Fungisida

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Struktur 3-dimensi salah satunggaling fungisida, diiodometil-p-tolilsulfon

Fungisida inggih menika salah satunggaling jenis pestisida ingkang mliginipun kanggé mejahi jamur (fungi) ingkang anjalari penyakit.[1] Bentuk fungisida saged cair ingkang paling kathah dipunginakaken, gas, butiran, lan bubuk. [1] Peusahaan ingkang ngasilaken winih padatanipun ngginakaken fungisida ing winih, umbi, oyod, kaliyan organ propagatif sanèsipun kanggé mejahi cendawan ing bahan ingkang badhé ditanem kaliyan ngayomi tetanduran enèm saking cendawan patogen.[1] Kejawi menika, ngginakaken fungisida saged dipunginakaken lumantar injeksi ing gagang, semprotan cair kanthi langsung, kaliyan ing wangun fumigan (gas ingkang disemprotaken).[1] Fungisida saged diklompokaken dados kalih golongan, inggih menika fungisida selektif (fungisida sulfur, tembaga, quinon, heterosiklik) kaliyan non-selektif (fungisida hidrokarbon aromatik, anti-oomycota, oxathiin, organofosfat, fungisida ingkang ngalang-alangi sintesis sterol, sarta fungisida sistemik sanèsipun).[2]

Fungisida alami[sunting | sunting sumber]

Fungisida alami inggih menikabahan aktif fungisida ingkang dipunpundhut saking alam. Jinisipun inggih menika:

  1. Fungisida mikrobiologi, inggih menika fungisida ingkang dipunrembakaken saking mikroorganisme (mliginipun jamur kaliyan baktèri.[3]
  2. Fungisida nabati (fungisida botani), inggih menika bahan aktif fungisida ingkang diekstrak saking tetanduran.[3]
  3. Fungisida ingkang saking fermentasi mikroorganisme, kejawi jamur lan baktèri ingkang dipunginakaken minangka fungisida kanthi langsung, fermentasi saking jamur lan baktèri ugi saged ngasilaken senyawa kimia ingkang saged mejahi mikroorganisme sanès. Senyawa menika dipunwastani antibiotika.[3]

Jenis[sunting | sunting sumber]

Adhédhasar sipat lan kagiyatan fungisida tumrap jasad sasaranipun, fungisida saged dipunklompokaken dado kalih[4] inggih menika:

  1. Fungisida Nonsistemik

Fungisida nonsistemik boten saged dipunserep lan dipuntranslokasi ing salebetipun jaringan taneman. Fungisida nonsistemik namung mbantuk lapisan kanggé ngalangi. Fungisida menika namung migunani kanggé nyegah infèksi fungi kanthi cara ngrendhétaken perkecambahan spora utawi miselia jamur ingkang nèmplèk ing permukaan taneman. Pramila, fungisida kontak migunani minangka protektan lan namung efektif menawi dipunginakaken sadèrèngipun taneman kenging infèksi déning penyakit. Saéngga fungisida nonsistemik kedah asring dipunginakaken supados saged ngayomi taneman saking infèksi énggal.[4]

  1. Fungisida Sistemik

Fungisida sistemik dipunabsorbsi déning organ-organ taneman lan dipuntranslokasi menyang bagéyan taneman sanèsipun lumantar pembuluh angkut utawi jalur simplas (lumantar salabeting sel). padatanipun, fungisida sistemik dipuntranslokasi menyang bagéyan inggil (akropetal), inggih menika saking organ oyod menyang godhong. Sawetawis fungisida sistemik ugi saged obah meynag ngandhap, inggih menika saking godhong tumuju oyod (basipetal).[4]


Cathetan suku[sunting | sunting sumber]

  1. ^ a b c d (en) McGrath, M.T. 2004. What are Fungicides. The Plant Health Instructor. DOI: 10.1094/PHI-I-2004-0825-01
  2. ^ (en) Hriday Chaube, V.S. Pundhir (2006). Crop Diseases and Their Management. Prentice-Hall of India Pvt.Ltd. ISBN 978-81-203-2674-3.Page.292-305
  3. ^ a b c (id)Fungisida dan Bakterisida(dipunundhuh 23 Februari 2013)
  4. ^ a b c (id)Pengenalan Fungisida(dipunundhuh 23 Februari 2013)
Sumber artikel punika saking kaca situs web: "http://jv.wikipedia.org/w/index.php?title=Fungisida&oldid=836414"