Lemud

Saka Wikipédia Jawa, bauwarna mardika basa Jawa
(Kaelih saka Nyamuk)
Lemud
Lemud Culex quinquefasciatus
Klasifikasi ngèlmiah
Karajan: Animalia
Filum: Arthropoda
Subfilum: Hexapoda
Klas: Insecta
Subklas: Pterygota
Infraklas: Neoptera
Superordho: Endopterygota
Ordho: Diptera
Subordho: Nematocera
Infraordho: Culicomorpha
Superfamili: Culicoidea
Famili: Culicidae
Genus

Pirsani teks.

Diversity
41 génus

Lemud utawa nyamuk iku akèh arané ing tlatah Jawa. Ana kang ngarani jingklong, lan ana kang ngarani lamuk. Nyamuk kalebu cacahing gegremet, utawa Insecta.

Jinis lemud[besut | besut sumber]

Jinis-jinising lemud kang wis dikenal manungsa yaiku :

Jinising lemud sajatiné ana 2700, saka 35 genusé, lan lemud wis ana ing donya kira-kira 170 yuta taun. Ing Indonésia, lan tlatah Jawa, kang diweruhi ana 3 rupa, yaiku Anopheles utawa Lemud Malaria, Culex utawa Lemud biyasa, lan Aedes utawa lemud demam berdarah.

Titikan[besut | besut sumber]

Titikané lemud yaiku : nduwé suwiwi kang wujud jaring, awaké cilik menik-menik, lan dawané akèh-akèhé 15 miliméter utawa luwih. Aboté lemud iku kira-kira 2 nganti 2,5 miligram lan bisa mabur 1,5 nganti 2,5 km/ jam.

Pangané lemud[besut | besut sumber]

Sing nyesep getih iku mung lemud babon.Yèn lemud lanang ora nyesep getih, nanging nyesep sari tetuwuhan utawa woh-wohan. Lemud babon duwé moncong dawa kang diarani proboscis kanggo norèh kulit kurbané lan nyesep getihé. Isa kéwan-kéwan mamalia, utawa kéwan melata, lan manuk uga manungsa. Lemud babon nyesep getih kanggo kalangsunganing urip endhogé. Yèn ing pakanan racaké, kaya sari woh utawa tetuwuhan ora ana protéin kang dibutuhaké kanggo endhog, dadi lemud babon kudu nyesep getih kanggo nerusaké silsilahé.

Akèh-akèhé lemud babon padha nyesep getih, nanging ana sajinis kang ndilalah ora nyesep getih babar pisan. Yaiku lemud jinis Toxorynchites.

Habitat[besut | besut sumber]

Lemud racaké urip mung rong minggu utawa kurang yèn hawané cocog saka anakan nganti dadi lemud. Lumrahé lemud ndèlèh endhogé ing panggonan-panggonan kang banyuné ora ngalir, kaya ta got, bak adus, sendhang, alas bako, utawa panggonan banyu liyané. Lemud aedes racaké malah ndokok endhogé ana ing banyu kang resik tur bening nanging ora ngalir.

Lelara[besut | besut sumber]

Lemud akèh nularaké rupa-rupa lelara kaya : Malaria, Tapak Gajah utawa Demam Berdarah. Pramila iku akèh cara digawé kanggo ngilangaké lemud saka panguripaning manungsa, nganggo obat nyamuk, utawa ngresiki saindhenging papan panggonan dhéwé-dhéwé.

Obat lemud[besut | besut sumber]

Obat nyamuk maneka macemé, kang diobong, disemprotaké, diusapaké ing kulit utawa nganggo listrik. Lan bahan aktif kang digawé kanggo ngracik obat lemud iku kaya ta : DEET, lenga ekaliptus, lenga piretrum, sitronela lan sapanunggalané.

Pranala njaba[besut | besut sumber]