Rempelas

Saka Wikipédia Jawa, bauwarna bébas abasa Jawa
(Dilih saka Amplas)
Rempelas mawa manéka grit

Rempelas, utawa disebut 'amplas', 'ambril' ya iku kertas kaku kang nduwèni matrial abrasiv ing lumahé. Pigunané kanggo ngalusaké sawijining barang (umpamané nalika gawé mèbel utawa ukiran, utawa nyingkiraké sawijining lapisan umpamané cèt lawas.

Kayadéné wungkal, ukuran rempelas migunakaké istilah grit, ya iku angka kang nuduhaké alus-kasaré rempelas. Grit kang luwih akèh nuduhake rempelas iku luwih alus.

Sujarah[besut | besut sumber]

Sepisanan rempelas kang kacathet nalika abad pisanan migunakaké cangkang kerang, wewijèn lan pasir kang ditemplèkaké ing kertas ngango lém. Uga ana kang nganggo kulit iwak hiu. Malah, masyarakat ing Kepulauan Komoro, migunakae kulit fosil urip Coelacanth, kanggo rempelas.[1] Mula-mula rempelas modhèrn nggunakaké remukan beling kang diprodhuksi tahun 1833 déning John Oakey ing London, kang nduwèni pabrik bisa ngasilaké rempelas kanthi massal. Remukan beling bisa nggerus kanthi apik, déné pasir kurang apik.Ing tahun 1921, 3M kasil nyipta rempelas saka bahan silikon karbida lan lem kang tahan banyu kang bisa digunakaké ing kahanan teles lan garing. Rempelas kang tahan banyu iki ndadékaké rempelas iki bisa digunakaké ing banyu. Pigunané kang pisanan ya iku ing garapan cèt ana pabrik otomotif. [2]

Rujukan[besut | besut sumber]

  1. ^ Thomson, Keith Stewart (1992). Living Fossil: The Story of the Coelacanth. W. W. Norton & Company Limited. ISBN 978-0-393-30868-6. 
  2. ^ Jeffrey, Kirk (1989). "The Major Manufacturers: From Food and Forest Products to High Technology". In Clark, Clifford Edward. Minnesota in a Century of Change: The State And Its People Since 1900. Minnesota Historical Society Press. k. 234. ISBN 978-0-87351-238-1.