Welut listrik

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sidat listrik
Klasifikasi èlmiah
krajan: Animalia
filum: Chordata
Superkelas: Osteichthyes
kelas: Actinopterygii
ordo: Gymnotiformes
kulawarga: Gymnotidae
Genus: Electrophorus
Gill, 1864
Species: E. electricus
Jeneng binomial
Electrophorus electricus
(Linnaeus, 1766)

Welut listrik yaiku iwak kang nggegirisi kanthi aran Latin ekctrophorus electricus.[1] Welut listrik iki dawané 1,5 m.[1] Welut iki nduwé mata, nanging wuta total.[1] Nanging sanadyan panduluné kanggo ndhangir kali rada suda, welut iki bisa mancaraké ènèrgi listrik ing sakujur awaké kanggo ngira-ira anané mungsuhé.[1] Nalika mungsuh wis ana ing ngarep mata, welut iki bakal ngunggahaké suhu sunguté nganti kaping lima saéngga bisa nyetrum mungsuhé.[1]

Welut listrik ora ana sesambungané karo iwak-iwak liyané kang biyasa ditepungi kanthi sebutan welut.[1] Welut listrik mujudaké révolusi saka nènèk moyang iwak primitif kang tangkar tumangkar ing banyu kang bisa ditemoni ing Amérika Tengah lan Amerika Kidul.[1] Welut listrik migunakaké dat cuwèré kanggo ambegan saka hawa lan nyedhot oksigèn saka Amazon.[1]

Welut listrik mujudaké iwak kang bisa ngasilaké listrik nganti 650 volt.[2] Kaluwihan iki mujudaké kamampuan awaké kanggo mburu lan mbéla awaké dhéwé.[2] Kekuwatan listriké bisa nganti kaping patang atusé watu batré.[2] Kekuwatan listrik iku bisa digunakaké kanggo madhangaké wit Natal ing Jepang. [2]

Listrik[sunting | sunting sumber]

Welut listrik nduwèni awak kang unik. Mèh 7/8 awaké arupa buntut.[3] Ing buntuté ana batré-batré cilik arupa lèmpèngan-lèmpèngan cilik kang horizontal lan vertikal.[3] Lèmpèngan iki cacahé akèh kira-kira luwih saka 5.000.[3]

Biometik sistem kanggo ngasilaké listrik bakal digawé modhèl sawisé sèl-sèl khusus ing organ listrik Electrophorus electricus.[3] Welut listrik nduwèni tumbukan-tumpukan electrocytes khusus (electroplax) kang bisa ngangkut ion lan mènèhi 150 mV lan pA 1 , saéngga total kekuwatan organ 600W (600V lan 1A).[3]

Membran electrocyte ngandhut Na/K pompa, saluran Na, K saluran, saluran Cl, lan saluran Ca.[3] Pambedhahan welut listrik kang dipimpin AlessandroVolta kanggo èkspèrimèn kanthi sèl galvanik kaisolasi saka tembaga lan seng kanggo mbentuk tumpukan volta (Volta 1800).[3] Dhèwèké ngubungaké inventing batré DC.[3] Kanthi panalitén iki ditemokaké yèn electrocyte wis nuduhaké yèn sèl khusus iki asalé saka sèl-sèl otot kang kasusun déning membran lan diwungkus saluran ion lan kompa ion.[3]

Welut listrik bisa ngatur hubungan antarané batré cilik ing awaké kanggo ngéntukaké tegangan listrik cilik lan tegangan listrik gedhé.[4] Kanggo navigasi, welut listrik mung mbutuhaké tegangan listrik cilik.[4] Ananging nalika ketemu mungsuh utawa mangsané, welut listrik bakal mènèhi tegangan kang paling dhuwur liwat ndhas lan buntuté kang ditèmplèkaké ing awak mungsuhé utawa mangsané.[4]

Arus listrik kang diasilaké kurang luwih 1 ampere.[4] Arus listrik kang diasilaké tegangan listrik kang dhuwur iki bakal mili lan matèni mungsuh welut listrik.[4] Kéwan liyané ora bakal keganggu awit kéwan-kéwan mau ora langsung kena buntuté lan ndhasé welut listrik.[4]

Welut listrik kang nduwèni jeneng latin Electrophorus electricus iku jinisé iwak kang bisa nyetrum nganti 650 volt kanggo njaga awaké.[5]

Habitat[sunting | sunting sumber]

Welut listrik bisa ditemokaké ing Amazon lan Orinoko lan dhaérah-dhaérah ing sakupengé.[5] Welut listrik bisa urip nganti dawané 2,5 mèter utawa 8,2 kaki kanthi abot 20 kg utawa 44 pon.[5] Ananging ukuran rata-ratané yaitu 1 mèter.[5]

Cathetan sikil[sunting | sunting sumber]

  1. ^ a b c d e f g h (id)[Majalah Panjebar Semangat. 12 April 2003. Edisi 15. Kaca 47]
  2. ^ a b c d (id)teknologi.vivanews.com(kajupuk tanggal 12 Maret 2011)]
  3. ^ a b c d e f g h i (id)kaskus.us(diundhuh tanggal 28 Mei 2011)
  4. ^ a b c d e f (id)forum.detik.com(diundhuh tanggal 28 Mei)
  5. ^ a b c d (id)id.answers.yahoo.com(diundhuh tanggal 28 Mei 2011)
Sumber artikel punika saking kaca situs web: "http://jv.wikipedia.org/w/index.php?title=Welut_listrik&oldid=829610"