Ratatouille

Saka Wikipédia Jawa, bauwarna mardika basa Jawa
Ratatouille niçoise

Ratatouille [1][2](saka basa Prancis kang diwaca /ʁataˈtuj/) iku jinis panganan Provence kang asalé saka tlatah Nice. Sajeroning basa Prancis, panganan iki lumrahé diarani ratatouille niçoise. Panganan iki mèh kaya semur kang dumadi saka pirang-pirang campuran jejanganan lan padatan didhahar karo sega, kenthang utawa roti Prancis.

Tembung ratatouille asalé saka tembung touiller kang tegesé ya iku "mbuwang panganan". Ratatouille asalé saka tlatah Nice lan saubengé. Panganan iki asliné panganané wong kéré kang dimasak nalika mangsa panas nganggo jejanganan mangsa panas. Ratatouille kang asli ora nganggo térong (kang ora kalebu janganan ing mangsa panas kaya déné janganan liyané). Isiné ya iku courgette utawa zucchini (isih kalebu jinis timun), tomat, lombok abang lan ijo, brambang lan bawang. Ratatouille kang ana saiki luwih asring nganggo térong.

Tèknik gawé ratatouille ana rong jinis, ya iku kabèh janganan dimasak bebarengan sajeroning wajan kang padha, utawa saben janganan dimasak dhéwé-dhéwé. Kanggo njaga karakter rasa saben janganan, lumrahé dimasak kanthi janganan dimasak dhéwé-dhéwé.[3]

Ratatouille Prancis disajèkaké tanpa utawa nganggo sega, kenthang utawa roti. Padatan disajèkaké minangka panganan ing mangan awan karo roti. Padatan uga ditambahi kenthang kang dimasak minangka palengkap. Padatan mung disajèkaké minangka panganan sampingan thok. Kabèh isi saka masakan iki diosèng migunaké lenga zaitun.

Cathetan sikil[besut | besut sumber]

  1. (ing basa Inggris)allrecipes.com Ratatouille (kaundhuh tanggal 22 Agustus 2011)
  2. (ing basa Indonésia)lintasberita.com[pranala mati permanèn] Resep Ratatouille (Sup Janganan Prancis Kidul) (kaundhuh tanggal 22 Agustus 2011)
  3. (ing basa Indonésia)inforesep.com Archived 2011-09-10 at the Wayback Machine. Resep Ratatouille (Sup Janganan Prancis Kidul) (kaundhuh tanggal 22 Agustus 2011)

Pranala njaba[besut | besut sumber]

Wikibooks
Wikibooks
Wikibooks gadhah buku kanthi sesirah
Wiktionary
Wiktionary
Pirsani informasi ngenani Ratatouille ing KamusWiki.