Kunir asem

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Kunir Asém kuwi salah sawijiné kasil racikan obat herbal atawa jamu kang digawe saka bahan-bahan alami (herbal) lan diuri-uri dening masarakat, kunir asem kalebu jamu gendhong kang bahan utamané kunir karo asém.[1] jamu kang iki biasa didadekaké adem-ademan kanggo awak utawa kanggo nyegerake awak[2]. Jamun iki anduweni warna kuning lan rasané kecut-kecut tinuli seger. Liyané Jamu kunir asem kelebu jamu gendong,ana jamu gendongliyan kang kondhang ning masyarakat Jawa kayata jamu beras kencur, jamu sinom, jamu cabe puyang, jamu pahitan, jamu kunci suruh, jamu kudu laos lan jamu uyup-uyup atawa gepyokan. [3]. Jamu kunir asém iku kalebu ombèn-ombèn obat tradisional Jawa kang uwis ana ket jaman biyen, racikané diturun-temurunké saka jaman Majapahit lan nganti saiki isih diuri-uri, nuli dilestarikaké dadi salah sawijining kasil budaya Jawa [3].

Asem, Bahan utamané Jamu Kunir Asém

Kasiat Kunir Asém[sunting | sunting sumber]

Jamu kunir asém kang seger lan enak iki ora namung nyegeraké awak, jamu iki uga anduweni piguna liyane kayata[4] :

  1. kandhungan vitamin C saka asem bisa ngobati sariawan
  2. ora namung rasané wae kang segar, jamu iki uga bisa gawe segeré awak
  3. ngerampingké awak atawa anggawe awak singset
  4. ngelancaraké haid
  5. jamuné ibu-ibu kang lagi mbobot (meteng)
  6. jamu kunir asém uga bisa kanggo nambani weteng mules.

Kasiat Kunir Asém[sunting | sunting sumber]

Racikan Kunir Asém [3]
No. Kasiat Bahané
01. Séger-séger, adém-adéman kunir, asém kawak, temulawak, gula
02. Mulés, adém-adéman kunir kang akeh, asém kawak, gula abang
03. Weteng kembung kunir, asém kawak, gula abang
04. Awak séger, sariawan kunir, asém kawak, gula abang
05. Séger-ségeran, sariawan,gomen kunir, asém kawak, gula abang
06. Adém-adéman, sariawan kunir, asém kawak, gula abang
07. panas dalam kunir, asém kawak, gula abang
08. Panas Dalam kunir, godhong asem, asém kawak, jeruk nipis, gula
09. Séger-ségeran kunir, godhong asem, asém kawak, jeruk nipis, gula
10. Adém-adéman, sariawan kunir, kedawung, asem kawak, gula
11. Ngelancarké haid kunir, asém kawak, gula abang
12. Obat mbobot (hamil) kunir, asém kawak, gula abang

Cara Gawe Jamu Kunir Asém[sunting | sunting sumber]

Bahan utama jamu iki yaiku asem kang ditambahan kunir utawa kunyit, ananging perlu ditambah karo bahan-bahab liyan kayata sinom (godong asém enom), temulawak, wiji kedawung, lan banyu jeruk nipis. Kanggo pemanis, bisa ditambahi gula pasir utawi pemanis buatan lan bisa ditambahi karo uyah [5].

Cara anggawe jamu iki yaiku[1].

  • Bahan-bahan kang wis cumepak ditumbuk kasar nganggo lumpang karo alu wesi atawa watu (kunir mau wis dirajangi sakdurunge)
  • digodog nganti umeb.
  • banyu godogan disaring lan ditambah uyah, gula sak selerané.

Cathetan suku[sunting | sunting sumber]

  1. ^ a b (id)Tahukah Anda tentang JAMU ? Jamu Kunir Asamdipununduh tanggal 03 April 2011
  2. ^ Gaya Hidup Orang Indonesiadipununduh tanggal 04 April 2011
  3. ^ a b c Bahan Baku, Khasiat, dan Cara Pengolahan Jamu Gendong: Studi Kasus di Kotamadya Surabaya, 1998 (dipununduh tanggal 30 Maret 2011)
  4. ^ Jamu Kunir Asamdipununduh tanggal 03 April 2011
  5. ^ jamu manjur (dipununduh tanggal 02 April 2011)
Sumber artikel punika saking kaca situs web: "http://jv.wikipedia.org/w/index.php?title=Kunir_asem&oldid=882376"