George Stephenson

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
George Stephenson

Insinyur lan Panemu
Lair 9 Juni 1781
Wylam, Northumberland, Inggris
Tilar donya 12 Agustus 1848 (age 67)
Tapton House, Chesterfield, Derbyshire, Inggris
Pasaréyan Gréja Holy Trinity, Chesterfield
Kabangsan Inggris
Kawarganegaran Inggris

George Stephenson (lair ing Wylam, Northumberland, Inggris, 9 Juni 1781 – tilar donya 12 Agustus 1848 kanthi umur67 taun) arupa sawijining insinyur ril sepur. Bapakné Stephenson nyambut gawé ing sawijining perusahaan tambang sing tugasé nglebokaké batubara menyang tungku perapian saka mesin uap. George nalika awalé nyambut gawé minangka pangon sapi nalika umur wolung taun. Banjur panjenengané uga nyambut gawé ing sawijining tambang batubara, awalé panjenengané ngréwangi bapakné, suwé-suwé panjenengané dadi kepala mesin uap. Sambi nyambut gawé penjenengané wiwit sinau maca kanthi mèlu kursus ing wayah wengi. Sawisé panjenengané bisa maca, panjenengané wiwit maca kabèh buku ngenani mesin.

Ing sawijining wektu, panjenengané dijaluk mbantu kanggo ndandani mesin uap, sawisé iku panjenengané dipasrahi tugas sing wigati jroning pamesinan. Ing wektu iku tambang batu bara wiwit nyoba migunakaké lokomotif uap utawa mesin uap sing bisa diobahaké kanggo ngganti tenaga jaran sing narik sepur batubara. Banjur George gawé mesin sing diarani Blucher. Mesin mlaku kanthi suksès. Sawisé iku panjenengané ditunjuk minangka insinyur kanggo pambangunan dalan sepur umum sing pisanan Stokton-Darlington sing dibukak nalika taun 1825. Banjur nalika taun 1826 panjenengané nyambut gawé kanggo pambangunan dalan sepur Liverpool-Manchester sing dibukak nalika taun 1830.

Banjur ana sawijining kontes sing dianakaké kanggo milih jinis mesin apa sing cocok kanggo sepur. Stephenson mèlu njupuk bagéyan lan menang kanthi mesiné sing jenengé Rocket. Mesin Rocket iki saiki isih ana lan ana ing Muséum Èlmu Pangetahuan ing London.

Karya biografi[sunting | sunting sumber]

Pranala njaba[sunting | sunting sumber]

Professional and academic associations
Pisanan Présidhèn Institution of Mechanical Engineers
1847–1848
Diganti déning:
Robert Stephenson
Sumber artikel punika saking kaca situs web: "http://jv.wikipedia.org/w/index.php?title=George_Stephenson&oldid=829987"