Paus Pius XII

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

"

Pius XII
Asma wiyosan Eugenio Maria Giuseppe Giovanni Pacelli
Wiwit mengku 2 Maret 1939
Dumugi 9 Oktober 1958
Dipunrumiyini Pius XI
Dipunlajengaken Yohanes XXIII
Miyos 2 Maret 1876
Roma, Italia
Séda 9 Oktober 1958 (umur 82)
Castel Gandolfo, Italia
Paus kanthi nami Pius sanesipun
Cathetan suku
{{{footnotes}}}

Paus Pius XII (Latin: Pius PP. XII), nami lair Eugenio Maria Giuseppe Giovanni Pacelli (lair ing Roma, Italia, 2 Maret 1876 – tilar donya ing Castel Gandolfo, Italia, 9 Oktober 1958 kanthi umur82 taun) punika ngasta jabatan Paus Gréja Katulik Roma wiwit tanggal 2 Maret 1939 dumugi 9 Oktober 1958. Panjenenganipun ngasta jabatan minangka paus ka-260.

Sadèrèngipun kapilih minangka Sri Paus, Pacelli punika satunggiling sekretaris Sacra Congregatio pro Negotiis Ecclesiasticis Extraordinariis, Nuncio Apostolik, lan Sekretariat Negara Tahta Suci. Tugasipun inggih punika damel prajanjian-prajanjian kaliyan nagari-nagari Éropah lan Amérika Latin, kalebet Reichskonkordat kaliyan tokoh Jerman ingkang misuwur. Wekdal kapamimpinanipun ing salebetipun Gréja Katulik Roma salaminipun Perang Donya II dados topik kontrovèrsi sajarah ingkang kelampahan dumugi dinten punika.

Sasampunipun mangsa perang, Pius XII mbiyantu upados-upados pambangunan malih Éropah sarta nganjuraken katentreman lan parukunan malih, ingkang njangkep pamaringan kawicaksanan-kawicaksanan ingkang lunak dhumateng nagari-nagari ingkang risak amargi perang lan pamanunggalan Éropah. Gréja ingkang ngrembaka subur ing Kilèn nglampahi panindhesan awrat lan déportasi massal ing Wétan. Awit panentanganipun, sarta cawé-cawénipun salebetipun pamilihan umum Italia taun 1948, panjenenganipun misuwur minangka lawan Komunisme ingkang gigih. Panjenenganipun napakastani tigang ndasa concordat lan prajanjian diplomatik.

Pius XII punika salah satunggil saking kalih paus (sesarengan Paus Pius IX) ingkang migunakaken infalibilitas kapausan ex cathedra kagem njelasaken dogma Pangangkatan Badan Bundha Maria dhumateng Swarga, kadosdéné ingkang dipunnyatakaken salebetipun konstitusi apostolik Munificentissimus Deus. Magisteriumipun ngliputi mèh 1.000 pidhato lan siaran radio. Panjenenganipun nerbitaken sekawan ndasa setunggal layang ènsiklik, kalebet ing antawisipun Mystici Corporis Christi "Gréja minangka Badan Kristus", Mediator Dei perkawis réformasi liturgi, lan Humani Generis Redemptionem perkawis sifat Gréja dhumateng téologi lan évolusi. Panjenenganipun mbisak kamayoritasan tiyang Italia salebetipun Kolegium para Kardhinal lumantar Konsistorium Agung-ipun nalika taun 1946. Prosès kanonisasinipun sampun dumugi ing tahap "ingkang patut dipunmulyakaken" nalika tanggal 2 September 2000 nalika mangsa kapemimpinan Paus Yohanes Paulus II.

Pranala Jaba[sunting | sunting sumber]


Dipunrumiyini
déning:
Paus Pius XI
Paus
(daftar)
Dipunlajengaken
déning:
Paus Yohanes XXIII


Artikel prakawis Paus punika, taksih dèrèng pepak. Panjenengan mangga nambah. Menawi sampun pepak, saged mbusak katrangan punika.

Sumber artikel punika saking kaca situs web: "http://jv.wikipedia.org/w/index.php?title=Paus_Pius_XII&oldid=876371"