Wikipédia:Pranatan bab jeneng naraguna

Kaca iki mung cekakan waé: Nalika milih jeneng naraguna, éndhanana jeneng sing sifaté nyerang, mbingungaké, utawa promosi. Mung gunakna jeneng akun siji waé kajaba bener-bener dibutuhaké.

Nalika panjenengan nggawé akun anyar kanggo bisa mlebu log, salah siji bab sing kudu panjenengan lakoni yakuwi milih jeneng naraguna. Kaca iki isi kawicaksanan sing lumaku ing Wikipedia jroning bab panggunaan jeneng naraguna.

Dhasar pamikiran

Tujuan utama saka jeneng naraguna yakuwi kanggo nepungi lan mbédakaké kontributor. Jeneng naraguna bakal mènèhi fasilitas komunikasi lan pancathetan rekam jejak. Jeneng naraguna dudu sawijining forum kanggo nyerang utawa nggawé pernyataan. Ora ana wong sing nduwèni hak migunakaké jeneng naraguna kaya iku. Senadyan jeneng-jeneng sing kebak warna, narik kawigatèn, utawa èksprèsif bisa luwih ngagrengaké Wikipedia, nanging iku ora èsènsial.

Gunané jeneng naraguna

Jeneng naraguna panjenengan bakal nèmplèk marang kabèh suntingan Panjenengan nalika Panjenengan mlebu log. Iki uga nulungi banget kanggo masalah hak cipta. Yèn ana sing bakal migunakaké kontribusi Panjenengan kanthi cara sing ora diidinaké sangisoré hak cipta Wikipedia, wong-wong iku bisa waé, upamané, takon marang Panjenengan ing kaca wicara panjenengan. Uga, lisènsi GFDL nganjuraké banget supaya wong-wong iku mènèhi penghargaan marang panulisé, lan jeneng naraguna Panjenengan bakal disebutaké minangka penghargaan kasebut. Alasan liyané bisa Panjenengan temokaké ing Wikipedia:Kaluwihan duwé akun.

Pamilihan jeneng naraguna

Jeneng naraguna bisa waé jeneng asli panjenengan, jeneng samaran Internet sing biasa panjenengan anggo, utawa sawijining jeneng anyar sing panjenengan gunakna mung ing Wikipedia. Jeneng naraguna iki gumantung marang sepira gedhéné anonimitas sing Panjenengan karepaké jroning ngayahi panyuntingan.

Kita ngarepaké supaya Panjenengan milih jeneng naraguna sing bisa mbantu kanggo nulis sawijining ensiklopedia. Iki tegesé Panjenengan disuwun kanggo migunakaké jeneng sing bisa gawé Panjenengan dhéwé nyaman wektu nyunting, lan ing pihak liya uga gawé naraguna liyané ngrasa nyaman ndeleng lan kolaborasi karo Panjenengan lan jeneng naraguna Panjenengan. Èlingana yèn sawijining jeneng sing kontrovèrsial bisa waé gawé wong liya dadi salah persèpsi marang krédibilitas utawa cara ndheleng pulitik panjenengan. Minangka tambahan, Wikipedia yakuwi sawijining buku sumber sing bisa digunakaké ing saindhenging donya, dadi kita kudu peduli supaya aja nganti ngganggu wong liya sing mbokmanawa nduwèni budaya, agama, utawa suku sing béda.

Wikipedia ngrékomendhasèkaké supaya para naraguna ngéndhani:

Jeneng-jeneng pulitikus, militer, figur, utawa prastawa religius;
Jeneng-jeneng liya sing potènsial ngganggu, sing ndhukung/nentang pulitik, kawicaksanan, utawa kepercayaan saka figur publik.

Pilih jeneng sing bener-bener gawé wong liya bisa mbiji panjenengan sacara murni mung saka kontribusi panjenengan, katimbang saka respon emosional sing muncul amarga sawijining jeneng panggilan sing nduwèni potènsi kontroversial. Ngèndhani jeneng-jeneng kaya kuwi gumantung marang Panjenengan dhéwé, dadi pilih kanthi ati-ati. Èlingana, panjenengan bakal nyilam jroning sawijining komunitas. Ing Wikipedia, kita wajib silih ngurmati. Urmati pandhangan/kapercayan wong liya.

Jeneng asli versus singlon

Jeneng asli luwih dirékomendhasèkaké, nanging jeneng samaran uga olèh anggeré ora nglanggar kawicaksanan.

Biyèn, akèh situs wiki sing nyurung para naragunané nganggo jeneng asli minangka jeneng naraguna wong-wong iku. Bab iki amarga wiki kuwi proyek kolaborasi lan diarep supaya saben wong sing gabung bakal mènèhi kontribusi sing konstruktif marang proyek kasebut, saéngga diarepaké supaya jeneng asli bakal gawé para naraguna luwih tanggung jawab ing proyek kasebut. Para naraguna Wikipedia akèh-akèhé luwih milih nganggo jeneng samaran, lan nulisaké jeneng asli wong-wong iku ing kaca naragunané.

Para panyunting Wikipedia, kususé para Pengurus, kerep diganggu ing njaba Wikipedia akibat kontribusi wong-wong iku utawa aktivitas nglawan vandalisme ing Wikipedia. Sawetara wong pungkasané ngganti jeneng asli dadi jeneng samaran lan manawa ngrasa gela kenapa ora migunakaké jeneng samaran saka wiwitan. Yèn panjenengan milih kanggo migunakaké jeneng samaran, panjenengan dimanggakaké kanggo migunakaké jeneng samaran sing kaya jeneng asli, lan éndhani niru-niru jeneng wong liya utawa karakter fiksi.

Yèn panjenengan kepingin migunakaké jeneng asli panjenengan, nanging jeneng panjenengan manawa nglanggar kawicaksanan jeneng naraguna sing dilarang, supaya ngubungi salah siji pengurus lan bebarengan golèk solusi sing bisa ditampa déning kabèh pihak.

Kapitalisasi jeneng naraguna

Jeneng naraguna ing Wikipedia sifaté sensitif marang kapitalisasi (case sensitive) lan, kanggo konsistensi, aksara pisanan saben jeneng naraguna bakal dikapitalisasikan nalika Panjenengan gawé akun. Iki maknané yèn panjenengan njaluk jeneng naraguna "'jenengku", akun kasebut bakal digawé sacara otomatis dadi: "Jenengku".

Yèn jeneng naraguna panjenengan nduwèni luwih saka siji tembung, lan Panjenengan kepingin tapak asta panjenengan luwih konsisten, panjenengan luwih apik langsung ngapitalisasi saben aksara pisanan nalika gawé sawijining akun. Conto "Jeneng Ku", "Jeneng Tengah Ku", lan "Jeneng T. Ku".

Disambiguasi jeneng naraguna

Sawetara jeneng naraguna kerep mèmper utawa identik karo judhul-judhul artikel Wikipedia. Bab iki bisa nyebabaké kabingungan nalika naraguna sing ora pengalaman nemokaké kaca-kaca iki ing asil saka mesin-mesin panggolèkan (search engine). Sacara umum, kita ngrékomendhasèkaké supaya migunakaké cathetan disambiguasi prasaja ing bagéan ndhuwur kaca naraguna.

Minangka cathetan, yèn sawijining jeneng naraguna nduwèni makna gandha lan ora dianggep pantes, mesthi waé nambahkan cathetan disambiguasi ora gawé jeneng naraguna iku dadi pantes.

Tapak asta

Liwat kaca istiméwa Astamiwa:Preferensi, kita bisa milih jeneng panggilan kanggo dipigunakaké minangka tapak asta sacara bébas, ora gumantung marang jeneng naraguna sing sabeneré. Amarga saka kuwi, tapak asta ora olèh nyasaraké. Semono uga, tapak asta ora olèh dipigunakaké kanggo niru-niru naraguna liya.

Kajaba disebutaké liya, kawicaksanan sing padha uga lumaku kanggo tapak asta naraguna. Tapak asta sing digunakaké ora olèh nglanggar paugeran jeneng naraguna sing dilarang. Senadyan dudu minangka persyaratan sing wajib, praktèk sing umum kanggo tapak asta yakuwi kudu nggambaraké jeneng naraguna kanthi bener.

Kanggo informasi sabanjuré, pirsani Pitulung:Tapak asta.

Jeneng naraguna sing dilarang

Jeneng asli utawa jeneng samaran bisa digolongaké minangka jeneng naraguna sing ora pantes/ora tepat. Garis wates antara jeneng naraguna sing bisa ditampa lan ora, dilontaraké déning "sing nyawang jeneng kasebut ora bisa ditampa", dudu déning sing duwé jeneng. Sapa waé ora diarepaké kanggo golèk-golèk kasalahan wong liya.

Wikipedia ora ngidinaké sawetara jenis jeneng naraguna, klebu:

Jeneng naraguna sing mbingungaké, nyasaraké, utawa agawé angèl:
- Jeneng-jeneng sing bisa salah makna minangka kontributor liyané.
  Yèn ana wong liya sing wis migunakaké jeneng sing panjenengan karepaké, sacara prasaja: aja gunakna jeneng iku. Gunakna cara liya, upamané, yèn ana wong liya sing kabeneran nduwèni jeneng sing padha karo panjenengan, tambahna jeneng tengah panjenengan utawa inisial panjenengan utawa cara liya sing ing intiné sacara jelas mbédakaké antara panjenengan karo wong kasebut.
  
  Jeneng naraguna sing digunakna kanggo niru-niru naraguna sing sah bisa langsung diblokir.
- Istilah-istilah Wikipedia.
  Komponèn jeneng naraguna sing dilarang yakuwi klebu, nanging ora winates marang tembung-tembung sing mèmper ing ngisor iki, ing basa Inggris, basa Indonesia, basa Jawa utawa basa liyané:
  - Jabatan resmi Wikipedia utawa jeneng peranan sing luwih dhuwur saka naraguna biasa.
    Sing klebu jroning poin iki yakuwi jeneng-jeneng kaya "Panata", "Administrator", "Admin", "System Operator", "Sysop", utawa "Moderator"
  - "Rollback", "Revert", "Edit war", "POV"
  - Istilah jroning prosès panyuntingan.
    Upamané, "Hapus", Busak, "Muatkan", Unggah, Alih "Pindahkan", utawa "Alihkan" ("Delete", "Upload", "Pagemove", utawa "Redirect")
  - Jeneng-jeneng sing mènèhi kesan yèn panjenengan duwé maksud kanggo gawé masalah.
    Contoh: "Vandal", "Perusak", "Hacker", "Spammer", utawa "Troll". Iki klebu jeneng-jeneng sing manawa merujuk marang piranti lunak perusak kaya "Virus" utawa "Trojan horse".
  - Jeneng-jeneng sing kaya akun bot.
    Upamané jeneng-jeneng sing ngandhut "Bot", "Robot", "Script", "Initialize", "Automated", "Daemon", lan liya-liyané, kajaba jeneng kasebut pancèn bener-bener bakal digunakna minangka bot sing sah. Jeneng-jeneng sing ngandhut implikasi bot bisa diblokir, lan naraguna sing bersangkutan bisa diminta kanggo ngubungi Pengurus kanggo ngonfirmasikan apa akun kasebut bener-bener sawijining akun bot.
  - Istilah-istilah teknis.
    Kaya tombol toolbar utawa namespace. Istilah-istilah iki manawa mbingungaké marang naraguna sing ora pengalaman utawa naraguna sing ora nduwèni kapasitas kaya naraguna normal.
  - Istilah-istilah Wikipedia liyané
    Istilah-istilah sing manawa bisa mbingungaké naraguna anyar utawa naraguna liyané amarga nduwèni kesamaan dengan istilah ing Wikipedia sing umum digunakna.
- Uga, ati-ati marang aksara-aksara kapital saka i, aksara cilik saka L, lan nomor 1, sing bisa katon padha karo (I/l/1) ing sawetara jinis fonts. Conto liya yakuwi aksara O lan nomor 0 (O/o/0). Panggunaan aksara-aksara kasebut sing bisa nyesataké yakuwi ora prayogakaké, ngèlingi penyalahgunaan sing tau kedadéyan ing mangsa kapungkur.
- Jeneng-jeneng saka wong-wong misuwur sing isih urip utawa wis séda, kaya Gus Dur utawa Edi Sudradjat, ora olèh digunakna kajaba Andalah memang bener-bener wong kasebut sing bisa sacara sah ngeklaim "keterkenalan" kasebut. Yèn pancèn panjenengan "wongé", nyatakaké ing kaca naraguna panjenengan. Yèn Pengurus ora yakin ngenani akun-akun iki, Pengurus bisa mblokir sinambi nunggu konfirmasi keabsahan panggunaan jeneng kasebut
- Jeneng-jeneng sing dumadi saka aksara-aksara/angka-angka acak utawa minangka pengulang-ulangan saka aksara tinamtu
- Jeneng sing dawa banget
- Jeneng-jeneng sing mèmper alamat IP
  Klebu alamat IP sing ora sah kaya xxx.xxx.xxx.xx.xx utawa xxx.xxx.xxx.xx, utawa nomor IP sing ngluwihi jangkauan kaya 256.889.72.0.
Jeneng-jeneng sing ngasut
Wikipedia ora ngidinaké jeneng-jeneng naraguna sing bisa dimaknani ngasut utawa nyerang. Jeneng-jeneng kaya iki minangka jeneng-jeneng sing nyilikaké ati kontributor liyané, lan ngaco/ngganggu tujuan utama kita kanggo gawé sawijining ensiklopedia. Jeneng-jeneng sing dilarang iki bisa arupa utawa ngandhut:
- kebencian utawa kakerasan
  - Klebu kakerasan utawa tindakan-tindakan ilegal, kaya terorisme utawa organisasi kajahatan
  - Jeneng-jeneng sing dadi simbul kabencian klebu figur/prastawa historis sing bisa diasosiasikan mangkono
- ngina utawa penistaan
- simbol saka kabencian,
- istilah sèksual utawa kelamin
- istilah jroning fungsi reprodhuksi utawa fungsi pambuwangan
- jeneng-jeneng penyakit utawa cacat fisik, upamané AIDS, amputasi, lan liya-liya
- tembung-tembung ora senonoh utawa cabul (jroning basa apa waé)
- figur religius kaya "Tuhan", "YHVH/Yahwe/Yehowa/Jehovah", "Buddha, utawa "Allah", sing bisa ngusik kapercayan wong liya
- sudut pandhang sing ngasut utawa kontroversial
- Ejaan (utawa salah ejaan) saka kabèh jenis jeneng sing dilarang ing ndhuwur jroning basa Leet, kaya "cr34+1v3 sub5717u710nz" (creative substitutions).
Jeneng-jeneng naraguna sing sifaté mitenah
Jeneng-jeneng naraguna kaya iki dilarang ing Wikipedia. Secara khusus, jeneng naraguna ing Wikipedia dudu alat kanggo nyerang wong liya sing ora sependapat dengan Panjenengan. Jeneng naraguna ora olèh digunakna kanggo fitnah wong, prusahaan, utawa klompok, apa wong-wong iku nyunting Wikipedia utawa ora. Jeneng-jeneng naraguna uga ora olèh digunakna kanggo mbocoraké informasi pribadi saka naraguna liyané. Jeneng-jeneng iki bisa klebu jeneng sing digawé mèmper karo nomor telepon, nomor identitas, utawa jeneng dalan.
Jeneng-jeneng naraguna sing mirip karo jeneng sing tau nglakoni vandalisme
Jeneng-jeneng sing mirip karo jeneng-jeneng sing biyèn tau digunakna minangka tapak asta déning pevandal kamungkinan bakal diblokir.
Jeneng-jeneng naraguna sing niru-niru jeneng naraguna kadaftar liyané sing sah
Wikipedia wis nduwèni pengalaman ngenani para pendaftar sing sengaja ndaftaraké dhiri nganggo jeneng sing niru-niru naraguna kadaftar sing sah liyané, khususé jeneng-jeneng pengurus.
Jeneng-jeneng naraguna sing promosi sawijining organisasi
Jeneng-jeneng sing mirip karo jeneng saka organisasi komersial utawa non-komersial, klompok tinentu ing donya nyata utawa maya ora diarepaké lan bisa diblokir. Organisasi komersial sing umumé awangun prusahaan, utawa organisasi sing golèk keuntungan. Organisasi non-komersial bisa arupa yayasan sosial, klompok lingkungan, lan liya-liyané.
Sing klebu jroning kategori iki nanging ora winates ing njeroné yakuwi jeneng-jeneng: Stasiun radio, Sekolah, Universitas, Situs web, Biro jasa, lll
Alamat email
Wiwit 26 September 2006, perangkat lunak MediaWiki wis diowahi saéngga naraguna ora bisa ndaftar sawijining jeneng naraguna kanthi tandha "@". Jeneng-jeneng naraguna sing wis migunakaké tanda "@" ora diblokir, ananging diprayogakaké supaya ngganti.
Merek dagang
Merek-merek dagang, upamané jeneng-jeneng tim olah raga, ora olèh digunakna minangka jeneng naraguna.

Kanggo naraguna anyar sing nuju mempertimbangkan jeneng sing bakal digunakna, deleng uga Log pemblokiran lan golèki "tak layak" liwat panjelajah panjenengan kanggo jeneng-jeneng sing apiké dihindari amarga bakal diblok.

Jeneng-jeneng sing dilarang kaya ing ndhuwur, bisa langsung diblokir saka kaputusan Pengurus utawa atas usulan naraguna kadaftar liyané. Mesthi waé, yèn naraguna sing bersangkutan dianggap minangka kontributor sing apik, Pengurus bisa nyaranaké supaya ngganti jenengé. Nanging yèn sing bersangkutan nulak, sauntara jenengé dianggap ngganggu komunitas, Pengurus bisa ngeblok. Pirsani uga bagéan "pelanggaran kawicaksanan" ing ngisor.

Pangowahan jeneng naraguna sing dilarang

Yèn cukup akèh naraguna liya sing ngeluh ngenani jeneng naraguna panjenengan (liwat kaca wicara, mailing list, utawa Meta-Wikipedia), sawijining Birokrat bisa ngowahi. Keluhan utawa owah-owahan jeneng ora bisa dilakoni sacara sawenang-wenang. Nanging, jeneng-jeneng naraguna sing dianggep vulgar (ngina, nyerang, ngganggu) marang sebagéan naraguna bakal langsung digenti, tetep kanthi warta, nanging tanpa perlu disuwun.

Para kontributor sing kooperatif normalé mung perlu diwènèhi weruh ngenani kawicaksanan Wikipedia liwat pesan ing kaca wicara wong-wong iku. Owah-owahan sukarela (liwat kaca Wikipedia:Pangowahan jeneng naraguna) luwih apik. Èlingana, para naraguna saka manéka negara lan/utawa umur, nglakoni kasalahan jroning milih jeneng -- mung waé perlu dièlingi yèn "pamblokiran sigra" bisamedèni para naraguna anyar sing nduwèni niat apik.

Nalika sawijining owah-owahan kudu dipeksa, kita sadurungé kudu ndiskusèkaké luwih dhisik. Papan kanggo kuwi bisa ing kaca naraguna sing bersangkutan, sub-kaca, ing Wikipedia:Warung Kopi, utawa ing sawijining kaca diskusi khusus. Si naraguna iku dhéwé kudu diusahakna supaya meruhi diskusi iki.

Kanggo kasus-kasus kontroversial ing ngendi si naraguna nglakoni panyuntingan sacara aktif, keputusan bisa dijupuk jroning siji utawa rong dina. Kasus sing luwih kontroversial ing ngendi si naraguna arang nyunting, keputusan manawa nembé bisa dijupuk sawisé seminggu.

Sawisé wektu sing cukup kanggo diskusi, pengurus bisa njupuk keputusan jeneng naraguna sing dadi pasulayan iku. Pengurus olèh njupuk tindakan mung yèn konsensus paling akèh (mayoritas sederhana, separuh ditambah siji swara) nyatakaké yèn jeneng kasebut ora pantes/ora tepat/dilarang. Kaputusan iki bakal ngakibataké tindakan pemblokiran jeneng naraguna kasebut (pirsani Wikipedia:Kawicaksanan pemblokiran).

Namun demikian, Pengurus bisa saja memblokir sawijining jeneng naraguna dengan segera. Lapuran ngenani jeneng naraguna sing sacara nyata-nyata pancèn vulgar (ngganggu/ngenyèk/nyerang) bisa dilapuraké ing kaca Warung Kopi utawa ing kaca dhiskusi salah siji Panata.

Migunakaké luwih saka siji akun naraguna

Diprayogakaké supaya para naraguna ora migunakaké luwih saka siji jeneng naraguna, kajaba wong-wong iku nduwèni alesan sing apik. Kita nyebut jeneng-jeneng naraguna kaya iki minangka Naraguna Siluman. Panjelasan luwih pepak, pirsani ing Wikipedia:Naraguna siluman.

Mbusak akun naraguna Panjenengan

Akun naraguna sing wis nduwèni kontribusi ora bisa dibusak amarga tindakan pambusakan bakal bisa ngidinaké naraguna liya kanggo migunakaké jeneng naraguna kasebut, lan ngeklaim yèn dhèwèké sing duwé rekam jejak sing wis ana.

Yèn Panjenengan mutusaké sawisé gawé sawijining akun, khususé yèn Panjenengan migunakaké jeneng asli panjenengan, bahwa panjenengan luwih seneng ora diweruhi jeneng asli panjenengan, panjenengan bisa njaluk supaya jeneng naraguna kasebut diganti. Mangga nyuwun ing Wikipedia:Pangowahan jeneng naraguna, utawa ngubungi salah siji Birokrat. Yèn wis dilakoni, kontribusi panjenengan bakal nèmpèl marang jeneng sing anyar iku.

Panjenengan bisa uga njaluk supaya jeneng naraguna lan kaca dhiskusi panjenengan dibusak.

Kaca dhiskusi sing wis panjenengan tapak astani bakal tetep jroning jeneng naraguna sing lawas lan mung bisa diganti sacara manual ing saben kaca. Yèn panjenengan bener-bener kepingin supaya jeneng asli panjenengan ora ana manèh ing situs kasebut, panjenengan bisa nyunting kaca-kaca iku kanggo mbusak tapak asta panjenengan. Cara palig gampang kanggo nemokaké tapak asta panjenengan kanthi ngeklik "Pranala menyang kaca iki" saka kaca naraguna panjenengan. Wektu iki ora ana cara kanggo ngilangaké tapak asta saka revisi sadurungé ing "versi terdahulu".

Deleng uga: Right to vanish (Hak kanggo ngilangaké jejak)

Pelanggaran kawicaksanan

Jeneng naraguna sing nglanggar kawicaksanan kanggo sing:
- Kontributor sing dianggap cukup apik
  (Alternatif tindakan: pangowahan jeneng naraguna (diprayogakaké) utawa pemblokiran)
  
  Kanggo naraguna sing dianggap wis mènèhi kontribusi sing baik, pengurus utawa naraguna kadaftar liyané bisa sadurungé njaluk supaya naraguna iku ngajokaké penggantian jeneng marang Birokrat ing kaca Wikipedia:Pangowahan jeneng naraguna.
  
  Iki diperlokaké amarga kita ora kepingin medèni naraguna sing dadi kontributor sing baik.
  
  Senadyan mangkono, yèn naraguna kasebut ngotot ora gelem ngganti jeneng utawa jroning wektu 1 minggu ora nanggapi panjalukan pengurus kasebut, pengurus bisa memblokir jeneng kasebut kanggo salawasé.
- Pelaku vandal
  Yèn naraguna kasebut nyata-nyata nlgakoni vandalisme, naraguna kasebut langsung diblokir kanggo salawasé, kanthi alesan, migunakaké jeneng naraguna sing dilarang lan ditambah manèh kanthi ngayahi vandalisme.
Pembuatan tapak asta sing nglanggar kawicaksanan, nduwèni konsekuensi sing padha karo jeneng naraguna sing nglanggar kawicaksanan ing ndhuwur.

Pamblokiran

Naraguna sing diblokir lan amarga wis kliwat wektu (pamblokiran sawisé 1 minggu pènget sing ora ditanggapi) ora nduwèni kasempatan kanggo "mbéla dhiri" utawa "njaluk pangowahan jeneng", bisa nglakoni mung ing kaca dhiskusi naragunané dhéwé. Pengurus bisa nilai kaabsahan panjaluk iki lan yèn dianggep tepat bisa dilakukan pembatalan pamblokiran.

Usulan rekomendasi perubahan jeneng

Saliyané sikap aktif Pengurus, naraguna kadaftar minangka individual bisa ngusulaké supaya komunitas lan pengurus mrayogakaké marang naraguna liyané supaya ngganti jeneng kanthi alasan amarga jeneng sing dilarang utawa jeneng sing dianggep nduwèni potensi mbingungaké utawa ngganggu.

Usulan kasebut bisa ditulis ing kaca Wikipedia:Pangowahan jeneng naraguna/Usulan.

Jeneng sing diusulaké, sing nyata-nyata arupa pelanggaran marang kawicaksanan jeneng sing dilarang, bisa langsung dijupuk tindakan miturut kawicaksanan ing ndhuwur. Usulan liyané kudu dijupuk kaputusan miturut konsensus. Kaya wis dijelasaké, garis wates antara jeneng naraguna sing bisa ditampa lan ora, dilontaraké déning "sing ndeleng jeneng kasebut ora bisa ditampa", dudu déning si pemilik jeneng, nanging wajib marang sapa waé supaya ora golèk kasalahan wong liya.

Kaya lazimé ing Wikipedia Indonesia, pamungutan swara bakal dilaksanakaké sajroning seminggu, kanggo milih apa komunitas lan pengurus bakal mrayogakaké supaya jeneng naraguna sing diprayogakaké iku bakal njaluk diganti. Yèn usulan iku disetujoni liwat swara mayoritas prasaja (luwih saka 50%), komunitas bakal ngusulaké marang naraguna kasebut su[aya ngganti jeneng. Pamblokiran jeneng komunitas bisa dilakoni marang naraguna sing wis dijaluk kanggo ngganti jeneng, nanging ora nanggapi utawa mbandel.

Delenga uga

Wikipedia:Naraguna
Wikipedia:Kawicaksanan
Wikipedia:Kawicaksanan pamblokiran
Wikipedia:Pangowahan jeneng naraguna (sing dadi bagéan ora kapisahaké saka (proposal) kawicaksanan iki)
- Panjalukan pangowahan jeneng naraguna
  Kaca iki dipigunakaké kanggo panjalukan sing sacara sukarela lan proaktif disampaikan déning naraguna sing bersangkutan dhéwé.
- Usulan rekomendasi pangowahan jeneng naraguna
  Usulan pangowahan déning naraguna liyané sing nilai yèn jeneng sing ana ora tepat digunakna/berpotensi mbingungaké.
Daftar naraguna