Agus R. Sarjono
| Agus R. Sarjono | |
|---|---|
 | |
| Lair | Juli 27, 1962 Bandung |
| Basa | Basa Indonésia |
| Bangsa |  Indonésia |
| Suku | Sunda |
| Warga nagara | Indonésia |
Agus R. Sarjono (lair ing Bandung, Jawa Kulon, 27 Juli 1962; umur 62 taun) ya iku penyair lan penulis Indonésia. Ing taun 1988, dhèwèké lulus saka Jurusan Basa lan Sastra Indonésia, Fakultas Pendidikan Basa dan Seni (FPBS), IKIP Bandung, saterusé ngrampungaké program pasca sarjana ing Jurusan Kajian Sastra, Fakultas Ilmu Budaya (FIB), Universitas Indonésia ing taun 2002. Karya kang diasilaké Agus iku ana gegayutané karo politik.[1]
Agus dadi sastrawan Indonésia kapisan kang olèh tandha pakurmatan kanggo manggon lan nulis ing omah sastrawan gedhé Jérman, Heinrich Boll.[1] Agus dadi Ketua Babagan Program Dewan Kesenian Jakarta (DKJ) periode 2003-2006. Sadurungé iku dhèwèké dadi Ketua Komite Sastra DKJ periode 1998-2001. Sabendinane Agus nyambut gawé mulang ing Jurusan Teater Sekolah Tinggi Seni Indonésia (STSI), Bandung, sarta dadi rédhaktur Majalah Sastra Horison. Ing wulan Pébruari tekan Oktober 2001, Agus manggon ing Leiden, Walanda dadi poet in residence undangan Poets of All Nations (PAN) sarta panelitèn tamu ing International Institute for Asian Studies (IIAS). Dhèwèké uga tau diundang dadi penyair tamu ing Heinrich Böll Haus, Langenbroich, Jerman nalika Dhésèmber 2002 nganti Maret 2003. Saliyané nulis lan nerbitaé pakaryané dhéwé, Agus bareng Berthold Damshäuser dadi éditor buku kumpulan puisi sastrawan gedhé Jerman kaya ta Rilke, Bertolt Brecht, Paul Celan, Johann Wolfgang von Goethe, lan Hans Magnus Enzensberger.
Cathetan suku
[besut | besut sumber]- ↑ a b "Artikel "Agus R. Sarjono" - Ensiklopedia Sastra Indonesia". ensiklopedia.kemdikbud.go.id. Diarsip saka sing asli ing 2019-02-02. Dibukak ing 2019-01-17.