Chawanmushi

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Chawanmushi

Chawanmushi (茶碗蒸し kukus mangkuk?) yaiku masakan Jepang kang digawe saka campuran endhog pitik lan dashi kang dikukus ing mangkuk. Panganan iki disuguhake samangkoke minangka panganan pambuka.

Ing njero mangkok diwenehi panyedhep rasa kayata godhong mitsuba, jamur shiitake, wiji ginkgo biloba oncekan, kamaboko, urang, utawa daging pitik. Campuran endhog lan dashi disok ing mangkok alon-alon supaya ora ana busane.

Cara nggawe lan ngukuse kudu ngati-ati supaya ing Chawanmushi kang wis mateng ora ana busane. Endhog dicampur karo dashi, nanging ora dikocok nganti nemen. Tutupe kukusan dilambari kain lan kudu dijembreng sithik nalika ngukus supaya endhog ora atos.

Chawanmushi wis dikenal ing Jepang wiwit jaman kuno. Panganan iki mujudake suguhan saben mangsa. Ing mangsa panas disuguhake adhem, nanging yen mangsa adhem disuguhake nalika anget-anget. Tekstur chawanmushi alus kaya puding custard disenengi bocah lan wong tuwa.

Chawanmushi kang njerone dicampur udon diarani Odamaki mushi (Odamaki udon).

Sumber artikel punika saking kaca situs web: "http://jv.wikipedia.org/w/index.php?title=Chawanmushi&oldid=832456"