Menara London

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Menara London*
Situs Warisan Donya UNESCO

Tower of London, Traitors Gate.jpgMenara London saking Sungai Thames
Negara Flag of the United Kingdom.svg Britania Raya
Tipe Budaya
Kriteria (ii), (iv)
Referensi 488
Wilayah Eropa
Sajarah prasasti
Prasasti resmi 1988  (Sèsi 12th)
* Jeneng resmi jroning Daftar Warisan Donya.
Miturut klasifikasi resmi UNESCO.

Yang Mulia Istana lan Benteng Kerajaan, utawi kawéntar kanthi nama Menara London inggih menika kastil ingkang ngemu nilai sejarah ingkang mapan wonten ing pusat kutha London, Inggris wonten ing pinggiring Sungai Thames. Kastil menika wonten ing kawasan London Borough of Tower Hamlets lan kapisah saking ujung wétan kutha London déning ruang ingkang kabikak lan kawéntar kanthi nama Bukit Menara.

Kastil menika dipunbangun nalika taun 1066 dados bagéyan saking Penaklukan Normandia wonten Inggris. Menara menika kalebet bagéyan saking sejarah panaklukan tiyang Normandia, satunggaling wilayah ing Perancis sisih lor ingkang winatesan kaliyan Selat Inggris. Nalika Duke William saking Normandia nyerang Inggris nalika taun 1066, aksi pisanan saksampunipun ndarat menika mbangun kastil utawi menara. saksampunipun penobatanipun ing Westminster Abbey ing dinten natal 1066, Duke William lajeng paring perintah damel astana ing London [1].

Wonten ing taun 1078 Menara London rampun dipunbangun. Menara utawi kastil ingkang yuswanipun sakmenika sampun langkung saking 900 taun menika dados simbol penindasan. Amargi menara menika dipunginakaken kanggé penjara awit saking taun 1100. Periode puncak kastil minangka penjara kapungkasan menika nalika abad kaping 16 lan 17. salah satunggal tokoh ingkang naté dipunpenjara ing papan menika Elizabeth I sakdèrèngipun dados ratu [1].

Fungsi[sunting | sunting sumber]

Menara London menika naté kagungan paraga ingkang wigati ing lelampahaning sejarah Inggris. Menara menika naté dikepung déning musuh saéngga menara menika gadhah perang anggènipun njagi negara Inggris. Menara London sampun dipunalihfungsiaken ginanipun. Ing antawisipun kanggé gudang senjata, pusat keuangan, kebun kewan, dalem ingkang resmi tumrap Royal Mint, kantor catatan publik lan papa kangge nyimpen Mahkota Permata Britania Raya. Awit saking abad kaping 14 dumugi mangsa pamaréntahan Charles II, prosesi panobatan Raja Inggris menika kawiwitan ing menara, dipunlajengaken dhateng Westminster Abbey. Nalika raja nembe boten wonten, pasukan ingkang dipunwastani Prajurit Menara menika dipunparingi tanggeljawab supados njaga kastil. Jabatan menika kalebet satunggaling jabatan ingkang kuwat lan dipupitadosi nalika ing abad tengahan. Nalika abad kapinh 15, menara menika kaginakaken kanggé penjara Kalih Pangéran. Salajengipun , ing Periode Tudor, menara boten dipunginakaken malih dados dalemipun kerajaan, ananging tasih kanggé bèntèng pertahanan.

Fungsi Menara London menika minangka bèntèng, astana kerajaan, lan penjara. Menara menika dipunopeni kanthi saé lan dipunlebetaken kategori minangka salah satunggaling papan ingkang wingit utawi angker lan kathah memedinipun [2].

Cariyos ing Menara London[sunting | sunting sumber]

Kisah ingkang paling kawéntar wonten ing Inggris menika pamenggalan Ratu Anne Boleyn ( ratu Inggris 1507 - 1536 ). Anne Boleyn menika garwa kaping kalih Raja Henry VIII. Raja Henry VIII lajeng megat ingkang garwa Katherine of Aragon, pecah kaliyan Roma lajeng dikucilke amargi tresna marang Anne. Ananging banjur tresnanipun pindah dhateng Jane Seymour. Awit saking menika Anne dituduh selingkuh kaliyan kerabatipun George Boleyn, Lord rochford. Raja lajeng damel keputusan bilih mantan garwa lan Ratu Inggris menika diparingi ukuman mati lajeng dipunpenggal sirahipun nalika 19 Mei 1536 [3] .

Cathetan suku[sunting | sunting sumber]

  1. ^ a b [1], Kastil (dipun-akses tanggal 22 November 2012).
  2. ^ [2], Menara London situs warisan dunia yang angker (dipun-akses tanggal 22 November 2012).
  3. ^ [3], Menara London (dipun-akses tanggal 24 Desember 2012).
Sumber artikel punika saking kaca situs web: "http://jv.wikipedia.org/w/index.php?title=Menara_London&oldid=835206"