Saint-Denis

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Coordinates: 48°56′10″N, 2°21′53″E

Commune of Saint-Denis
St Denis Front

Basilika Saint Denis.
Location
Saint-Denis map.svg
Paris dan département dalam kota
Coordinates 48°56′10″N, 2°21′53″E
Administration
Country France
Region Île-de-France
Arrondissement Saint-Denis
Canton Ibukota 3 kanton
Intercommunality Communauté
d'agglomération
Plaine Commune
Mayor Didier Paillard (11/12/2004)
(current)
Statistics
Land area1 1.236 km² (477 sq mi)
Population2
95,800
85,832  (perkiraan 1 Jan. 2005)
(sensus 8 Maret 1999)
 - Density 7.751 /km2 (20,070 /sq mi) (2005)
Miscellaneous
INSEE/Postal code (ex 75066)-COM 93066 (ex 75066)/ 93200, 93210 (La Plaine)


Saint-Denis minangka satunggaling komune wonten ing pinggiran lèr Paris, Perancis. Dumunung 9.4 kilometer (5.8 mil) saking pusat kutha Paris. Saint-Denis minangka sous-préfecture wonten ing département Seine-Saint-Denis, dados ibukota Arondisemen Saint-Denis.

Saint-Denis minangka griya kanggé nekropolis kerajaan Basilika Saint Denis lan ugi lokasi biara ingkang sami sesambungan. Ugi griya kanggé stadion nasional Perancis, Stade de France, ingkang dipunbangun kanggé ngawontenaken Piala Donya FIFA 1998.

Saint-Denis minangka pinggiran kutha industri ingkang mangsulaken basis èkonominipun. Kathah-kathahipun tiyang ingkang dumunung wonten ing Saint-Denis minangka imigran Muslim saking tilas koloni Perancis.

Penduduk Saint-Denis dipunsebut Dionysiens[1].

Nama[sunting | sunting sumber]

Dumugi abad kaping 3 Saint-Denis minangka papan dunung alit ingkang nama Catolacus utawi Catulliacum, mbok menawi "papan dunung Catullius", satunggaling tuan tanah Galia-Romawi. Sakitar taun 250, uskup Paris kapisanan, Saint Denis, dipunmartiraken wonten ing bukit Montmartre lan dipunsarèkaken wonten ing Catolacus. Lajeng pasarèyanipun dados kuil lan pusat ziarah, kanthi bangunan Biara Saint Denis, lan pemukiman punika gantos nama dados Saint-Denis.

Taun 1793, sadangunipun Revolusi Perancis, Saint-Denis gantos namanipun dados Franciade wonten ing penolakan agama. Taun 1803, wonten ing sangandhapipun Konsulat Napoléon Bonaparte, kutha punika migunakaken nama dangunipun, inggih punika Saint-Denis.

Sujarah[sunting | sunting sumber]

Sadanguning sujarahipun, Saint-Denis kagayutaken kaliyan papan dunungipun kerajaan Perancis; wiwit Dagobert I, mèh saben raja Perancis dipunsarèkaken wonten ing basilika punika.

Ananging, Saint-Denis langkung sepuh. Wonten ing abad kaping 2, wonten sawijining désa Galia-Romawi ingkang nama Catolacus wonten ing papan ingkang dipundunungi Saint-Denis sakmenika. Saint Denis, uskup kapisanan Paris lan santa patron Perancis, dipunmartiraken taun 250 lan dipunsarèkaken wonten ing pasarèyan Catolacus. Pasarèyan Denis dados papan ziarah.

Sainte Geneviève, sakitar 475, kagungan sawijining kapel alit ingkang diunmadhegaken wonten ing pasarèyan Denis, lajeng dados papan kondhang kanggé ngibadah.

Kapel punika dipunbangun malih déning Dagobert I lan dipunéwahi dados papan kerajaan. Dagobert maringi manéka kabébasan dhateng papan dunung kasebut:kamardikan saking uskup Paris, hak nguwaosi peken, lan, ingkang paling wigati, piyambakipun dipunsumpah wonten ing Saint-Denis; sawijining tradisi ingkang dipunlestantunaken sedaya para raja salajengipun.

Sadangunipun Abad Pertengahan, amargi kamardika ingkang dipunparingi déning Dagobert, Saint-Denis ngrembaka sanget. Pedagang saking sedaya wewengkon Eropa (lan saking Kekaisaran Bizantium) rawuh saperlu mirsani pekenipun.

Saint-Denis kènging dampak saking Perang Setunggal atus Taun; saking 10.000 penduduk, namung 3.000 ingkang taksih gesang.

Sadanguning Perang Agama Perancis, Pertempuran Saint-Denis ingkang dipuntindakaken antawisipun Katolik lan Protestan tanggal 10 November 1567. Protestan dipunkasoraken, ananging komandan Katolik Anne de Montmorency séda. Taun 1590, kutha punika kasor déning enry IV, ingkang pindhah agama dhateng Katolik taun 1593 wonten ing biara Saint-Denis.

Raja Louis XIV madhegaken sapérangan industri wonten ing Saint-Denis: kincir angin lan pengering. Ingkang dados panerus, Louis XV, ingkang putranipun minangka biarawati wonten ing papan dunung biarawati, Carmelite, remen kaliyan kutha punika: piyambakipun mbiyangun kapel wonten ing papan punika lan ugi ndandosi bangunan biara kerajaan.

Maison d'Education de la Legion d'Honneur de Saint-Denis.

Sadangunipun Revolusi Perancis, boten namung kutha punika ingkang dipunsukani nama "Franciade" wiwit 1793 dumugi taun 1803, ananging nekropolis kerajaan dipunrebut lan dipunrisak. Sisanipun kapindhahaken saking pasaréyan lan dipunbuwang sesarengan;sadanguning Restorasi Perancis, wiwit boten saged dipundamel malih, lan dipunkuburaken wonten ing osuari umum.

Raja pungkasan ingkang dipunsumpah wonten ing Saint-Denis inggih punika Louis XVIII. Sasampunipun Perancis dados republik lan kekaisaran, Saint-Denis kicalan hubungan kaliyan kerajaan.

Tanggal 1 Januari 1860, kutha Paris dipunwiyaraken kanthi nganèksasi komune sakitaripun. Amargi punika, komune La Chapelle-Saint-Denis dipunbisak lan dipunpérang antawis kutha Paris, Saint-Denis, Saint-Ouen, lan Aubervilliers. Saint-Denis pikantuk bagéyan baratlaut La Chapelle-Saint-Denis.

Sadanguning abad kaping 19, Saint-Denis dados papan industri. Angkutan sami dipunénggalaken: taun 1924 Canal Saint-Denis dipunbangun, ngubungaken Canal de l'Ourcq ing sisih timurlaut Paris kaliyan Kali Seine ing L'Île-Saint-Denis, lan wonten ing taun 1843 jalur kereta ingkang kapisanan dumugi Saint-Denis. Wonten ing pungkasaning abad, wonten 80 pabrik ing wewengkon Saint-Denis.

Pambangunan kathah sèktor industri ugi maringi paningkatan pergerakan sosial ingkang wigati. Taun 1892, Saint-Denis milih administrasi sosialis kapisananipun, lan wonten ing pungkasaning taun 1920-an, kutha punika pikantuk julukan la ville rouge, kutha abrit. Dumugi Jacques Doriot wonten ing taun 1934, sedaya wali kota Saint-Denis minangka anggota Partai Komunis.

Sadangunipun Perang Donya II, sasampunipun kasoripun Perancis, Saint-Denis dados jajahanipun Jerman tanggal 13 Juli 1940. Wonten sapérangan aksi sabotase lan pemogokan, ingkang misuwur tanggal 14 April 1942 wonten ing pabrik Hotchkiss. Sasampunipun kahahan darurat ingkang dipunwiwiti rikala tanggal 18 ppAgustus]] 1944, Saint-Denis dipunbébasaken déning Jenderal Leclerc tanggal 27 Agustus.

Sasampunipun perang, krisis èkonomi 1970-an lan 1980-an nglanda kutha punika, ingkang gumantung sanget dhateng sèktor industri agengipun.

Wonten ing taun 1990-an, kutha punika wiwit tuwuh malih. Piala Donya FIFA 1998 maringi dmapak ingkang ageng sanget; stadion utama kanggé turnamèn kasebut, Stade de France, dipunbangun wonten ing Saint-Denis, sesarengan kaliyan ngènggalaken infrastruktur, kados déné nambahi jalur metro dhateng Saint-Denis-Université.

Wiwit taun 2000, Saint-Denis kerja sama kaliyan 7 commune sakitar (Aubervilliers, Villetaneuse, Pierrefitte-sur-Seine, Épinay-sur-Seine, L'Île-Saint-Denis (wiwit taun 2003), Stains (wiwit taun 2003) lan La Courneuve (wiwit taun 2005) ing Plaine Commune.

Taun 2003, sesaengan kaliyan kutha Paris, Saint-Denis ngawontenaken Forum Sosial Eropa ingkang angka kalih.

Démografi[sunting | sunting sumber]

Imigrasi[sunting | sunting sumber]

Cithakan:France immigration

Angkutan[sunting | sunting sumber]

RER B ing La Plaine - Stade de France.

Saint-Denis dipunlayani déning sekawan stasiun wonten ing Métro de Paris Jalur 13: Carrefour Pleyel, Saint-Denis - Porte de Paris, Basilique de Saint-Denis (di pusat kota, dekat Saint Denis Basilica), lan Saint-Denis - Université.

Saint-Denis ugi dipunlayani stasiun La Plaine – Stade de France wonten ing RER jalur B Paris, ingkang minangka stasiun paling caket kaliyan aréna olahraga Stade de France.

Pungkasan, Saint-Denis dipunlayani kalih stasiun wonten ing RER jalur D Paris: Stade de France – Saint-Denis lan Saint-Denis. Stasiun pungkasan, minangka satunggalipun stasiun sepur wonten ing Saint-Denis sadéréng wontenipun Métro lan RER, nglayani ugi minangka stasiun persimpangan kanggé jalur rèl pinggiran Transilien Paris – Nord.

Kriminalisme[sunting | sunting sumber]

Saint Denis kondhang wonten ing Perancis kanggé tingkat kriminalismenipun. Kagungan 150.71 kadadosan kriminal saben 1000 pendhudhuk, langkung inggil saking rata-rata nasional (83/1000) lan ugi langkung inggil saking kriminalisme departemeè Seine Saint Denis (95.67/1000). Èfisiènsi polisi kalaporaken andhap sanget, namung 19.82% kriminalisme ingkang dipuntindakaken déning polisi. Amargi tingkat ingkang inggil punika, kutha punika kènging dampak Kerusuhan sipil taun 2005.

Pendidikan[sunting | sunting sumber]

Saint-Denis kagungan 29 publik écoles maternelles.[2] Saint-Denis kagungan 30 publik écoles élémentaires, kanthi salah satunggaling sekolah (École Élémentaire Maria Casarès) dados sekolah antar komuntias.[3] Saint-Denis kagungan 8 publik collèges.[4] Saint-Denis kagungan Lycée Bartholdi, Lycée Paul Éluard, Lycée Suger, lan Lycée d’application de l’E.N.N.A.[5]

Saint-Denis kagungan SD, SMP, lan SMA pribadi (Ensemble scolaire Jean-Baptiste de La Salle et Notre-Dame de la Compassion) lan satunggal SMA swasta lan perguruan tinggi (Collège et lycée Saint-Vincent de Paul).[4][5]

Tokoh Misuwur[sunting | sunting sumber]

Saint Denis Arc in the 1930's, déning Konstantin Korovin.

Papan Wigati[sunting | sunting sumber]

Kutha kembar[sunting | sunting sumber]

Commons-logo.svg
Wikimedia Commons gadhah galeri bab:

Cathetan Suku[sunting | sunting sumber]

  1. ^ en latin Denis se dit Dionysius, un dérivé du nom du dieu grec Dionysos
  2. ^ "La liste des écoles maternelles de Saint-Denis." Saint-Denis. Kaundhuh tanggal 12 April 2013.
  3. ^ "La liste des écoles élémentaires de Saint-Denis." Saint-Denis. Kaundhuh tanggal 12 April 2013.
  4. ^ a b "Les collèges dans la ville." Saint-Denis. Kaundhuh tanggal 12 April 2013.
  5. ^ a b "Les lycées dans la ville." Saint-Denis. Kaundhuh tanggal 12 April 2013.

Pranala Njaba[sunting | sunting sumber]

Cithakan:Wilayah Metropolitan Paris

Sumber artikel punika saking kaca situs web: "http://jv.wikipedia.org/w/index.php?title=Saint-Denis&oldid=882099"