Toni Braxton

Saka Wikipédia Jawa, bauwarna mardika basa Jawa
Toni braxton

Toni Michelle Braxton (lair ing Severn, Maryland, Amérikah Sarékat, 7 Oktober 1967; umur 56 taun) dhèwèké penyanyi lan juru nulis lagu saka Amérikah Sarékat, dhèwèké wiwit kariré ning dunya musik nalika taun 1989 karo bantuan déning The Braxtons, Dhèwèké dadi penyanyi, kang kondhang amarga albumé kang pisanan, kang judhulé Toni Braxton (dirilis nalika taun 1993), Ning album mau ana lagu kang dadi hité, ya iku lagu kang judhulé Another Sad Love Song.[1] Nyusul sawisé iku, dhèwèké ngrilis manèh album-album liyané, kaya ta Secrets (kang dirilis nalika taun 1996), The Heat (dirilis nalika taun 2000), More Than a Woman (dirilis nalika taun 2002) lan Libra (album iki dirilis nalika taun 2005).[1]

Ora namung iku, aktris iki uga tau menangaké nem panghargaan ning ajang Grammy Award lan albumé bisa kaedol nganti 40 yuta kopi ning kabèh tlatah ning dunya, Dhèwèké uga dadi pancipta tetembangan saliyané dadi aktris filem.[1] Laguné kang ana ning albumé iku kasil saka pangudiné dhéwé, ora namung iku, tetembangan kang tau dicipta déning dhèwèké uga sok digawakaké déning para kanca-kancané.[1]

Manawa dadi aktris, karyané ana ning serial Tv.[1] Dhèwèké tau mbintangi sajumlah serial ning télévisi, meski namung dadi bintang tamu.[1] Nanging debuté aktingé dadi juru main ning filem layar lebar, bisa dideleng saka filem KINGDOM COME, [[filem kang dirilis nalika taun 2001.[1] Nyusul sawisé iku, dhèwèké main ning serial TV kang judhulé Play'd: A Hip Hop Story, filem iki dirilis nalika taun 2002.[1]

Karir kasuksesané anggawe dhèwèké dipercaya dadi duta autis lan Asosiasi Jantung ning nagara Amérika.[1] Braxton kagolong artis kang preduli karo masalah sosial.[1] Nalika sasi Januari taun 2010, Braxton mèlu réwang remake lagu We Are The World anduwéné Michael Jackson kanggo mbantu kurban lindhu Haiti.[1] Braxton nikah karo Keri Lewis kang profesiné uga padha karo dhèwèké, dadi musisi.[1] Saka parnikahané karo Keri, dhèwèké dikarunian anak loro.[1] Sakloron anaké lanang kabèh, namané Diezel Ky Braxton Lewis kang lair nalika tanggal 30 Maret taun 2003 lan Denim Cole Braxton Lewis, kang lair nalika tanggal 2 December taun 2001.[1] Nanging nalika sasi November taun 2009, Braxton mbiwara marang médhia manawa dhèwèké karo Keri wus cerai.[1]

Ana carita manawa dhèwèké kening lelara kang anggawe kaséhatané tambah ora apik.[1] Ning acara 8th Annual Bag Ladies Lucheon, dhèwèké olih panghargaan Women in Achievement, lan ngomong dhèwèké kena lelara Lupus nalika narima panghargaan mau.[2] Toni Braxton kena lelara pericarditis, ya iku pambengkakan ning pérangan kang ana ning jantung.[2] Babagan mau, dingertèni manawa Toni Braxton duwé tekanan geting kang dhuwur.[2] Nanging dhèwèké ora mandhek anggoné nyipta karya.[1] Nalika sasi Mèi taun 2010 Braxton wiwit ngrilis albumé kang judhulé, Pulse.[1] Ning video klip hit single kaping pisanan album mau, Hands Tied, Braxton tampil seksi lan ber-pole dance ning bar lan ditonton karo para priya.[1]

Diskografi[besut | besut sumber]

Cathetan suku[besut | besut sumber]

  1. a b c d e f g h i j k l m n o p q r s biografi Toni Braxton dipununduh tanggal 26 Juli 2011
  2. a b c berita Toni Braxton dipununduh tanggal 26 Juli 2011