Azis Mangasi Siagian

Saka Wikipédia Jawa, bauwarna bébas abasa Jawa
Azis Mangasi Siagian
Azis Mangasi Siagian.jpg

Azis Mangasi Asiagian dikenal kanthi jeneng Azis Jamrud, lair ing tanggal (1968-07-25) Juli 25, 1968 (umur 49) Indonésia Cimahi, Jakarta, Indonésia.[1] Aziz Jamrud iku salah sijiné pamain gitar saka grup cadas Jamrud kang uga dadi motor ing grup musik mau.[1] Dhèwèké iku ngliris musik uga digabungaké karo musik trash metal kang duwé lirik-lirik tembang kang kocak lan rada blak-blakan.[1]

Awit dhèwèké isih rumaja lan miwiti kariré ing donya musik, musisi iki uga didayani karo musik-musik rock.[1] Dhèwèké uga tau mbentuk band kang dijenengi Jam Rock, kang pungkasané dadi cikal bakalé band Jamrud kang isih kondhang nganti saiki.[1] Saiki dhèwèké isih dadi panyumbang paling akèh ing grup band mau, ora kaya personil liyané ing grup band Jamrud.[1]

Aziz iku salah sijiné personil kang paling setya karo grup musik Jamrud.[1] Sanajan grup musik mau tau ngalami ganta-ganti personil, ananging bapak kang wis duwé anak telu iki isih seneng lan isih semangat nggawé grup musik rock iki urip ing masarakat.[1] Grup musik iki tau ditinggal lunga déning vokalisé, ya iku Krisyanto, ananging iku mau malah nggawé dhèwèké tambah semangat kanggo majukaké grup musik Jamrud kang duperjuangaké kawit mbiyen.[1]

Ing kauripan pribadiné, dhèwèké urip bebarengan karo Dian Firdianie. Dhèwèké uga kerep nyambut gawé bebarengan nggarap album para penyanyi liyané kaya ta penyanyi Nicky Astria, minangka kagolong musisi kang kondhang. Aziz uga kerep kolaborasi musik karo musisi kelas donya kaya ta White Lion lan Helloween.[1]

Formasi anyar saka grup musik kang dimotori déning dhèwèké ya iku Donald (ing vokal), Irwan (gitar), lan Danny (drum). Kanggo nglengkapi formasi, dhèwèké nyekel gitar lan Ricky Teddy (bass).[2] Nalika Krisyanto metu saka grup musik mau, grup musik Jamrud bakal mati.[2] Sandy Handoko lan Fitrah Alamsyah kang tau dadi personil Jamrud, overdosis narkoba ning taun 1999.[2]

Audisi ketat dilakoni dhèwèké lan Ricky Teddy, loro punggawa Jamrud kang isih nalika iku. Pungkasané para personil mau kang kapilih dadi péranganing saka rezim anyar Jamrud.[2]

Cathetan suku[besut | besut sumber]

  1. ^ a b c d e f g h i j biografi Jamrud Mangasi Siagian dipununduh tanggal 11 September 2011
  2. ^ a b c d berita Jamrud Mangasi Siagian dipununduh tanggal 11 September 2011