Ttaemiri
Ttaemiri (때밀이) ya iku istilah ing basa Koréa kang ateges nggosok, kang ditindakake sawisé aktivitas adus kanggo ngresiki awak.[1][2] Wong Koréa biyasa nggosok awak sawisé kungkum nganggo banyu panas kanthi ngumpulaké andhuk kasar kang diaraniandhuk Italia kulité dadi semu abang-abang.[1]
Andhuk Italia ya iku jinis kain kasar kang diprodhuksi ing Koréa kawit taun 1960-an kanggo kaperluan adus.[1] Kain mau disenengi amarga bisa ngresiki rereget kang kanthil saéngga peminaté tansaya nambah.[1] Diarani andhuk Italia amarga kain kasar kanggo gawé andhuk mau asalé saka Italia.[1] Sabeneré dhokter wis menging praktik nggosok awak nganggo Andhuk Italia amarga bisa ngocèki sel kulit mula bisa ngakibataké kulit garing lan rikat tuwa.[1] Sanajan duwé èfèk kang ora apik tumrap kulit, sapérangan wong Koréa isih seneng nggosok awak (ttaemiri) kang dikenal wong manca minangka budaya adusé wong Koréa.[1] Saiki istilah ttaemiri uga manut marang wong kang nglayani jasa adus ing panggonan-panggonan padusan umum.[1] Wog-wong mau ora mung nglayani jasa nggosok awak, nanging uga pijet lan facial.[1] Para wisatawan manca sing ana ing Koréa akèh kang nyoba nggosok awak kaya kang ditindakaké déning wong Koréa lan tuku andhuk Italia nalika blanja ing pasar Namdaemun minangka cindheramata.[1]
Cathetan suku
[besut | besut sumber]- ↑ a b c d e f g h i j Ji, Geun-hwa (Summer 2003). "Korean Bath Culture : Rejuvenation of the Body and Mind" (PDF). Koreana. 17.[pranala mati permanèn]
- ↑ (ing basa Koréa)세계에 부는 ‘한국식 때밀이’ 열풍, news.chosun.com. Diundhuh tanggal 2 Juni 2010.
 | Artikel budaya iki minangka artikel rintisan. Kowé bisa ngéwangi Wikipédia ngembangaké. |