Gunung geni

Gunung geni jebluk ing taun 1991

Gunung geni iku papan ing endi lava metu saka lemah. Gunung geni kerep mèmper gunung biyasa rupané.

Gunung geni muncul yèn ana gèsèkan antara lèmpèngan tèktonik. Lèmpèngan-lèmpèngan iki cedhak mula magmané muncrat tekan dhuwur. Nalika gunung geni njeblug, magma kang kakandhut ing kamar magma ing sangisoring gunung geni kang njeblug, metu awujud wlahar utawa lava. Saliyané aliran lava, bebaya kang disebabaké déning gunung geni kang njeblug ing antarané wujud:

• Aliran lava.
• Jeblugan gunung geni.
• Aliran lendhut.
• Awu.
• Kobongan alas.
• Gas racun.
• Gelombang tsunami.
• Lindhu.

Tingkat level gunung njebluk ing Indonesia

Tingkat isyarat gunung geni ing Indonésia
Status	Makna	Tindakan
AWAS	Nandhakaké gunung geni kang siyap utawa pinuju njeblug utawa kang ana ing kaanan kritis kang nuwuhaké bebaya Jeblugan pambuka diwiwiti kanthi awu lan keluk Jeblugan bisa kadadéan ing sajeroning wektu 24 jam	Wewengkon kang kaancam bebaya direkomendasi supaya dikothongaké Koordinasi kanthi padinan Piket penuh
SIAGA	Nandhakaké gunung geni kang arep njeblug utawa nuwuhaké bebaya Paningkatan intensif kagiyatan seismik Kabèh data nuduhaké yèn aktivitas bisa rikat dadi jeblugan Yèn trèn paningkatan terus mundhak, jeblugan bisa kadadéan ing sajeroning wektu 2 minggu	Sosialisasi ing wewengkon kang kaancam Panyiapan sarana darurat Koordinasi padinan Piket penuh
WASPADA	Ana aktivitas apa waé wujudé Ana kamundhakan aktivitas ing sadhuwuring level normal Paningkatan aktivitas seismik lan kadadéan vulkanis liyané Ana owah-owahan sethithik aktivitas kang diakibataké déning aktivitas magma, tektonik lan hidrotermal	Panyuluhan/sosialisasi Penilaian bebaya Pengecekan sarana Pelaksanaan piket winates
NORMAL	Ora ana tandha-tandha aktivitas tekanan magma Level aktivitas dhasar	Pengamatan rutin Survei lan penyelidikan

---

Jinis gunung geni miturut wanguné

• Stratovolcano
• Taméng
• Cinder Cone
• Kaldera

Klasifikasi gunung geni ing Indonésia

Kalangan vulkanologi Indonésia nglompokaké gunung geni sajeroning telung tipe miturut cathetan sajarah jeblugan/erupsiné.

• Gunung geni Tipe A: kacathet tau ngalami érupsi magmatik sakurang-kurangé sapisan sawisé taun 1600.
• Gunung geni Tipe B: sawisé taun 1600 durung tau kacathet manèh nganakaké érupsi magmatik nanging isih nuduhaké tandha-tandha kagiyatan vulkanik kaya déné kagiyatan solfatara.
• Gunung geni Tipe C: sajarah erupsiné ra diweruhi sajeroning cathetan manungsa, nanging isih ana tandha-tandha kagiyatan mangsa kapungkur wujud lapangan solfatara/fumarola ing tataran cendhèk.

Uga delengen

• Gunung
• Geni
• Pratélan gunung geni ing donya
• Pratélan gunung ing donya
• Pratélan gunung ing Indonésia