Karèt kebo

Karèt kebo
Ficus elastica
Status konsèrvasi
	Masalah Lua: expandTemplate: template "Filtra_idioma" does not exist.
	Spesies jroning kahanan aman
IUCN	116271522
Takson
''tanpa takson''	mesangiosperms ·
''tanpa takson''	eudicots ·
''tanpa takson''	core eudicots ·
''tanpa takson''	Superrosids ·
''tanpa takson''	rosids ·
''tanpa takson''	Eurosids ·
''tanpa takson''	fabids ·
Ordo	Rosales ·
Kulawarga	Moraceae ·
Genus	Ficus ·
Spesies	Ficus elastica; Roxb. ex Hornem. 1819 not Roxb. 1832 nor Roxb. 1814 (the last one not validly published)
Tata nama
Sinonim takson	Ficus clusiifolia Summerh. 1929 not Schott 1827; Ficus cordata Kunth & C.D.Bouché 1846 not Thunb. 1786 ; Ficus elastica var. belgica L.H.Bailey & E.Z.Bailey ; Ficus elastica var. benghalensis Blume ; Ficus elastica var. decora Guillaumin ; Ficus elastica var. karèt (Miq.) Miq. ; Ficus elastica var. minor Miq. ; Ficus elastica var. odorata (Miq.) Miq. ; Ficus elastica var. rubra L.H.Bailey & E.Z.Bailey ; Ficus karèt (Miq.) King ; Ficus skytinodermis Summerh. ; Ficus taeda Kunth & C.D.Bouché ; Macrophthalma elastica (Roxb. ex Hornem.) Gasp. ; Visiania elastica (Roxb. ex Hornem.) Gasp. ;

Karèt kebo (Ficus elastica) ya iku spésiès tetuwuhan saka génus ficus. Tuwuhan iki asalé saka India sisih lor-wétan, Népal, Bhutan, Burma, Cina, Malaysia, lan Indonésia. Tuwuhan iki uga banjur wus kasebar ing Sèilon lan Praja Florida, Amérikah Sarékat.^[2]^[3]

Wedharan

Karèt kebo kalebu golonganing tuwuhan waringin kang dhuwuré bisa nganti 30-40 mèter, malah kepara nganti 60 mèter. Déné watangé bisa nganti 2 mèter. Kango nyengkuyung ukuran kang gedhé mau, kaya déné lumrahé golongané waringin karèt kebo uga duwé oyot gantung. Godhongé kawangun lonjong gumilap warna ijo semu abang, dawané 10–35 cm lan ambané 5–15 cm. Tuwuhan kang isih enom duwé godhong kang luwih amba tinimbang kang wis tuwa. Saliyané kanthi wiji kang tuwuh, karèt kebo uga bisa ditandur kanthi cara stèk.

Kembang lan woh

Kayadéné lumrahé tuwuhan waringin, kembang karèt kebo mbutuhaké pitulungan tawon kanggo penyerbukan. Anané tawon kang wus dadi pasangan tuwuhan iki ndadèkaké kembang karèt kebo ora prelu manèh warna kang apik lan ganda kang wangi kanggo ngundang kéwan gremetan liyané. Wohé karèt kebo wujudé lonjong ijo semu kuning udakara 1 cm.

Budidaya lan piguna

Pethètan

Karèt kebo lumrahé sengaja ditandur kanggo pethètan utawa kanggo éyup-éyup. Kanthi sipat kang rikat anggoné tuwuh, tuwuhan iki bisa kapilih kanggo nanduri papan kang panas.

Wod

Ing Cherrapunji, Meghayala, India sisih lor-wétan, ana sawenèh masarakat kang sengaja mbudidaya karèt kebo kapurih bisa dadi wod ing kali. Wit karèt kebo ditandur ing pinggir kali lan sebrangé, banjur nalika wis tuwuh oyot gantungé kasambung lan katata dadi wod. Nalikané oyot tambah gedhé, bisa kuwat kanggo diliwati manungsa.^[4] Déné ing Indonésia, uga tinemu ing Kacamatan Leuwi Damar, Kabupatèn Lebak.^[5]

Jamu

Karèt kebo bisa kanggo tamba manéka lelara, kaya ta lara kulit, maag, rématik, nglancaraké getih, lan nyuda rasa lara. Ing godhongé kakandhut senyawa saponin, flavonoid, lan polifenol. Karèt kebo uga duwé kasiyat kanggo tamba stroke.^[6] Déné tata carané kanggo jejamu, godhong karèt kebo digodhog nganti suda banyuné, banjur diombé.