Dōtonbori

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Apiké Dōtonbori nuduhake Osaka kang flamboyan
Neon Glico saduwuring Jembatan Ebisubashi
Kepithing saduwuring omah mangan Kani Douraku

Dōtonbori (道頓堀?) yaiku pusat gastronomi, papan blanjan, lan hiburan ing sisih kidul Kanal Dōtonbori, Osaka, Jepang. Ing antarane Jembatan Dōtonbori lan Jembatan Nipponbashi iki ana manéka macem warung mangan lan fasilitas hiburan.

Minangka simbol kutha Osaka, Dōtonbori wis bola-bali didadékaké papa panggonan film Jepang lan film luar negeri. Papan-papan iklan lan lampu-lampu neon ukuran gedhe maési gedhung-gedhung restoran lan hiburan bengi ing pinggring Kanal Dōtonbori. Pusat kawigatèn wisatawan kang teka ana Dōtonbori, ing antarane kepithing papan iklan Kani Douraku, lampion fugu omah mangan Zuboraya, Neon Glico, lan jajanan khas Osaka (okonomiyaki, takoyaki, lan udon).

Ing sekitan panggonan iki ana teater bunraku, gedhung sandiwara komedi/manzai Namba Grand Kagetsu, teater idola NMB48, lan gedhung bioskop. Ing sakloron pinggiring kanal Jembatan Ebisubashi ana promenade Tonbori Water Park kang dipepaki panggonan-panggonan lungguh. Pusat diskon Don Quijote ana ing piinggiring kanal nduweni kincir ria kanthi bentuk elips. Jembatan Ebisubashi yaiku pucuk kudul saka arkade blanjan Shinsaibashi.

Ing panggonan iki uga ana Hōzen-ji (法善寺?), sawijining kuil Jōdo-shū kang dibagun taun 1637.[1] Gang cilik kang dalane saka watu ing ngarepe kuil iki diarani Hōzen-ji Yokochō.

Sajarah[sunting | sunting sumber]

Jembatan Ebisubashi sadhuwuring Dōtonbori, taun 1930-an

Pangusaha Osaka kang jenenge Yasui Dōton (Nariyasu Dōton, 1533-1615) bebarengan karo adike, Yasui Dōboku (安井道卜?) lan Andō Tōji (安藤藤次?) saka Hirano mbangun kanal nggao duwite dhewe.[2][3] Pambangunane diwiwiti Yasui Dōton taun 1612 sawise entuk préntah saka Toyotomi Hideyoshi, lan rampung taun 1615.[4] Matsudaira Tadaaki njenengi Dōtonbori (Kanal Dōton) kanggo mèngeti Yasui Dōton kang miwiti pambangunan kanal.[4]

Keshogunan Edo netepake kawasan kidul Dōtonbori minangka distrik hiburan lan pusat gedhung pertunjukan. Anggone nata kawasan iki diwiwiti taun 1621.[4] Sawise pirang-pirang abad Dōtonbori dikenal minangka pusat gedhung teater kabuki lan bunraku. Omah-omah mangan padha bukak kanggo nyukupi kabutuhan artis, penonton, lan wong-wong kang padha teka. Dōtonbori banjur ngrembaka dadi pusat kutha ing kawasan Minami lan pusat epikureanisme pendhudhuk Osaka.

Kawasan sekitar Dōtonbori keleban banyu akibat tsunami lan gempa bumi Nankai 1854. Dununge kurban tiwas ora dingertèni kanthi pesthi.[5]

Jembatan Ebisubashi lan Neon Glico kang ana ing dhuwuré kalebu salah sijine simbol kutha Osaka. Jembatan iki pisanané dibangun mèh bareng karo digawéné kanal. Panggemar tim bisbol Hanshin Tigers nduwéni tradisi mlumpat ing kali saka dhuwuring Jembatan Ebisubashi yèn timé dadi juwara. Renovasi Jembatan Ebisubashi kang dibangun sadurunge taun 1925 suwéné 3 taun.[6] Jembatan iki rampung direnovasi tanggal 22 November 2007.[7]

Referensi[sunting | sunting sumber]

Pranala jaba[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Dōtonbori&oldid=834132"