Pestisida

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Sawatara jinis pestisida kimia

Pestisida utawa pembasmi hama yaiku bahan kang digunakaké kanggo ngendhalèkaké, nulak, narik kawigatèn, utawa mbasmi organisme pengganggu.[1] Tembung pestidida asalé saka pest ( "hama") kang diwènèhi tembung -cide ("pembasmi").[1] Sasarané manéka werna, kayata srangga, tikus, gulma, manuk, mamalia, iwak, utawa mikroba kang dianggep ngganggu.[1] Padatan pestisida asipat racun, saéngga ing padinan pestisida asring diarani racun.[1]

Jenis[sunting | sunting sumber]

Miturut sasarané[sunting | sunting sumber]

Miturut sasarané (organisme penggangguné), pestisida diklompokaké dadi sawatara jenis, yaiku:

  1. Insektisida, kanggo ngendhalèkaké srangga
  2. Fungisida, kanggo ngendhalèkaké penyakit tetanduran amarga jamur.
  3. Herbisida, kanggo ngendhalèkaké gulma
  4. Akarisida, kanggo ngendhalèkaké akarina (tungau utawa mites utawa tuma)
  5. Molukisida, kanggo ngendhalèkaké hama saka bangsané bekicot (molusca)
  6. Rodentisida, kanggo ngendhalèkaké tikus
  7. Namatisida, kanggo ngendhalèkaké nematoda
  8. Bakterisida, kanggo ngendhalèkaké penyakit tetanduran amarga baktèri
  9. Algasida, kanggo ngendhalèkaké ganggang (algae)
  10. Pilkisida, kanggo ngendhalèkaké iwak gabus
  11. Avisida, kanggo ngracuni manuk perusak kasil pertanian
  12. Repelen, pestisida kang ora asipat matèni, mung nudung hama
  13. Atraktan, digunakaké kanggo narik kawigatèn srangga
  14. ZPT, digunakaké kanggo ngatur pertumbuhan tetanduran kang bisa macu pertumbuhan
  15. Plant Activator, digunakaké kanggo ngrangsang tuwuhé kekebalan tetanduran, saéngga tahan penyakit tartamtu.

Miturut sipaté[sunting | sunting sumber]

Miturut sipat, pestisida diklompokaké dadi telung jenis,[2] yaiku:

  1. Bentuk padhet
  2. Bentuk cair
  3. Bentuk keluk (aerosol)
  4. Bentuk gas (fumigan)

Miturut cara kerja[sunting | sunting sumber]

  1. Racun kontak, bisa matèni sasaran yèn ngenani kulit sasarané[2]
  2. Racun perut, bisa matèni sasaran yèn pestisida kepangan sasarané[2]
  3. Fumigan, yaiku senyawa kimia kang bisa matèni sasaran liwat saluran ambegan[2]
  4. Racun sistemik, yaiku pestisida kang didisep tetanduran, nanging ora nggawé tuna tetanduran. Srangga kang mangan tanduran kuwi bisa mati ing bates wektu tartamtu.[2]

Miturut struktur kimia[sunting | sunting sumber]

  1. Organoklorin
  2. Organofosfat
  3. Carbamat
  4. Piretroid

Pengendalian pestisida[sunting | sunting sumber]

Pestisida kang digunakaké kanggo ngundhakaké kasil pertanian bisa nyebar lan nregeti panggonan liya.[3] Yèn iki kadadèn, pestisida bisa ngracuni iwak lan ngrusak ekologi lingkungan.[3] Pestisida bisa uga ngracuni makhluk urip. Konsentrasi pestisida ing makhluk urip bisa matikel-tikel amarga manéka werna kagiyatan.[3]

Mula, panggunaan pestisida prelu dikendhalèkaké kanggo ngindari masalah keracunan utawa prekara kang ora dikarepaké.[3] Nggunakaké pestisida kudu ngetutaké pituduh kang bener.[3] Sawayara prekawis kang kudu digatèkaké nalika nggunakaké pestisida, yaiku:

  • Mangertèni janis hama utawa penyakit tanduran kang arep dibasmi.[3]
  • Mangertèni kaluwihan lan kekurangan saben pestisida kang dipilih.[3]
  • Ngetutaké aturan nggunakaké pestisida kang dipilih lan mesthèkaké yèn panggunaan pestisida kasebut ora nggawé rugi lingkungan ing sakupengé.[3]


Cathetan suku[sunting | sunting sumber]

  1. ^ a b c d (id)Pestisida(diundhuh 30 Januari 2013)
  2. ^ a b c d e (id)Jenis Pestisida(diundhuh 30 Januari 2013)
  3. ^ a b c d e f g h (id)macam-macam pestisida(diundhuh 30 januari 2013)
Sumber artikel punika saking kaca situs web: "http://jv.wikipedia.org/w/index.php?title=Pestisida&oldid=836435"