Basa Tolaki

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Tolaki
Tololaki, To’olaki, Lolaki, Laki, Tokia
Asal Indonésia
Laladan Sulawesi Kidul-Wétan
Panyatur asli
330.000 (2000)[1]
Austronésia
Latin
Kodhe basa
ISO 639-3 lbw
Glottolog tola1247[2]

Basa Tolaki ya iku salah siji basa sing dicaturaké ing tlatah pagunungan Mékongga, Sulawesi Kidul-Wétan, Indonésia. Basa iki déning A.C. Kruyt digolongaké sajeroning kulawarga basa Bungku-Tolaki, déné déning J. Esser digolongaké sajeroning kulawarga basa Bungku bareng basa liyané kaya ta basa Maputé, Landawé, Moronéné, lan Laiwui.[3] Basa Tolaki iki nduwéni telung unggah-ungguh basa, ya iku basa golongan ningrat (tuluri anakia), basa golongan madya (tulura lolo), lan basa golongan batur tukon (tulura ata).[3]

Dhialèk[besut | besut sumber]

Basa Tolaki nduwéni sawetara dhialèk, ya iku:

  • Wiwirano (Nohina)
  • Aséra (Aséra Wanua, Noié)
  • Konawé (Kendari, Tambuoki, Kioki)
  • Mékongga (Kolaka, Bingkokak, Norio, Tamboki, Konio)
  • Laiwui

Miturut Edwards, dhialèk Mèkongga ya iku dhialèk sing diajèni (duwé prèstise).[4] Dhialèk Mèkongga iki dicirèni minangka basa alus, déné dhialèk Konawé dicirèni minangka basa kasar.[4] Panyatur basa Tolaki adaté ngarani warna-warna dhialèk sing ora lumrah kanggo dhèwèké minangka dhialèk Mékongga, kalebu basa sing dienggo sajeroning upacara adat.[4]

Cathetan sikil[besut | besut sumber]

  1. Tolaki ing Ethnologue (éd. ka-18, 2015)
  2. Hammarström, Harald; Forkel, Robert; Haspelmath, Martin, eds. (2017). "Tolaki". Glottolog 3.0. Jena, Jerman: Max Planck Institute for the Science of Human History. 
  3. a b Melalatoa 1995, k. 867.
  4. a b c Edwards 2012, k. 2.

Rujukan[besut | besut sumber]