Ashadi Siregar

Saka Wikipédia Jawa, bauwarna mardika basa Jawa
Jump to navigation Jump to search
Ashadi Siregar
Lair 3 Juli 1945
Pematang Siantar, Sumatra Lor
Pakaryan Sastrawan, wartawan, dhosèn
Wong tuwa Abdul Azis Siregar,
Ny. N. H. Azis Siregar

Ashadi Siregar kondhang minangka panganggit novèl populèr kang tokohé mahasiswa.[1] Ashadi lair ana Pematang Siantar, Sumatra Lor, ing 3 Juli 1945.[1] Bapaké asma Abdul Azis Siregar, ibuné asma Ny. N. H. Azis Siregar.[1]

Pawiyatan[besut | besut sumber]

Ashadi namataké sekolah dhasar ana Prapat, Sumatra Lor, taun 1958.[1] Nerusaké SMP ana Prapat, tamat 1961.[1] Banjur ana SMA Negeri Padang Sidempuan milih pérangan B tamat 1964.[1]

Nalikane umur 19, dhèwèké péngin sinau jurnalistik amarga kainspirasi saka tokoh jurnalistik Tirto Adhi Soerjo.[2] Taun 1964, mèlu kuliah ana Jurusan Publisistik, Fakultas Sosial Pulitik, Universitas Gadjah Mada, éntuk gelar sarjana taun 1970.[1][2] Nanging, nalikané mlebu, dhèwèké kagèt amarga nèng kana ora diajari jurnalismé babar blas.[2] Suwasana jaman iku (Rezim Lawas) marakaké dhèwèké sinau junalismé dhéwé (otodidak).[2] Nanging dhèwèké tetep nerusaké pawiyatané kanggo ngurmati wong tuwané.[2] Amarga iku, dhèwèké ora nerusaké pawiyatané nganti tingkat master lan doktoral.[2] Kanggo dhèwèkné, gelar pawiyatan iku ora wigati, sing wigati ya iku pakaryané sawijining wong ana babagan kang ditresnani.[2]

Pakaryan[besut | besut sumber]

Kawit éntuk gelar sarjana publisistik, dhèwèké manggon ana Yogyakarta lan makarya minangka dhosèn enom ana jurusan publisistik iku.[1]

Ashadi sepisanan mlebu ana donya jurnalistik ing 1971, nalika dhèwèké ngedhegaké kalawarti minggon Sendi karo kanca-kancane kaya ta Daniel Dhakidae lan Zulkifly Lubis.[2] Ashadi dadi kepala édhitor ana kono.[2] Émané, kalawarti iku dilarang déning Soeharto sawisé edhisi 13 amarga kritik tajam ngenani rencana pamaréntah kanggo yasa Taman Mini Indonesia Indah.[2] Pengadilan mutusaké dhèwèké salah amarga ngina nagara lan présidhèn.[2] Dhèwèké ditibani ukuman percobaan setaun kunjara.[2]

Bubar iku, dhèwèké mlebu ana donya anyar, dhèwèké nulis 12 novèl.[2]

Karya[besut | besut sumber]

Dhèwèké nulis trilogi Cintaku di Kampus Biru.[2] Dèwèké nulis Cintaku di Kampus Biru ing 1972 lan diemot minangka cerita sambung ana Kompas taun 1972.[1] Novèl iki kondhang ing kalanganing nom-noman taun 1980-an.[3]

Cathetan suku[besut | besut sumber]

  1. a b c d e f g h i Dendy Sugono 2003, k. 41.
  2. a b c d e f g h i j k l m n Kuswandini, Dian (4 August 2010). "Ashadi Siregar: Journalism at Heart". The Jakarta Post. Dijupuk 9 August 2016. 
  3. Irianto, D. (16 April 2015). "Ashadi Siregar, Dhakidae, dan Hotman jual yasan pendidikan di DIY". The Jakarta Post. Dijupuk 9 August 2016. 

Bibliografi[besut | besut sumber]

  • Dendy Sugono, ed. (2003). Ensiklopedia Sastra Indonesia Modern. Bandung: Remaja Rosdakarya. ISBN 979-692-283-5. 

Pranala njaba[besut | besut sumber]