Mencawak banyu

Mencawak banyu
Setatus konservasi
	; Ora Nyamari (IUCN 3.1)
Klasifikasi ngèlmiah
Karajan:	Animalia
Filum:	Chordata
Klas:	Reptilia
Ordho:	Squamata
Famili:	Varanidae
Génus:	Varanus
Spésies:	V. salvator
Jeneng binomial
	Varanus salvator; (Laurenti, 1768)

Mencawak, Menyawak banyu (Varanus salvator), ya iku kadhal gedhé asli saka Asia Kidul lan Asia Kidul-wétan. Kadhal banyu iki kalebu kadhal kang lumrah ditemokaké ing saindhenging Asia. Sumebar saka Sri Lanka lan pasisir lor India nganti Indocina, Semenanjung Melayu, lan sawatara pulo ing Indonésia, sing papan kang cedhak banyu. Ing Jawa Wétan kéwan iki uga dikenal kanthi jeneng nyambik lan slira/salira

Wedharan

Mencawak banyu kalebu jinis kadhal kang gedhé. Mencawak banyu lanang ngancik diwasa nalika dawa awaké 40 cm (16 in) lan bobot 1 kg (2.2 lb), lan mencawak banyu wadon nalika dawané 50 cm (20 in). Nanging, mencawak banyu tetep bisa tambah gedhé manèh. Mencawak banyu lanang luwih gedhé tinimbang kang wadon^[2] nanging arang arang dawané ngluwihi 1.5–2 m (4 ft 11 in–6 ft 7 in),^[3] déné spésimèn gedhé dhéwé kang karekam, saka Sri Lanka, diukur 3.21 m (10.5 ft). Bobot mencawak banyu diwasa bisa 19.5 kg (43 lb).^[4] Ing Surabaya, uga kawartakaké manawa ana mencawak banyu kanthi dawa 2,8 mèter lan boboté 50 kg^[5].

Prilaku lan pangan

Mencawak banyu bisa tarung migunakaké buntut, cakar, lan cangkem. Kéwan iki pinter ngangi migunakaké buntuté. Kalebu jinis karnivora kang mangan iwak, kodok, tikus, manuk, yuyu, lan ula. Uga mangan mangan bulus, anak baya lan endhog baya.^[6]

Kayadéné komodo, mencawak banyu uga mangan bathang kéwan. Mencawak banyu uga duwé daya pangambu kang becik lan bisa ngrasakaké anané bathang saka papan kang adoh.

Galèri

Endhas saka cedhak

ilat kang cawang

ngaso ing wit

Mencawak banyu lagi netes

Mencawak banyu (V. s. macromaculatus) nuduhaké ilat kang cawang (Sunderbans National Park, West Bengal, India)

Barkas:Varanus salvator (illustration).jpg

Mencawak banyu njarah endhog saka susuh. Ilustrasi déning P. J. Smit saka Richard Lydekker's The Royal Natural History, 1893-1896

Rujukan

↑ Bennett, D.; Gaulke, M.; Pianka, E. R.; Somaweera, R.; Sweet, S. S. (2010). "Varanus salvator". IUCN Red List of Threatened Species. Version 2014.2. International Union for Conservation of Nature. Dibukak ing 2014-08-26.
↑ Shine, R.; Harlow, P. S.; Keogh, J. S. (1996). "Commercial harvesting of giant lizards: The biology of water monitors Varanus salvator in southern Sumatra". Biological Conservation. 77 (2–3): 125–134. doi:10.1016/0006-3207(96)00008-0. Dibukak ing 2013-06-09.
↑ Pianka, King & king. Varanoid lizards of the world. 2004
↑ Water Monitor Lizard (Varanus salvator) at Pak Lah’s House | Mutakhir Archived 2020-10-24 at the Wayback Machine.. Wildlife.gov.my (2012-02-23). Retrieved on 2012-08-22.
↑ "Nyambik Betina 2,8 Meter Gegerkan Warga". 2011.
↑ Whitaker, Rom (1981) "Bangladesh – Monitors and turtles". Hamadryad. 6 (3): 7–9

[IUCN-1] Bennett, D.; Gaulke, M.; Pianka, E. R.; Somaweera, R.; Sweet, S. S. (2010). "Varanus salvator". IUCN Red List of Threatened Species. Version 2014.2. International Union for Conservation of Nature. Dibukak ing 2014-08-26.

[Shine_1996-2] Shine, R.; Harlow, P. S.; Keogh, J. S. (1996). "Commercial harvesting of giant lizards: The biology of water monitors Varanus salvator in southern Sumatra". Biological Conservation. 77 (2–3): 125–134. doi:10.1016/0006-3207(96)00008-0. Dibukak ing 2013-06-09.

[3] Pianka, King & king. Varanoid lizards of the world. 2004

[4] Water Monitor Lizard (Varanus salvator) at Pak Lah’s House | Mutakhir Archived 2020-10-24 at the Wayback Machine.. Wildlife.gov.my (2012-02-23). Retrieved on 2012-08-22.

[5] "Nyambik Betina 2,8 Meter Gegerkan Warga". 2011.

[6] Whitaker, Rom (1981) "Bangladesh – Monitors and turtles". Hamadryad. 6 (3): 7–9

[1]

[2]

[3]

[4]

[5]

[6]