Keramik

Kramik kang ana ornamené (genthong)

Keramik yaiku karya seni rupa kriya kang wujudé bisa dideleng ing kabeh penjuru (sisih kiwo, tengen ngarep, mburi lan saka ndhuwur.Keramik uga kagolong karya seni rupa telu dimensi lan bahan dasaré digawe saka lemah lempung serta nganggo cara diobong ing pawon pangobongan (basa Indonésia asring diarani tungku)

Guci keramik

Sajarah

Keramik ing Indonésia sajarahé dawa kaya ing negara-negara liyané, kayata Cina, India, Jepang, Mesir lan Mexico.Ing Indonésia keramik wis dikenal wiwit jaman Neolithicum.Kayata ing Sumatra ditemukake pecahan-pecahan belanga ing gunung kerang.Wiwit ditemukake pecahan-pecahan tembikar wis bisa disimpulake anané usaha ngawé piranti wadah kanthi cara tradisional lan isih mentah.

Bahan

Lempung kang misuwur kanggo bahan kramik yaiku lempung kang ana ing pinggir kali lan luwih gampang njupuk lemah aluluvial (lumpur kang kagawa banyu ing kali ditambah campuran erosi lemah ing sakubengnge kali).Lempung yaiku susuté utawa ajuré saka watu kang atos lan bisa digolongake wujud watu sedimen.Didasarake ing wujudé lan panggonan lempung kaperang dadi enem (6) adidasar saka dhaérah asalé (asal)

Guci

Lempung residual

Lempung residual yaiku lempung kang ana ing panggonan kang isih asli lan durung pindah panggonan wiwit kaciptané wujud lempung.Wujud lempung kuwi kayata:

• Wujudé kasar, campuran karo watu kang durung gapuk (lapuk)
• Wujudé ora molor (lentur)

Lempung illuvial

Lempung illuvial yaiku lempung kang digawa lan katut ing salah sijiné panggonan kang ora adoh saka asalé.Lempung iki nduweni wujud memper karo lempung illuvial kanthi dasar ora ditemukake watu asal-usulé.

lempung alluvial (lempung bekas banjir ing kali)

Lempung alluvial yaiku lempung kang ngendut ing banyu kali lan sakubenge.Lempung iki bisa kecampur ing wayah kali banjir karo pasir lan ngendut ana panggonan kang bera.

Lempung rawa

Lempung rawa yaiku lempung kang ngendut ana ing rawa-rawa.Jinis lempung iki ndhuweni ciri werna ireng lan bisa ditemukake ana ing pinggir segara, kecampur karo uyah

Lempung danau

Lempung danau yaiku lempung kang ngendut ing sakubenge danau (banyu tawar).Endut lempung iki biasané tipis lan ndhuweni asifat kayata lempung banyu tawar.

Lempung marin

Lempung marin yaiku lempung kang ngendut ana ing segara.Umumé lempung marin diawa banjir saka kali ngendut ing sakubenge segara.Lempung mari wujudé bisa atos karana kena gaya-gaya geologi bisa keangkat ing ing njabane segara.Lempung marin ndhuweni wujud alus lan campuran karo cangkang-cangkang foraminifera ( kéwan segara).Lan cangkang kuwi ngandut jat-jat kapur

Bahan tambahan

Pasir yaiku salah sijiné bahan kanggo campuran lempung.Tambahé pasir ing lempung ing dasarédikarepake kanggo bahan kang ndhuweni mumpangat ngurangi rusaké ing sakjroning babagan ing ngaringke ing ngisor srengéngé lan ing sakjroning pangobongan (ngindari supaya ora pecah utawa sentet).Cacahé pasir kang dicampur kanggo ngawe kramik nganggo bandingan 1:4 lan akeh sitiké pasir kang dicampur ing campuran lempung.Pasir kang dijupuk ing dasaré kali dipilih kang alus lan ora kasar (ora campuran krikil).Pasir dimumpangatake ing pangrajin tradisional kayata grabah lan nganggo piranti kang isih kuno ing proses pagolahan bahané.

Pasir

• Mumpangaté
  • Pasir bisa ngurangi nyusuté lempung ing proses pangaringan lang ncegah anané pecahé kramik ong pawon pangobongan.
• Kapur
  • Kapur yaiku bahan campuran kang dicampur ing lempung.Campuré kapung ing lempung dimumpanggatake kanggo babagan glasir supaya kuat lan ora pecah

Deleng uga

• Keramik Klampok

Galeri

• 

  Mangkok kramik kuno

• 

  Kramik tembikar

• 

  Wujud wong saka kramik

• 

  Kramik wujud bebek