Ril sepur

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Ril sepur wangun Y lan wangun konvensional.

Ril digunakaké ing jalur sepur. Ril ngarahaké utawa mandhu sepur tanpa merlokaké pangendhalèn. Ril arupa rong batang ril kaku sing padha dawané dipasang ing bantalan minangka dhasar landhesan. Ril-ril mau ditalèni ing bantalan kanthi migunakaké paku ril, sekrup panambat, utawa penambat e (kaya panambat Pandrol).

Jinis panambat sing digunakaké gumantung marang jinis bantalan sing digunakaké. Puku ulir utawa paku panambat digunakaké ing bantalan kayu, senajan penambat e digunakaké kanggo bantalan beton utawa semèn.

Ril biasané dipasang ing sandhuwuré badan dalan sing dilapis mawa watu kricak utawa ditepungi minangka balast. Balast duwé fungsi ing ril sepur kanggo ngredhem getaran lan lenturan ril akibat boboté seput. Kanggo nyebrang jembatan, digunakaké bantalan kayu sing luwih élastis tinimbang bantalan beton.

Jinis ril adhedhasar bobot[sunting | sunting sumber]

Ril sing digunakaké ing Indonesia migunakaké standar UIC kanthi Standar:

  • Ril 25 sing tegesé 25 kg/m
  • Ril 33
  • Ril 44
  • Ril 52
  • Ril 54
  • Ril 60

Amba trak[sunting | sunting sumber]

! Katrangan ingkang langkung jangkep saged dipunpriksani wonten ing artikel utami prakawis Amba trak.
Définisi amba ril/Gauge

Ana sapérangan amba (gauge) sing digunakaké, saya amba saya stabil saéngga saya dhuwur kacepetan sepuré. Amba trak sing umum digunakaké ing antarané [1]

  • Amba 700 mm, digunakaké Sepur Aceh, saka Besitang nuju Banda Aceh sing saiki wis ora digunakaké manèh.
  • Amba 1000 mm diarani uga "meter gauge", digunakaké ing Malaysia
  • Amba 1067 mm, utawa 3 kaki 6 inci arupa amba ril sing digunakaké sacara umum ing Indonesia, diarani uga minangka Narrow gauge. Narrow gauge cocok kanggo dhaérah sing gunung-gunung amarga trak sing amba mbutuhaké biaya gedhé lan pambangunané luwih angèl.
  • Amba 1435 mm, utawa 4 kaki 8,5 inci, arupa ril sing akèh digunakaké ing donya saéngga diarani uga minangka Standar gauge

Panyambungan ril[sunting | sunting sumber]

Amarga alesan transportasi nuju menyang lokasi pamasangan, biasané ril saka pabrik panggawéné dikethok dadi ril-ril kanthi dawa 25 m. Kanggo ningkataké kanyamanan panggunan sepur sing mlaku ing sandhuwuré mula ril-ril mau disambung. Panyambungan ril dilakokaké kanthi sapérangan cara:

Las termit[sunting | sunting sumber]

Salah siji cara sing umum digunakaké yaiku kanthi las termit ing lokasi saéngga bisa dadi ril sing dawa[2]. Pangelasan migunakaké las termit kanthi migunakaké bahan kimia senyawa wesi sing didèkèkaké ing antarané kaloro ril banjur bahan mau diréaksèkaké ing suhu nganti nyuwèraké bahan kimia mau lan nyambung ril mau, sisa asil reaksi kimia mau banjur dikethok lan diratakaké karo ril.

Sambungan baut[sunting | sunting sumber]

Fishplate ing antarané 2 ril sing disambung

Ing sambungan iki digunakaké sawijining panyangga sing diarani minangka fish plate sing dibaut saka kaloro ril sing disambung. Kanthi sambungan kaya mangkono bakal krasa nalika mlaku jroning sepur.

Delengen uga[sunting | sunting sumber]

Réferènsi[sunting | sunting sumber]

  1. ^ Rail gauge - Early origins of the standard gauge [1]
  2. ^ Continuous Welded Rail http://www.grandadsez.co.uk/railways/continuous-rail.html
Logo Wikimedia Commons
Pirsani galeri bab Ril sepur ing Wikimedia Commons.
Sumber artikel punika saking kaca situs web: "http://jv.wikipedia.org/w/index.php?title=Ril_sepur&oldid=829749"