Antonio Abetti

Saka Wikipédia Jawa, bauwarna bébas abasa Jawa
Antonio Abetti
Abetti2.jpg
Miyos (1846-06-19)Juni 19, 1846
San Pietro di Gorizia
Tilar donya Fèbruari 20, 1928(1928-02-20) (umur 81)
Kabangsan Italin
Bidhang Astronomi
Lembaga Osservatorio Astrofisico di Arcetri
Lulusan saking University of Padua

Antonio Abetti inggih punika salah satunggaling astronom saking Italia ingkang miyos wonten ing tanggal 19 Juni 1846 lan séda ing tanggal 10 Pebruari 1928. Antonio Abetti miyos wonten ing San Pietro ing Goriza (Šempeter-Vrtojba), lan piyambakipun fokus kanggé sinau ing babagan matematika lan teknik wonten ing University of Padua.[1] Piyambakipun gadhah satunggal garwa inggih punika Giovanna Colbachini ing taun 1879 lan gadhah kalih putra.[2] Antonio Abetti séda wonten ing Arcetri.

Biografi[besut | besut sumber]

Antonio Abetti inggih punika salah satunggaling insinyur sipil ananging ing taun 1868 pindhah minatipun ingkang langkung remen kaliyan babagan astronomi, sasampunipun satunggal taun sadèrengipun piyambakipun pikantuk gelar sarjana matematika lan teknik saking Univertas Padua. Ing taun 1921, nalika yuswanipun 75 taun, piyambakipun pensiun ananging tetep nglajengaken panalitènipun ing observatorium.

Padamelanipun[besut | besut sumber]

Abetti gadhah padamelan ingkang baku ing babagan astronomi lan ngawontenaken kathah panalitèn ing bab planet - planet ingkang alit, komet, lan lintang - lintang sanèsipun ingkang wonten ing langit. Ing taun 1874, piyambakipun ndherek ing satunggaling èkspèdhisi ingkang dipunpandhegani déning Pietro Tacchini kanggé nliti satunggaling objek transit Venus kanthi ngginakaken spektroskop. Ing wekdal salajengipun piyambakipun lajeng dados direktur wonten ing Osservatorio Astrofisico ing Arcetri lan dados profesor ing University of Florence. Observatrium Arcetri dipundhirikaken déning GB Donati ing taun 1872, lajeng saperanganipun sampun dipuntilar sasampunipun sedanipun Donati. Dados tugas angengipun ingkang sepisan kanggé Abetti inggih punika kanggé ndhirikaken satunggaling teleskop ingkang sampun dipunyasa wonten ing lokakarya ing Padua. Lensa objektif ingkang dipun-ginakaken inggih kanthi diameter doublet 28 cm (11 inci) lan dawanipun focal 533 cm ingkang dipunyasa déning GB Amici ing taun 1839. Kanthi piranti punika, Abetti saged pikantuk asiling paningalan bab posisi planet - planet minor, komet, lan lintang.[3]

Abetti inggih ndherek kathah pakempalan ing antawisipun dados anggota wonten ing organisasi - organisasi kados makaten.

Cathetan suku[besut | besut sumber]

  1. ^ [1]
  2. ^ "Antonio Abetti". Monthly Notices of the Royal Astronomical Society 89: 325. 1929.  Paramèter |month= sing ora kawruhan dikiwakaké (pitulung)
  3. ^ [2]
  4. ^ "Abetti, Antonio", Christof A. Plicht, p. 6, in The Biographical Dictionary of Astronomers, eds. Thomas Hockey et al., Springer: New York, 2007, ISBN 978-0-387-31022-0, Wigati: Cithakan iki ({{cite doi}}) wis lawas. Saperlu nyitir terbitan sarana doi:10.1007/978-0-387-30400-7, anggonen waé {{cite journal}} kanthi wuwuhan |doi=10.1007/978-0-387-30400-7..