Walanda Ireng

Gambar prajurit pribumi lan prajurit saka Afrika ing sawijining poster pungkasaning abad kaping 19

Walanda Ireng utawa Landa Ireng utawa ing basa Walanda Zwarte Hollanders lan basa Malayu Belanda Hitam, iku peparabé para prajurit kang asalé saka Ghana ing KNIL.

Sajarah

Antara taun 1831 lan 1872, punjul 3.000 jiwa wong-wong Afrika dijupuki saka jajahan Walanda ing Afrika, Elmina (saiki péranganing Ghana). Nalika Perang Dipanagara, KNIL kèlangan akèh prajurit Éropah lan saya akèh manèh prajurit pribumi lan amarga iku dibutuhaké akèh prajurit anyar. Banjur Bèlgi uga mardika ing dasawarsa 1830-an, dadi sing ndunungi Walanda uga saya ciyut. Banjur andil rélatif prajurit pribumi ing KNIL uga arep dikurangi supaya ora mbaléla lan désèrsi. Mula dijupuk prajurit-prajurit saka Afrika, amarga dipikir yèn wong-wong Afrika iku luwih tahan lelara-lelara tropis tinimbang wong-wong Éropah.

Kapustakan

• (ing basa Walanda) J. Verhoog, 'De werving van Westafrikanen voor het Nederlands-Indische leger, 1831-1872', in Mededelingen van de Sectie Militaire Geschiedenis Landmachtstaf, deel 12 (1989) 5-26.
• (ing basa Walanda) W.M.J. van Kessel Zwarte Hollanders; Afrikaanse soldaten in Nederlands-Indië (2005; KIT Publishers; ISBN 90-6832-498-5)

Pranala njaba

• (ing basa Walanda) Situs wèb yayasan komunitas Landa Ireng ing Walanda Archived 2014-08-29 at the Wayback Machine.