Aisjah Girindra
| Aisjah Girindra | |
|---|---|
 | |
| Lair | Oktober 7, 1935 Bukittinggi, Sumatera Barat, Hindia Nèderlan |
| Bangsa | Indonésia |
| Pakaryan | Dosen |
Aisjah Girindra ingkang miyos wonten ing Bukittinggi, Sumatera Barat ing tanggal 7 Oktober 1935 inggih punika salah satunggaling guru besar biokimia lan nimpuna dhaharan halal ingkang asalipun saking Indonésia. Piyaémbakipun naté njabat dados Direktur LPPOM Majelis Ulama Indonesia lan Présidhèn Dewan Halal Dunia (World Halal Council).
Biografi
[besut | besut sumber]Aisjah miyos saking pasangan Oemar Ali Maharaja lan Siti Marhamah ingkang asalipun saking Suku Minangkabau. Ing taun 1952, piyambakipun kesah dhateng Jakarta lan nerasaken pendhidhikanipun wonten ing SMA Budi Utomo. Lan boten dangu saking wekdal punika, Aisjah lajeng ndhèrèk kakangipun ing Bogor lan ngrampungaken sekolah ing tingkat SMA ing Bogor. Sasampunipun loulus saking tingkat SMA, piyambakipun nerasaken kuliah wonten ing Fakultas Kedhokteran Hewan Universitas Indonésia, Bogor, ngantos lulus kuliah ing taun 1962. Sasampunipun lulus saking program S-1nipun, piyambaipun langsung ngabdi dados dhosèn ing almameteripun. Lan ing taun 1973 piyambaipun pikantuk gelar Dhoktor Biokimia Pertanian saking Institut Pertanian Bogor kanthi irah-irahanipun disertasi inggih punika "faktor anti-Triptik Kedelai". Gelar punika ugi dadosaken piyambakipun dados dhoktor putri ingkang sapisan ing Program Pascasarjana IPB.[1] Wonten ing IPB, Aisjah njabat dados Ketua Jurusan Kimia FMIPA IPB, saha ingkang ngrinteis saged kawujudipun Program Studi Biokimia Jurusan FMIPA IPB lan Program Studi Bioteknologi Program Pasca Sarjana IPB. Ing kalih program studi kaseebat, piyambakipun dipuntunjuk dados pandheganipun. Tanggal 1 Dhésèmber 1993, Prof. Dr. Aisjah Girindra dipunangkat dados Direktur LPPOM MUI nggantosaken Dr. Amin Azis, ingkang saderengipun naté njabat dados tenaga ahli ing MUI. Nalika dados pandhega ing LPOM lan nindakaken prosès sertifikasi halal, piyambakipun kathah nglibataken tenaga ahli kados saking babagan biokimia, dhokter hewan, tèknologi pangan, tèknologi indhustri, lan ahli pertanian. Kathah pihak ingkang dipunlibataken kanggé prosès nemtokaken halal botenipun satunggaling produk. Mila LPPM misuwur dados salah satunggaling lembaga ingkang paling ketat ing dunya kanggé medalaken sertifikasi halal. Minangka Direktur LPPOM, Aisjah asring dados pamedhar sabda wonten ing adicara-adicra ingkang ngrembag sertifikasi halal. Ing taun 1999, Aisjah ndhirikaken Dewan Halal Dunia, lan piyambakipun ingkang dados Présidhèn kaping pisan wonten ing lembaga wau. Dewan punik gadhah ancas kanggé njalin komunikasi ingkang langkung lebet saha ngasilaken satunggaling standar baku wonten ing prosès audit halal botenipun satunggaling produk.[2]
Cathetan suku
[besut | besut sumber]- ↑ republika.co.id Prof Dr Aisjah Girindra: "Agar Umat tidak Ragu Lagi" Archived 2015-09-24 at the Wayback Machine. (dipunundhuh tanggal 28 Januari 2013)
- ↑ [1] Prof. Dr. Aisyah Girindra, 17 Tahun Tekuni Penelitian Kehalalan Produk Konsumsi Masarakat (dipunundhuh tanggal 28 Januari 2013)
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |