Yudhistira A.N.M. Massardi

Saka Wikipédia Jawa, bauwarna mardika basa Jawa
Yudhistira Anm Massardi
PakaryaPenulis
BangsaIndhonésia Indonesia

Yudhistira Andi Noegraha Moelyana Massardi ingkang miyos wonten ing Subang, Jawa Kulon, 28 Fèbruari 1954) inggih punika salah satunggaling sastrawan Indonésia.

Biografi[besut | besut sumber]

Wiwit Yudhistira ANM Massardi sekolah ing tingkat SMP, piyambakipun sampun remen nyerat. Ing yuswa 16 taun, ing taun 1970, asiling seratanipun ingkang awujud carkak, novèl, drama, puisi, saha kritik sanajan namung tipis seratanipun sampun wiwit kapacak ing médhia massa. Novèl punika inggih minangka satunggaling karikatur gesangipun tiyang mudha ing wekdal punika, ingkkang kaserat mawi basa ingkang gampil dipunmangertos. Pendhidhikanipun ingkang kaping pungkasan inggih lulusan saking SMA Taman Madya, Taman Siswa ing Yogyakarta. Yudhis ugi sampun naté gabung kaliyan Persada Studi Klub Yogyakarta. Ing taun 1972, Yudhis pindhah dhateng Jakarta lan gesang prihatos ing mrika. Piyambakipun namung saged mlebet satunggal semester kanthi ndhèrèk pendhidhikan ing Akademi Sinematografi LPKJ. Piyambakipun sampun naté adol loran, gesang dados lare dalan ugi sare ing montor- montor. Yudhis lajeng saged mlebet dunya wartawan saha sampun naté dados wakil Pemimpin redaksi majalah hiburan Le Laki ing taun 1976 - 1978. Nanging piyambakipun ugi boten nyupekaken kegiyatanipun kanggé nyerat krya sastra. Naskah dramanipun Wot ing taun 1977 lan Ke ing taun 1978 pikantuk bebungah harapan wonten ing sayembara Penulisan Naskah Drama Dewan Kesenian Jakarta (DKJ). Ing taun 1981, Yudhis naté ndhèrèk Konferensi Pengarang Asia ing Manila lan ing taun 1983 dhateng jepang lan lajeng ndhèrèk International Writing Program di Universitas Iowa, Iowa City, Amérikah Sarékat.[1]

Novelipun ingkang irah-irahanipun Arjuna Mencari Cinta pikantuk bebungah dados novèl waosan remaja ingkang saé piyambak ing taun 1977 saking Yayasan Buku Utama lan sampun naté rame dados guneman kathah tiyang.

Karya[besut | besut sumber]

Kempalan puisinipun, inggih punika Sajak Sikat Gigi kepilih dados salah satunggal saking sekawan buku kemapalan puisi ingkang saé piyambak ing taun 1976 - 1977, punika dhedhasar asiling pertimbangan dewan juri ingkang dipunbentuk déning Dewan Kesenian Jakarta. Tigang buku sanèsipun inggih punika Amuk kempalan Sutardji Calzoum Bachri, "Meditasi" kempalan Abdul Hadi WM saha "Peta Perjalanan" kempalanipun Sitor Situmurong. Naskah-naskah dramanipun asring dipuntontonaken déning teater remaja ing Jakarta amargi kathah ingkang ngrembag prakawis- prakawis ingkang kadadosan ing gesanging para kawula mudha ing kitha. Tuladha asiling karya saking Yudhistira ANM Massardi inggih punika kados makaten:

Cerpen[besut | besut sumber]

Novèl[besut | besut sumber]

Sajak[besut | besut sumber]

Cathetan suku[besut | besut sumber]

  1. [1] Archived 2012-04-10 at the Wayback Machine. Yudhistira ANM Massardi (dipunundhuh tanggal 27 Januari 2013)
  2. [2] Archived 2012-01-05 at the Wayback Machine. PUISI YUDISTIRA ANM MASSARDI (dipunundhuh tanggal 27 Januari)