Angelo Secchi
| Angelo Secchi | |
|---|---|
 | |
| Lair | 29 Juni 1818 Reggio Emilia |
| Pati | 26 Fèbruari 1878 (umur 59) |
| Padunungan | Roma |
| Bangsa | Italia |
| Bebungah | Légion d'honneur, Prancis |
| Karièr ngèlmiah | |
| Babagan | Astronomi |
| Institutions | Observatorium Pawiyatan luhur Roma |
Pietro Angelo Secchi (lair ing Reggio Emilia, Italia, 29 Juni 1818 – pati ing Roma, Italia, 26 Fèbruari 1878 ing umur 59 taun) inggih punika satunggiling astronom Italia.
Pastor Secchi nelasaken taun-taun pungkasanipun ing Roma, panggènan panjenenganipun tilar donya nalika taun 1878.
Ing yuswa 16, panjenenganipun mlebet Ordo Yesuit, lan nalika yuswa 32, panjenenganipun dados dhiréktur Observatorium Vatikan. Lumantar pangamatan, panjenenganipun manggihaken kawontenan spikula srengéngé.
Panjenenganipun nggambar salah satunggil péta awal saking mars nalika taun 1858, ing pundi Syrtis Major panjenenganipun sebat minangka "Kanal Atlantik". Kanthi makaten, panjenenganipun ngrumiyini Schiaparelli salebetipun pangginaan istilah kanal ing mars, sanadyan kanal Pastor Secchi sanès wujud garis lurus ingkang panjang kados ingkang dipunlukisaken Schiaparelli lan Lowell.
Panjenenganipun punika perintis spektroskopi astronomi sesarengan kaliyan Joseph von Fraunhofer. Panjenenganipun punika tiyang sepisanan ingkang nglampahaken klasifikasi lintang dhedhasar spèktrumipun. Amargi pedamelanipun puniki, panjenenganipun asring dipunsebat minangka bapak pang-klasifikasian lintang.
Satunggiling kawah ing rembulan lan satunggil ing mars dipunparingi nama migunakaken namanipun. Pastor Secchi ugi ngrembakakaken piranti oséanografi ingkang sapuniki dipuntepangi minangka piringan Secchi.
Pranala njawi
[besut | besut sumber]- Angelo Secchi, S.J. Archived 2011-07-21 at the Wayback Machine.
- Angelo Secchi - the Catholic Encyclopedia
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |