Bèntèng Otanaha

Bèntèng Otanaha kalebet papan pariwisata ingkang mapan wonten ing nginggiling bukit kalurahan Dembe I, kacamatan Kota Barat, kutha Gorontalo ^[1]. Bèntèng Otanaha punika dipunyasa kirang langkung taun 1522. Bèntèng ingkang wonten ing inggil bukit punika gadhah 4 papan singgah lan 348 tangga dhateng puncak dumugi lokasi bètèng. Gunggunging anak tangga boten sami kanggé saben papan singgah. saking dhasar dhateng papan singgah I wonten 52 anak tangga, dhateng papan singgah II wonten 83 anak tangga, lajeng manawi dhateng papan singgah III wonten 53 anak tangga, saha dhateng papan singgah IV wonten 89 anak tangga. Wonten ing aréa bètèng gadhah 71 anak tangga, saéngga jumlahipun sadaya wonten 348 ^[2].

Lokasi Bèntèng Otanaha punika boten tebih saking Tlaga Limboto. Ing bètèng punika nyimpen sejarahipun kejayaan Gorontalo. Wiwit saking duginipun bangsa Portugis ing abad kaping 15, perang kalih karajan ingkang taksih sadulur inggih punika Gorontalo kaliyan Limboto, dumugi bètèng punika dados saksi pengasatan Tlaga Limboto ingkang sapunika dados ancaman kanggé lingkungan. Dipunprakiraaken bilih kala rumiyin, Gorontalo lan Limboto punika genangan toya ingkang kaubungaken dhateng sagara. Kaanan mau ndadosaken kapal-kapal ageng saged ndarat lan mlebet dhateng wewengkon ingkang dangkal mau.

Sajarah Bèntèng Otanaha

Bèntèng Otanaha punika dipunyasa kirang langkung ing taun 1522 M déning Raja Ilato awit prakarsanipun para nahkoda kapal Inggris ingkang ndharat wonten ing Pelabuhan Gorontalo kanggé damel kuwating pertahanan lan keamanan nagara saking musuh. Bèntèng Otanaha punika dipundamel saking bahan-bahan wujud pasir, watu kapur, lan tigan utawi endhog saking manuk maleo minangka semen utawi bahan kanggé ngraketaken ^[3]^[4].

Miturut cariyos, Raja Ilato gadhah kalih putri lan satunggal putra, inggih punika Ndoba, Tiliaya, lan Naha. Nalika taksih enèm, Naha tindak merantau ing nagari seberang, lajeng sadulur estrinipun mapan wonten ing karajan Gorontalo. INg taun 1585, Naha kondur ing negerinipun lajeng agarwa Ohihiya. Kasiling saking garwanipun punika Paha (Pahu) lan Limonu. Nalika perang nglawan pemimpin transmigran, hemuto, Naha lan Paha palastra ing perang mau. Ing perang mau Naha, Ohihiya, Paha lan Limonu ngginakaken tiga bètèng minangka pusating kekuwatan pertahanan. Kanggé ngenang jasa para pahlawan mau, tiga bènten kasebu dipunparingi nama Otanaha, Otahiya, lan Ulupahu. Nanging wonten ing pangembanganipun bètèng punika langkung kawéntar kanthi nama Bèntèng Otanaha ^[3].

Cathetan suku

↑ [1], (id) Benteng Otanaha Gorontalo (dipun-akses tanggal 27 Dhésèmber 2012).
↑ [2], (id) http://www.gorontaloprov.go.id Benteng Otanaha (dipun-akses tanggal 27 Dhésèmber 2012).
↑ ^a ^b [3] Archived 2014-07-18 at the Wayback Machine., (id) http://www.wisatamelayu.com Archived 2008-02-26 at the Wayback Machine. Benteng Otanaha (dipun-akses tanggal 27 Dhésèmber 2012).
↑ [4] Archived 2013-05-03 at the Wayback Machine., (id) Keunikan Benteng Otanaha (dipun-akses tanggal 27 Dhésèmber 2012).

[otanaha1-1] [1], (id) Benteng Otanaha Gorontalo (dipun-akses tanggal 27 Dhésèmber 2012).

[otanaha2-2] [2], (id) http://www.gorontaloprov.go.id Benteng Otanaha (dipun-akses tanggal 27 Dhésèmber 2012).

[otanaha3-3] [3] Archived 2014-07-18 at the Wayback Machine., (id) http://www.wisatamelayu.com Archived 2008-02-26 at the Wayback Machine. Benteng Otanaha (dipun-akses tanggal 27 Dhésèmber 2012).

[otanaha4-4] [4] Archived 2013-05-03 at the Wayback Machine., (id) Keunikan Benteng Otanaha (dipun-akses tanggal 27 Dhésèmber 2012).

[1]

[2]

[3]

[4]