Gimbap

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Gimbap
Jeneng Koréa
Hangeul 김밥
Alih Aksara sing disampurnakaké gimbap
McCune–Reischauer kimbap
Chungmu Gimbap

Gimbap menika jinising dhaharan Korea ingkang wonten sekul lan dipunbungkus kalihan rumput laut.[1] Gimbap kondhang minangka dhaharan ingkang dipunbeta nalika piknik, hiking utawi kegiatan sanèsipun ing njawi ruangan.[1]

Sajarah[sunting | sunting sumber]

Boten dipunmangertosi asal usul gimbap. Wonten ingkang ngandharaken bilih dhaharan menika dipunadaptasi saking sushi Jepang. Ananging kasunyatanipun gimbap menika dhaharan rakyat ingkang mirah lan dipundamel saking bahan ingkang gampil. Adhedhasar buku Dongguk Sesigi ingkang dipunserat nalika zaman Dinasti Joseon, wonten dhaharan ingkang dipunwastani bokssam (bungkusan kabegjan) ingkang dipundamel saking sekul gulung ingkang dipunbungkus kim (rumput laut garing). Bokssam menika dhaharan ingkang dipundamel kanggé dipundhahar nalika rekreasi utawi minangka bekal nalika lelampahan. Ing tengahing variasi enggal gimbap ingkang samenika medal, wonten gimbap ingkang dipunanggep asli saking Korea inggih menika Chungmu gimbap ingkang asalipun saking Chungmu ing pesisir kidul Semenanjung Korea. Chungmu gimbap boten wonten isinipun ananging namung arupi sekul gulung rumput laut ingkang dipundhahar kalihan kimchi lan cumi-cumi.

Bahan[sunting | sunting sumber]

Bahan kanggé damel gimbap inggih menika sekul, daging, lan janganan. Sekul putih dipunparingi bumbu sarem lan minyak wijen utawi minyak perilla. Isinipun ugi manéka warni wiwit saking ulam, daging yuyu, tigan, daging iga sapi, kimchi, keju, tuna lan sanèsipun. Déné bahan ingkang arupi janganan menika timun, bayem, wortel lan danmuji (acar lobak). Bibar sedaya isi dipungulung padatanipun dipunirisi [2].

Variasi ing njawi negeri[sunting | sunting sumber]

Gimbap dipunpilih minangka dhaharan paling dipunremeni saking 100 masakan Korea déning tiyang asing. Mingguan paling ageng Kanada, straight.com nyerat artikel babagan kondhangipun gimbap ingkang saingan kalihan sushi kanthi irah-irahan Korean kimbap rolls out of sushi's shadow.[3] Ing antawisipun manéka variasi gimbap medal versi kondhang saking kathah negara, kadosta French Gimbap (Perancis) lan California Gimbap (Amerika). French Gimbap dipundamel bènten kalihan gimbap sanes amargi lembaran rumput laut garingipun dipungulung ing sekul miturut karemenanipun tiyang Perancis ingkang kirang remen aroma rumput laut garing. California Gimbap dipundamel kanthi isi woh-wohan kados apokat.

Cathetan suku[sunting | sunting sumber]

  1. ^ a b (en) Passport to Korean Culture. Korean Culture and Information Service - Ministry of Culture, Sports and Tourism , Seoul, Republic of Korea. 2010. pp. 43-44. ISBN 978-89-7375-153-2 03910.
  2. ^ (id) Gimbap, (dipunakses tanggal 24 Februari 2013)
  3. ^ (en)Korean kimbap rolls out of sushi's shadow", Straight.com.

Pranala njawi[sunting | sunting sumber]

Logo Wikimedia Commons
Pirsani galeri bab Gimbap ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Gimbap&oldid=836965"