Tsuchinoko

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Model tsuchinoko saking plastik

Tsuchinoko (ツチノコ?) inggih menika kéwan ingkang wonten ing Jepang ananging dèrèng naté kebukti [1] (kriptid). Wujudipun kados ula ananging kagungan weteng ingkang gendhut kados botol utawi pin boling kanthi buntut alit kados buntut tikus. Kewan menika dipunlaporaken naté katingal saksi mata ingkang wonten ing papan-papan ing Jepang, kejawi wonten Hokkaido lan Kepuloan Ryukyu. Dumugi samenika, tsuchinoko déréng naté saged dipuncekel tiyang amargi saksi mata dados ajrih utawi kéwan menika langkung rumiyin mlayu.

Nama "Tsuchinoko" asalipun saking nama lokal kanggé "kéwan" menika miturut penduduk dhaérah Kansai (Kyoto, Mie, Nara, lan Shikoku). Ing dhaerah Kanto, penduduk mastani minangka bachihebi. Saperangan pamaréntah ing Jepang nawekaken bebungan arta kanthi cacah ingkang ageng kagem tiyang ingkang saged nyekel tsuchinoko. Bebungah arta kanthi cacah 100 juta yen nate dipuntaewekaken wonten kutha Itoigawa, Niigata. [2] [1]

Pemerian[sunting | sunting sumber]

Saksi mata ingkang rumaos nate mirsani tsuchinoko paring laporan babagan ciri fisik lan tumindak kados mekaten :

  • Dipuntandhingaken kalihan ula padatanipun, bagéyan weteng langkung lemu.
  • Kuwat anggenipun mlumpat dumugi 1 meter.
  • Remen ngunjuk sake
  • Saged medalaken swantun "chii"
  • Obahipun rikat sanget
  • Caranipun obah menika kados uler utawi nggulung awakipun piyambak sinambi nyokot bagéyan buntut lan muter kados ban.
  • Saged nyemburaken geni saking tutukipun.

Sajarah[sunting | sunting sumber]

  • Pirantos saking watu awujud ula mirip kalihan tsuchinoko dipunpanggihaken saking situs arkeologi zaman Jomon ing Hida, Prefektur Gifu. Gambar ingkang mirip kalihan tsuchinoko ugi kapanggihaken wonten bageyan njawi tembikar awujud guci asalipun saking situs arkeologi ing Prefektur Nagano.
  • Tsuchinoko dipunandharaken minangka dewa padang rumput wonten ing literatur klasik Kojiki ingkang dipunserat nalika abad kaping 8.
  • Wonten ing ensiklopedia Wakan Sansai Zue asal zaman Edo, tsuchinoko kaserat wonten ing artikel kanthi irah-irahan Nozuchihebi (野槌蛇? ular palu ladang). [3]

Andharan ingkang trep ing nalar[sunting | sunting sumber]

Kadal ilat biru (Tiliqua scincoides) saking genus Tiliqua ingkang gadhah suku alit sanget.

Prakiraan, tiyang namung salah ningali kemawon. Weteng ula ingkang nembe mangan mangsanipun kanthi ukuran ageng menika saged damel wetengipun katingal ageng kados sosok tsuchinoko ingkang dipunlaporaken saksi mata. Kejawi menika, tsuchinoko mirip kalihan kadal genus Tiliqua ingkang mlebet ing Jepang minangka kéwan piaraan wiwit saking taun 1970-an. Kadalkasebut gadhah suku ingkang alit kados boten katingal, saéngga saged ugi wonten ingkang mastani menika tsuchinoko.

Cathetan suku[sunting | sunting sumber]

  1. ^ a b (id) Legenda ular dari jepang, (dipunakses tanggal 7 Februari 2013).
  2. ^ ""Tsuchinoko hokaku ni 1 oku en", Itoigawa de sankasha boshū (“ツチノコ捕獲に1億円”、糸魚川で参加者募集)", Daily Yomiuri, 14 Mei 2007. 
  3. ^ (id) Penemuan Tsuchinoko ular legendaris, (dipunakses tanggal 7 Februari 2013).

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Tsuchinoko&oldid=884783"