Kembang sedhep malem

Saka Wikipédia Jawa, bauwarna mardika basa Jawa
(Kaelih saka Kembang Sedep Malem)
Sedap malam
Klasifikasi ngèlmiah
Karajan: Plantae
Dhivisi: Magnoliophyta
Klas: Liliopsida
Ordho: Asparagales
Famili: Agavaceae
Génus: Polianthes
Spésies: P. tuberosa
Jeneng binomial
Polianthes tuberosa

Kembang sedhep malem (Polianthes tuberosa, basa Melayu: sundal malam) ya iku tuwuhan kang tansah ijo saka suku Agavaceae. Lenga saka kembang iki bisa digunakaké kanggo gawé parfum. Jeneng tuberosa nuduhake manawa kembang iki duwé dhangkèl (tuber). Saiki dikenal paling ora 12 spésies saka génus Polianthes. Dijenengi lembang sedhep malem amarga kembang iki megar lan ngganda wangi ing wayah wengi.[1]

Kembang sedhep malem ya iku salah sawijining kembang hias kang duwé ganda kang sedhep lan awèt. Kembang kang duwé makutha kembang warna putih iki duwé urutan nomer loro sawisé kembang mawar. Ana telung jinis kembang sedhep malem didelok saka wujud kembangé, ya iku kembang ganda kang duwé kelopak kembang (petal) lapis-lapis, tipe kembang tunggal lan tipe kembang semiganda. Kembang sedhep malem kalebu kembang majemuk kang duwé cacah kembang 30-60 iji saben malai.[2]

Panyebaran kembang sedhep malem[besut | besut sumber]

Tuwuhan kembang sedhep malem asalé saka Meksiko lan wis kasebar adoh ing Éropah, Afrika, lan Asia kalebu Indonesia. Ing Indonesia tuwuhan ini cocog ditandur ing tlatah dhataran menengah nganti dhuwur (pagunungan).[2]

Kembang sedhep malem minangka tuwuhan introduksi kang wis nyebar adoh lan ngadhaptasi kanthi apik karo iklim tropis (panas).

Ing Indonesia kembang sedhep malem cocog dibudidayakaké ing tlatah dhataran menengah nganti dhataran dhuwur (pagunungan).[1]

Ing Taiwan, kembang sedhep malem duwé warna kang manéka warna, ya iku jambon, ungu semu abang, oranye, lan kuning. Kembang sedhep malem mau racaké saka jinis hibrida ya iku kasil saka persilangan antarané variétas Polianthes tuberose tunggal utawa ganda lan Polianthes howardi.[2]

Mupangat kembang sedhep malem[besut | besut sumber]

Kembang sedhep malem duwé pirang-pirang manfaat ing antarané:

  1. Lumrahé digunaaké kanggo tuwuhan hias
  2. Bisa digunaake dadi tuwuhan kanggo ngusir nyamuk
  3. Bisa digunaaké dadi obat katarak, radang mata, wudunen, bengkak, angèl turu, nambah getih, nentremaké pikiran lan ati, mundhakaké stamina, influenza, radang tenggorokan, mambu cangkem, suara serak, lara nalika ngelek panganan, rematik, lan mudunake panas awak.[1]

Ing Indonesia racaké kembang sedhep malem didadèaké kembang hias lan kanggo wewangen omah nalika ana adicara gedhé kaya ta idul fitri.[2]

Gladri[besut | besut sumber]

Cathetan suku[besut | besut sumber]

  1. a b c "Polianthes Tuberosa". Diarsip saka sing asli ing 2012-07-21. Dibukak ing 2012-09-23.
  2. a b c d "Bunga Sedap Malem". Diarsip saka sing asli ing 2014-03-28. Dibukak ing 2012-09-20.