Trie Utami
| Trie Utami | ||
|---|---|---|
 | ||
| Latar wuri | ||
| Jeneng lair | Trie Utami Sari | |
| Lair | Januari 8, 1968 Bandung,Indonésia
| |
| Jinis Musik | Pop | |
| Pakaryan | penyanyi Pencipta Lagu | |
| Hubungan | ||
| Wong tuwa | H. Soedjono Atmotenojo (ayah) Hj. Soejarni Oesoep (ibu) | |
| Situs resmi | Situs Resmi | |
| Mantan Anggota | ||
| Krakatau Rumpies | ||
Trie Utami Sari, kang biyasa diundang kanthi jeneng Iie, (lair ing Bandung, Jawa Barat, 8 Januari 1968; umur 56 taun).[1] Trie Utami iku penyanyi lan pengarang lagu Indonésia.[1] Trie Utami iku anak pasangan Kolonel (Purn.) H. Soedjono Atmotenojo lan Hj. Soejarni Oesoep.[1] Trie Utami iku anak kang wuragil saka sadulur kang cacahé telu.[1] Trie Utami tepung musik wiwit cilik.[1] Ing omahé kerep diputer swara Pat Boone, Glen Muller, Perry Como, lan lagu-lagu klasik kang diputer saka piringan ireng.[1] Wiwit taun 1972-1986, Iin gladhèn piano bareng karo seduluré ya iku Purwa Tjaraka lan Thea Ika Ratna.[1] Kang dadi gurune ya iku Alfons Becalel (wong Honggari) lan Rhinno uga Linda saka YPPM (Yayasan Pusat Pendidikan Musik) Bandung.[1] Iie uga tau mèlu pendhidhikan musik ing Bina Mustika Bandung nalika taun 1978.[1] Sanajan ora sinau vokal kanthi mirunggan, nanging Trie Utami uga pinter nyanyi.[1] Amarga bakaté kang pinter nyanyi lan main piano iki, Trie Utami dipercaya mimpin drum band ing sekolah. Nalika iku Iie kang dadi mayoret.[1]
Nalika taun 197, Trie Utami tampil ing TVRI kang sepisanan.[1] Nalika iku, Iie tampil karo Bu Mul ing acara Ayo Menyanyi.[1] Acara iki salah sijiné acara kompetisi nyanyi kang pesertané bocah-bocah SD lan disiyarake langsung ing tivi.[1] Sawisé iku, Iie mèlu lomba nyanyi lagu-lagu perjuwangan ing Bandung lan bisa éntuk juwara loro.[1] Nalika SMA, Iie terus ngasah bakat musike.[1] Ii main piranti musik keyboard, saksofon, lan gladhèn nggawé aransemen lagu ing golongan drum band GWDC (Genta Winaya Drum Corps) Bandung.[1] Jenengé dadi misuwur nalika Iie bisa dadi juwara ing Festival Penyanyi Lagu Populer Indonesia nalika taun 1989 lan dadi runner up ing ABU (Asia Pasific Broadcasting Union) Golden Kite World Song Festival ing Kuala Lumpur, dadu Best Performer on TV, lan BASF Award Winner.[1] Karir profésional dadi penyanyi diwiwiti nalika dadi anggota band jazz legendaris tanah air Krakatau.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |