Gulma

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Gulma iku tanduran sing anané ora dikarepaké ing lahan pertanian amarga ngurangi asil tanaman prodhuksi. Tembung gulma asipat teknis lan plastis. Teknis, amara kagandhèng karo prosès prodhuksi tanduran pertanian. Anané gulma bakal ngurangi asil amarga ngganggu tuwuhing tetanduran prodhuksi liwat kompetisi. Plastis, amarga watesan iki ora ngiket sawijining spesies tanduran. Jroning tataran tinamtu, tanduran migunani bisa dadi gulma. Suwaliké, tanduran sing biasa dianggep gulma bisa uga dianggep ora ngganggu. Conto, kedhelé sing tuwuh ing sela-sela tanduran monokultur jagung bisa dianggep minangka gulma, nanging jroning sistem tumpang sari kaloroné minangka tanduran utama. Senadyan mangkono, sawetara jenis tanduran dikenal minangka gulma utama, kayadéné teki lan alang-alang.

Ilmu sing nyinaoni gulma, perilakuné, lan pengendaliané dikenal minangka ilmu gulma.

Werna-werna gulma[sunting | sunting sumber]

Biasané dibédakaké gulma ke jroning telung klompok:

  • teki-tekian
  • suket-suketan
  • gulma godhong amba.

Katelu klompok gulma nduwèni karakteristik dhéwé-dhéwé sing merlokaké strategi khusus kanggo ngendhalèkaké.

Sumber artikel punika saking kaca situs web: "http://jv.wikipedia.org/w/index.php?title=Gulma&oldid=826850"