Ahmadun Yosi Herfanda

Saka Wikipédia Jawa, bauwarna bébas abasa Jawa
Ahmadun Yosi Herfanda
AhmadunHerfanda.JPG
Lair (1958-01-17) 17 Januari 1958 (umur 59)
Kendhal
Basa Basa Indonésia
Bangsa Indonésia Indonésia
Suku Jawa
Warga nagara Indonésia

Ahmadun Yosi Herfanda utawa uga ditulis Ahmadun Y. Herfanda utawa Ahmadun YH (lair ing Kaliwungu, Kabupatèn Kendhal, Jawa Tengah, 17 Januari 1958; umur 59 taun), ya iku penulis puisi, carkak, lan esei saka Indonésia.[1] Ahmadun dikenal dadi sastrawan Indonésia kang akèh nulis esei sastra lan sajak sufistik.[2] Nanging, penyair Indonésia saka génerasi 1980-an iki uga akèh nulis sajak-sajak sosial-religius.[2] Saliyané iku carkak-carkak gaweane kang duwé gaya karikatural kanthi téma-téma kritik sosial.[2] Yosi uga akèh nulis esei sastra.[2] Wiwit dadi mahasiswa, Ahmadun wis aktif dadi éditor lan jurnalis.[1] Diwiwiti saka padinan Kedaulatan Rakyat Yogyakarta (1983-1999), banjur ana ing padinan Yogya Post (1999-1992), Majalah Sarinah (bareng karo Korrie Layun Rampan, 1992-1993), lan pungkasan ana ing padinan Republika Jakarta (1993-2010).[1] Ing Republika dhèwèké akèh dipercaya dadi Redaktur Sastra, nanging uga tau dadi Koordinator Desk Opini lan Budaya, lan Asisten Redaktur Pelaksana.[1] Karier strukturale ora patek diperharikake , amarga kesibukane nulis karya kreatif, ngelola acara-acara sastra, lan ngisi workshop, diskusi, pentas baca puisi, lan uga seminar sastra ing kutha-kutha ing Indonésia lan mancanagara.[1] Ana ing perjalanan karier pungkasané ing Republika, aktivitas sastra luwih dadi kesenengane tinimbang ana ing babagan kerja jurnalistik.[2] Sawisé sekitar 17 taun dadi wartawan (kanthi inisial ayh) lan redaktur sastra Padinan Republika, wiwit Maret 2010 Ahmadun luwih aktif dadi ketua Komite Sastra Dewan Kesenian Jakarta (DKJ) kanggo periode 2010-2013.[2] Iki kang kaping lorone dhèwèké dadi anggota DKJ.[2] Taun 2006 Yosi uga dadi anggota DKJ (kanggo periode 2006-2010) nanging dilakoni pirang sasi lan banjur mundur.[2] Dadi sastrawan (penyair), dhèwèké sering diundang kanggo macakake sajak-sajake utawa dadi pambicara ana ing pertemuan sastrawan lan diskusi lan seminar sastra nasional utawa internasional.[2]

Cathetan suku[besut | besut sumber]

  1. ^ a b c d e Sajak-sajak Ahmadun Yosi Herfanda di Cybersastra.net]
  2. ^ a b c d e f g h i www.poetry.com