Andrewsarchus

Andrewsarchus Kalamangsa: 45–36 Ma PraЄ Є O S D C P T J K Pg N Eocene
Siji-sijining tengkorak Andrewsarchus, dipamerake ing American Museum of Natural History ing New York City.
Klasifikasi ngèlmiah
Karajan:	Animalia
Filum:	Chordata
Klas:	Mammalia
Ordho:	†Mesonychia
Famili:	†Triisodontidae
Génus:	†Andrewsarchus Pao, 1923
Species
A. mongoliensis Pao, 1923 (type)

Andrewsarchus (pocapan jroning basa Inggris /ˌændruːˈsɑrkəs/ AN-drew-SAR-kəs; Andrews + Yunani ἀρχός, "penguasa"), inggih punika salah satunggaling kéwan mamalia basal ingkang urip nalika jaman Eocene sawatara 45 ngantos 36 yuta taun kapungkur. Kéwan asikil sekawan punika gadhah moncong panjangingkang radi amba, untu ingkang lanthip lan ugi geraham ingkang radi gepeng ingkang ginanipun diprakiraaken kanggé nggragoti utawi ngglethak balung. Awit Andrewsarchus namung saged dipuntepangi saking tengkorak lan wrangka ingkang cacahipun sakedhik, taksih dados perdebatan ing antawis para ilmuwan ngenani jinis kéwan menapa Andrewsarchus punika. Andrewsarchus dèrèng jelas peranipun wonten rante makanan. Menapa Predator aktif, menapa pamangan bangke. Andrewsarchus punika dijenengi makaten amargi dipundadosaken dedikasi dhumateng salah satunggaling panjlajah lan pamburu fosil ingkang tinepang sanget, Roy Chapman Andrews. Andrewsarchus pinanggih ing wulan Juni 1923 déning Kan Chuen Pao, salah satunggaling anggota tim èkspèdhisinipun Andrews, ing salah sawijining situs ingkang wonten ing Ara-ara Gobi, Mongolia ingkang langkung kaloka kanthi jeneng Irdin Mahna [varian: Erdeni-Mandal lan Erdenmandal ('mandala kang duwé perhiasan') ing èkspèdhisi Asiatik kaping tiga ingkang dipunpandhegani déning Andrews lan disponsori déning Musium Sajarah Alam Amérika. Sapunika wonten musium punika wrangkanipun Andrewsarchus dipajang:rahang ngandhap boten katemokaken. Andrewsarchus dipunlebetaken ing klasifikasi jinis Mesonychia ingkang ngrujuk saking struktur badanipun ingkang sami inggih punika dipuntingali saking struktur untu lan balungipun andrewsarchus dipunbandhingaken kaliyan spésies Mesonychia ingkang naté pinanggih komplit. Sanajan makaten, kathah katrangan punika namung dhedhasar publikasi Osborn piyambak lan boten wonten katrangan saking referensi sanèsipun. Panaliten ingkang langkung énggal nedhahaken bilih Andrewsarchus boten gadhah afinitas Mesonychid mirunggan, kalebet pangelompokanipun kaliyan jinis klad artiodactyl. Panci saking salah satunggaling paneliten (Spaulding dkk..) nemokaken manawi boten namung mirib kaliyan Entelodont, nanging ugi minangka kerabatipun Cetacodonta ing jinis Cetacodontamorfa.

Uga delengen

• Artistic reconstruction by John Sibbick. Seniman nedhahaken yèn creodont Sarkastodon ing wingkinge, ngentosi Andrewsarchus rampung mangan ing sesuketan of a recently deceased Embolotherium. The dead brontothere shown would have been about the size of a modern rhinoceros. A primate can be seen on a tree branch, and an early member of Carnivora, which eventually became the dominant land predators, is seen in the foreground.
• Patung Andrewsarchus ing Museon of the Netherlands Archived 2010-02-13 at the Wayback Machine.