti 1990. Tlatah iki kasusun saka sèktor sekuthu Amérika Sarékat, Britania Raya lan Prancis kang diputusaké ing taun 1945. Sektor Uni Sovyèt dadi Berlin Wétan.

Berlin Kulon iku kabèh mbiyèn diubengi sèktor-sèktor Sovyet, dadi sawijining enklave. Para sekuthu kulon diwèhi jaminan koridor udara, anging ora diwèhi jalur dharat, dadi dienggo balesan réformasi monetèr lan pulitik ing pérangan kulon, wong-wong Sovyet bisa medhot gayutan dharat lan ngisolasi Berlin Kulon. Mula banjur wong-wong sekuthu dibawahi Amérika Sarékat mènèhi pitulung liwat gayutan udara. Delengen artikel Blokade Berlin kanggo informasi luwih akèh manèh.

Ing tanggal 13 Agustus 1961 pamarènntah Jerman Wétan yasa Tembok Berlin kanggo ngisolasi wong Berlin Kulon saka Jerman Wétan. Sawisé iku kang ndunungi Berlin Kulon namung bisa lunga saka Berlin Kulon menyang Jerman Kulon.

Ing tanggal 26 Juni 1963, Présidhèn John F. Kennedy mara menyang Berlin Kulon lan mènèhi pidhatoné kang misuwur mawi ukarané "Ich bin ein Berliner."

Ing tanggal 9 November 1989 témbok Berlin dibuka manèh.

Pendhudhukan Berlin


Berlin Kulon mangandhung 'kacamatan-kacamatan':

Ing Sektor Amérika

Ing Sektor Inggris

Ing Sektor Prancis

Ing tanggal 3 Oktober 1990 Jerman Kulon lan Wétan dadi siji manèh lan Berlin Kulon dadi sajarah.