Prefektur Nara

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Peta Prefektur Nara
Prefektur Nara
Prefektur Nara
Basa Jepang: 奈良県; Nara-ken
{{{Rōmaji}}}
Lokasi Nara ing peta Jepang (bageyan kang disorot)
Ibu kota Nara
Wilayah Kinki
Pulo Honshū
Gubernur Shōgo Arai
Luas (peringkat) 3.691,09 km² (ke-40)
 - % perairan 0,5%%
Penduduk  (1 April 2005)
 - Populasi 1.425.839 (ke-29)
 - Kepadatan 386 /km²
Distrik 7
Munisipalitas 39
ISO 3166-2 JP-29
Situs web [1]
Simbol prefektur
 - Bunga Prunus verecunda cultivar
 - Pohon Cryptomeria japonica
 - Burung Erithacus akahige
 - Ikan {{{Fish}}}
Lambang Prefektur Nara
Lambang Prefektur Nara
CithakanPembicaraanPortal Jepang

Prefektur Nara inggih menika satunggaling prefektur ingkang mapan wonten ing bagéyan kilèn tengah Semenanjung Kii, Pulo Honshu, Jepang [1] [2]. Ibu kotanipun menika Nara. Prefektur Nara kabentuk nalika taun 1887 mapan ing wilayah tilas Provinsi Yamato. Nara kathah dinggèni déning penglaju ingkang nyambut damel ing kutha Osaka ingkang tetanggan.

Sajarah[sunting | sunting sumber]

Patung ing Tōdai-ji

Dumugi zaman Nara[sunting | sunting sumber]

Ibu kota kuno Jepang mapan wonten ing Nara, wiwit saking Asuka-kyō, Fujiwara-kyō (694–710), lan Heijō-kyō (710–784). Astana kekaisaran kala menika ngirim utusan lan pelajar dhateng Dinasti Sui lan Dinasti Tang. Nalika abad kaping 7, Nara dados papan manggon kagem para imigran, mliginipun imigran saking Baekje ingkang mlayu saking perang ing Semenanjung Korea.

Zaman Heian[sunting | sunting sumber]

Kōfuku-ji

Nalika taun 784, Kaisar Kammu nemtokaken supados mindhah ibu kota dhateng Nagaoka-kyō ing Provinsi Yamashiro, ananging boten dangu bibar pamindahan kasebut lajeng ibu kotanipun dipunpindhah malih nalika taun 794 dhateng Heian-kyō minangka pratandha kawiwitanipun zaman Heian. Kuil-kuil ing Nara kelebet kekuwatan politik wonten ing pamaréntahan, saéngga Nara pikatuk julukan "ibu kota kidul" (Nanto) kanggé mbédakaken kalihan Heian-kyō ingkang mapan ing sisih ler. Ngancik ing pungkasan zaman Heian, Taira no Shigehira, putra saking Taira no Kiyomori dipunpréntah déning bapakipun supados mbrantas kekuwatan mawi gaman saking kuil-kuil Buddha Kōfuku-ji lan Tōdai-ji ingkang paring dukungan kelompok oposisi pimpinanipun Pangeran Mochihito. Awit saking menika wonten bentrokan antawisipun klan Taira lan gabungan kuil Nara nalika taun 1180 ingkang kapungkasan kanthi kobongipun Kōfuku-ji lan Tōdai-ji.

Nara abad tengahan[sunting | sunting sumber]

Ing puncak jayanipun klan Minamoto lan pambentukan Keshogunan Kamakura, pambangunan malih Nara pikantuk sokongan saking Minamoto no Yoritomo. Kōfuku-ji dados kuil kulawarga klan Fujiwara sarta kanthi de facto kuil utami ing Provinsi Yamato. Sesarengan kalihan leresipun Kōfuku-ji lan Tōdai-ji, satunggaling kutha mekar ing antawisipun kalih kuil. Nara nglampahi kerisakan nalika zaman Nanboku-chō. Kaisar Go-Daigo ndadosaken Yoshino minangka markas perlawanan dhumateng kekuasaan Astana Lor. Rebutan kekuwaosan ugi kedadosan ing Kōfuku-ji ingkang kabelah dados ingkang ndukung yang terbelah menjadi pendukung Istana Lor lan Astana Kidul dumugi Astana Kidul ngaku nyerah ing taun 1392.

Zaman Sengoku lan zaman Edo[sunting | sunting sumber]

Provinsi Yamato kacau malih nalika sedawaning zaman Sengoku. Tōdai-ji dipunobong malih nalika taun 1567, nalika Matsunaga Hisahide gadhah kekajengan ngrebut kekuwaosan saking klan Miyoshi ingkang dados majikanipun. Bibar naté dipunpréntah déning Tsutsui Junkei lan Toyotomi Hidenaga ingkang dipunangkat déning Toyotomi Hideyoshi, pungkasan Kutha Nara dipunpréntah déning Keshogunan Tokugawa [3] .

Kutha[sunting | sunting sumber]

Cathetan suku[sunting | sunting sumber]

  1. ^ (id) Mengenal Prefektur di Jepang, (dipunakses tanggal 23 Februari 2013)
  2. ^ (id) Jepang, (dipunakses tanggal 23 Februari 2013)
  3. ^ (id) Jepang (sejarah), (dipunakses tanggal 23 Februari 2013)

Pranala njawi[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Prefektur_Nara&oldid=836897"