Ugoran Prasad

Ugoran Prasad

Ugoran Prasad ingkang miyos wonten ing Tanjungkarang, Lampung, tanggal 6 Oktober 1978 inggih punika salah satunggaling sastrawan ing Indonésia. Ugoran Prasad inggih lulusan saking Jurusan Sosiologi Universitas Gadjah Mada ingkang sapunika makarya wonten ing LeBur Theater Quarterly Yayasan Teater Garasi, piyambakipun ugi dados Anggota BlockNot Forum. Piyambakipun ugi sampun naté ndhèrk golongan teater, kanthi prosès teateripun ingkang sepisanan wonten ing Waktu Batu. Lan debut novelipun ingkang sepisanan inggih kanthi irah-irahan Di etalase (Grasindo, 2003). Lan novelipun ingkang kaping kalih, inggih punika kanthi irah-irahan Di Bordes (dimana kamu, Lula?).

Padamelanipun

Ugoran sampun medalaken seratanipun wiwit 1999 ing sapérangan koran lokal ing Yogyakarta, saderengipun ndhirikaken BlockNot Forum. Forum punika inggih forum kepengarangan, mliginipun kanthi nindakaken pamaosan saha panyeratan malih saking manéka warni literatur ingkang saged kapanggih. LAjeng wiwit taun 2002, piyambakipun sampun meedalaken karya fiksi lan esainipun ing sapérangan koran nasional. Ing taun 2001-2004, sareng kaliyan Gunawan Maryanto lan Andri Nur Latif, Ugoran nyerat naskah seri pagelaran Waktu Batu ingkang dipunsutadara déning [[Yudi Ahmad Tajudin. Ing taun 2006, sareng kaliyan Onishi Ayaka, piyambakipun nyerat teks pagelaran Mnem[a]syne (sutradara: Yudi Ahmad Tajudin), satunggaling kolaborasi antawisipun Teater Garasi lan Teater Kunauka (Tokyo). Kajawi nyerat karya fiksi, ugiran ugi nindakaken studi ing ranah pagelaran. Wieit taun 2002, Ugoran dados Associate Editor, Lebur Theater Quarterly, Jurnal Teater dan Seni Pertunjukan, sisan paneliti Program Penelitian dan Pengembangan Teater Yayasan Teater Garasi. Ugoran ugi misuwur dados panulis lan ingkang nampilaken cakepan kanggé golongan musik Melancholic Bitch, Yogyakarta. Kelompok punika sampun ngasilaken tigang album (Live at nDalem Joyokusuman, 2003, Anamnesis, 2005, lan Balada Joni dan Susi 2009). Ugoran ugi katut ing sapérangan karya kuratorial lan kolaborasi kanggé golongan lan proyek seni new-médhia, utawi manéka warna jinis seni lintas disiplin, kados ta:Performance Fucktory (kelompok pertunjukan, 1998-2002, kurator internal), Parkinsound#1-3 (festival musik elektronik, 1999-2001, kurator internal dan kolaborator inisiasi), Re:Publik (festival lintas disiplin, 2005, anggota tim kurator) lan 1hrs 2b Oth3rs (Jompet Kus Widananto, dkk.).

Penghargaan

• Kontributor Cerpen Kompas Pilihan 2008 (Perempuan Sinting di Dapur)
• Kontributor Cerpen Kompas Pilihan 2007 (Sepatu Tuhan)
• Cerita Pendek Terbaik untuk Cerpen Kompas Pilihan 2005-2006 ('Ripin').
• Karya fiksi peserta Utan Kayu Literary Bienalle 2007, Komunitas Teater Utan Kayu, 2007.

Karya

• di etalase (novèl, 2004)
• waktu batu (naskah drama, dipunserat sesarengan kaliyan Andri Nur Latif dan Gunawan Maryanto, 2005)
• di bordes, dimana kamu, Lula? (novèl, 2006)