Centaurus (rasi lintang)

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
CENTAURUS

Peta Centaurus
Daftar lintang ing Centaurus
Cekakan Cen
Genitif Centauri
Asensio rekta 13
Deklinasi −50
Area 1060 derajad pesagi (#9th)
Lintang utama 11
Lintang
Bayer/Flamsteed
69
Lintang
mawa planèt
14
Lintang padhang 10
Lintang cedhak 8
Lintang paling padhang α Cen (−0.27m)
Lintang paling cedhak Proxima Centauri (α Cen C) ( tc)
Obyèk Messier 0
Udan météor Alpha Centaurids
Omicron Centaurids
Theta Centaurids
Rasi lintang
sing wewatesan
Antlia
Carina
Circinus
Crux
Hydra
Libra (corner)
Lupus
Musca
Vela
Katon antara lintang +25° lan −90°.
Katon paling cetha ing wektu 21.00 jroning sasi May.
'

Centaurus (play /sɛnˈtɔrəs/) inggih punika salah satunggaling rasi lintang ingkang padhang ingkang mapan wonten ing belahan langit sisih kidul.[1] Centaurus inggih kalebt salah satunggaling rasi lintang ingkang paling amba ingkang ugi melebet wonten ing kmpalan 48 rasi lintang ingkang dipundhaptar déning astronom saking Walanda, inggih punika Ptolemy ing abad kaping kalih, lan salajengipun mlebet salah satunggal saking 88 rasi lintang modhern. Ing mitos Yunani, Centaurus nggambaraken satunggaling centaur, wujud satunggaling tiyang jaler kanthi namung sepalih badanipun inggih wujud badan manungsa lan sepalih badan malih wujud jaran. Rasi lintang sanesipun ingkang dipunparingi nama sasampunipun centaur inggih punika salah satunggaling zodiak, inggih punika rasi lintang Sagittarius.

Lintang - lintang[sunting | sunting sumber]

Rasi lintang Centaurus gadhah dhaérah ingkang ambanipun kirang langkung 1060 drajat persegi lan ngewrat wolung lintang ingkang dipunmangertosi minangka planet - planet. Rasi lintang punika saged dipuntingali ing garis lintang ing antawispun +25° lan -90° saha badhé ketingal paling saé menawi dipuntingali ing jam 9 dalu ing salebeting sasi Mei. Rasi lintang punika gadhah 281 lintang kanthi magnitudo 6,5, ingkang punika mratandhakaken bilih lintang - lintang punika saged dipuntingali kanthi mripat langsung. Déné lintang - lintang ingkang wonten ing rasi lintang punika inggih kados mekaten:

  • Alpha Centauri inggih punika sistem lintang rangkep tiga ingkang dipunsusun saking lintang binar, alpha centauri AB, lan cahya kkurcaci abrit, Proxima Centauri. Alpha Centauri ugi dipunmangertosi minangka Rigil Kentaurus (suku saking Centaurus), Rigil Kent utawi Toliman. Lintang punika dipunpitados papanipun caket sanget kaliyan srengenge, inggih punika tebihipun namung 4,37 taun cahya saking srengenge. Proxima Centauri utawi alpha Centauri C inggih lintang ingkang paling caket kaliyan srengenge ing galaksi Bima Sakti.[2]
  • Beta Centauri inggih punika lintang sanesipun ingkang gadhah magnitudo setunggal. Beta Centauri ugi dipunmangertosi minangka Agena (dhengkul) lan Hadar (dhasaripun), ingkang ugi saged dipunpanggihaken wonten ing rasi lintang pnika. Lintang punika kalebet ingkang gadhah cahya biru ngantos pethak ingkang tebihipun kirang langkung 525 taun cahya saking bumi. Hadar inggih saestu tipe lintang rangkep tiga lan minangka lintang ingkang paling padhang nomer sedasa ing langit.
  • Theta Centauri utawi Menkent (pundhak saking Centaur) inggih punika lintang ingkang paling padhang nomer tiga wonten ing rasi lintang punika. Lintang punika kalebet gadhah cahya raksasa oranye kanthi magnitudo 2,06 lan tebihipun kirang langkung 610 taun cahya saking bumi.

Kahanan[sunting | sunting sumber]

Wonten ing ilmu astronomi Cina, lintang - lintang Centaurus inggih dipunpanggihaken wonten ing tigang dhaerah, inggih punika : the Azure Dragon of the East (東方青龍, Dōng Fāng Qīng Lóng), the Vermillion Bird of the South (南方朱雀, Nán Fāng Zhū Què), and the Southern Asterisms (近南極星區, Jìnnánjíxīngōu). Ananging boten sedaya lintang ing Centaurus saged dipuntingali saking Cina, lan lintang ingkang boten ketingal punika kalebet klasifikasi Asterisme kidul dening Xu Guangqi, adhedhasar asiling panaliten ing lintang kulon, inggih punika α Cen, θ Cen, ε Cen lan η Cen, saged dipuntingali ing langit Cina. Saperangan tiyang Polynesia sanget mangertosi kanthi sae lintang - lintang ing Centaurus. Wontn ing Pukapuka, Centaurus gadhah kalih nama, inggih punika Na Mata-o-te-tokolua lan Na Lua-mata-o-Wua-ma-Velo. Wonten ing Tonga, rasi lintang punika dipunsebat kanthi sekawan nama ingkang beda inggih punika: O-nga-tangata, Tautanga-ufi, Mamangi-Halahu, lan Mau-kuo-mau. Alpha lan Beta Centauri inggih boten minangka nama salah satunggaling tiyang ing Pukapuka lan Tonga, ananging punika nama tiyang saking Hawaii lan Tuamotus. Wonten ing Hawaii, Alpha Centauri dipunsebat Melemele utawi Ka Maile-hope lan nama kangge Beta Centauri inggih punika Polapola utawi Ka Maile-mua. Wonten ing Pulo Tumotu, Alpha dipunsebat Na Kuhi lan Beta dipunsebat Tere.[3]

Cathetan Suku[sunting | sunting sumber]

  1. ^ (en)Centaurus(dipunundhuh tanggal 23 Pebruari 2013)
  2. ^ Ridpath & Tirion 2001, hlm. 108-111.
  3. ^ Makemson 1941, hlm. 281.

Makemson, Maud Worcester (1941). The Morning Star Rises: an account of Polynesian astronomy. Yale University Press. p. 281.